Piripoi 2:11 - Ashiri Aeuitaknup Iyohaichish Yona 1897

¹¹ samata, obitta no okai parumbe anak ne Michi ne Kamui nupeki gusu Yesu Kiristo anak Utarapa ne sekoro eyaipushi kuni hemhem ki ruwe ne gusu ne na.

Piripoi 2:11 ပူးပေါင်းရင်းမြစ်များ

Iyohaichish 110:1

EHOBA anak ne ku goro Utarapa otta ene itak-hi:— E epokba utara ani e chikiri andep ne ku kara pakno, Ku shimon tek-samata a yan, ari itak.

Iyohaichish 18:49

Tambe gusu, aa Ehoba, moshiri uirup utara tumugeta kuani E koyaiiraige ash na, E reihei gusu ramye shinotcha ku ki kusu ne.

Mattaios 10:32

Tambe gusu, nen ne yakka moshima guru tek-samta en eyaipushi wa ye guru an chiki Kuani ne yakka kando otta an Ku Michi tek-samta nei guru eyaipushi wa ye kusu ne.

Roukos 2:11

inambe gusu ne yakun, tan to Dabid kotan ta Utarapa ne Kiristo ani an kashiobiukip echi utara gusu ashikore nisa ruwe ne.

Yoannes 12:42

Yakka, esapane utara tumugeta okai inne utara anak Shinuma eishokon nisa ruwe ne; koroka, uwekarapa chisei orowa no iteki aemaka kuni ne Parisee un utara okai gusu eyaipushi shomoki ruwe ne;

Yoannes 13:13

Echi utara anak ne Epakashnu guru ari an itak ani hene Utarapa ari an itak ani hene En ye: nei no ye katu anak ne pirikap ne; nei ambe Ku ne ruwe ne gusu ne na.

Yoannes 13:14

Tambe gusu, Utarapa Ku ne Epakashnu guru Ku ne wa echi koro chikiri Ku furaye okere yak anak ne, echi utara ne yakka utashpa chikiri uwe-furaye kusu ne kunip ne ruwe ne.

Yoannes 14:13

Orowa, Poho oshiketa Michi anak ne aeoripak kuni ne, Ku reihei ankushkerai nep ne yakka echi koramkorope Ku kara kusu ne.

Yoannes 14:23

Orota Yesu ese wa ene itak-hi :— Ainu En omap yakun Ku itak shikkashima kusu ne: orowa, Ku Michi anak ne nei guru omap kusu ne, orowa, nei guru otta chi araki ash wa tura no oshiroma ash kusu ne ruwe ne.

Yoannes 17:1

Yesu tap okaibe ye; orowa, kando orun shikihi hepuni wa ene itak-hi :— Michi, pakihi ek an; Poho anak ne E ko-oripak kuni ne E koro Poho ko-oripak wa En kore:

Yoannes 20:28

Tomas ese wa Shinuma orota ene itak-hi :—

Yoannes 5:23

nen ne yakka Michi ko-oripak nei no Poho ko-oripak kuni gusu ne na. Poho ko-oripak shomoki gurʼanak ne Shinuma omande Michi otta ne yakka shomo ko-oripak ruwe ne.

Yoannes 9:22

Yudea un utara koishitoma gusu nei eshikop anak tap itak ani ye nisa ruwe ne: inambe gusu ne yakun, nen ne yakka Shinuma anak ne Kiristo ne ani eyaipushi guru an yakun uwekarapa chisei orowa no aemaka kusu ne, sekoro Yudea un utara ukoramu-oshima okere nisa ruwe ne gusu ne na.

Apostoro ikip oma kambi 10:36

Yesu Kiristo gusu itomo an pirika shongo aeupaskuma Israeru un utara otta omande itat (Shinuma anak obitta no okaibe koro Utarapa ne) —

Apostoro ikip oma kambi 2:36

Israeru ikiri un utara obitta utura ashi shomoki no tambe uonnere yan, Kamui anak ne, tan echi utara utasa chikuni otta raige Yesu ani Utarapa newa Kiristo ne kan nisa ruwe ne na.

Roma 14:11

Inambe gusu ne yakun, ene chieshinnuye wa an na :— Utarapa ene itak-hi :— Ku ishu gusu Eu orun obitta no okai kokkasap anak ne komo kusu ne, Orowa, obitta no okai parumbe anak Kamui orun eyaipushi kusu ne.

Roma 14:9

Tap an ikkewehe gusu Kiristo rai wa shiknu ruwe ne, rai guru hene shiknu guru hene enishpane kuni gusu ne na.

Roma 15:9

ekashi otta aye eitakamkire ambe ashtere hemhem ki, samata, Oya un utara anak ne Kamui rampoken gusu Shinuma koiramye hemhem ki kuni gusu ne na; tambe anak ne ene ene korachi anuye wa an na, Tambe gusu, Oya un utara tumugeta kuani e koyaiiraige ash na, E reihei otta shinotcha ku ki kusu ne.

I Korintos 12:3

Tambe gusu, nen ne yakka Ramat chiitakte gusu Yesu ANATEMA ne sekoro ye guru isama ari an ambe echi nure ash ruwe ne; shui, Ashkanne ramat chiitakte gusu shomoki yakne, — Yesu Utarapa ne sekoro nen ne yakka ye eaikap ruwe ne na.

I Korintos 15:47

Ramat umbe an ruwe ne. Hoshiki no an ainu anak ne toi orowa no an wa toi-ushbe ne; tutanu an ainu kando orowa no an ambe ne.

I Korintos 8:6

Kamui inne Utarapa inne ne korachi; yakka, chi utara gusu anak, Shine Kamui an, Shinuma Michi ne, Shinuma gusu obitta no okaibe okai, orowa chi utara anak ne Shinuma oshiketa okai ruwe ne; samata, Shine Utarapa an, Yesu Kiristo ne ruwe ne, Shinuma ankushkerai nep ne yakka okai, orowa chi utara anak ne Shinuma ankushkerai okai ruwe ne.

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

I Yoannes 4:15

Nen ne yakka Yesu anak ne Kamui Poho ne sekoro pushpusu wa ye gurʼanak, nei guru oshiketa Kamui riya, orowa, Kamui oshiketa nei guru riya ruwe ne.

I Yoannes 4:2

Tambe ani Kamui Ramat echi eraman: Yesu Kiristo anak ne kam otta ek na sekoro pushpusu nep ramat ne yakka Kamui orowa no an ambe ne:

II Yoannes 1:7

Inne no okai kokandama ki utara anak ne moshiri orota araki wa okai, Yesu Kiristo ainu netoba koro wa ek sekoro ambe shomo pushpusu utara tambe ne ruwe ne. Tambe anak kokandama ki guru ne, nei a anti-kiristo ne ruwe tapan na.

Ekambakbe 3:5

Annokara iki guru anak ne tap korachi retarape amip ani amire kusu ne; orowa, Kuani anak inotu oma kambi-sosh wano shinuma reihei oara shomo Ku ushka kusu ne, orowa, Ku goro Michihi kotchaketa ne yakka, Shinuma koro hauturumbe kotchaketa ne yakka shinuma reihei Ku pushpusu kusu ne.