Piripoi 2:1 - Ashiri Aeuitaknup Iyohaichish Yona 1897

¹ Tambe gusu, Kiristo otta aomaoma ambe an, omap-i gusu keutura ratchire ambe an, Ramat gusu ukopoyege ambe an, kuroma newa rampokiwen wa akore ambe an chiki, echi utara shine yainu-hi ki,

Piripoi 2:1 ပူးပေါင်းရင်းမြစ်များ

Iyohaichish 133:1

INGARʼAN, shine keutum koro wa uiriwak utara oshiroma-hi anak ne, Nep pirika wa eramasure ambe humi!

Roukos 2:25

Orowa, Yerusarem kotan ta Simeon ani an reihei koro shine ainu an, nei guru anak ne oupeka newa Kamui eoripak ainu ne, Israeru un utara omaoma kunip chipachipa korʼan ruwe ne:

Yoannes 14:18

Eshikop sak no Kuani echi ande ash shomoki, echi otta Ku ek kusu ne na.

Yoannes 14:27

Itomo echi otta Ku hoppa: Ku goro itomo echi kore ash na: moshiri kore nei no Kuani echi kore shomoki ruwe ne. Iteki echi sambe yaikowepekerere, iteki sambe kimatekte yan.

Yoannes 17:13

Koroka, tane anak ne E orun Ku ek; aige, nei utara otta Ku yaikopuntek-i auweomare kuni gusu tap okaibe moshiri otta Ku ye.

Apostoro ikip oma kambi 2:46

Orowa, to pishno shine ikinne ramma keutum atte wa Kamui kora kenru ta okai hene ki, koro uni ta pan meshpa hene ki, aine, oheuge sak no an keutura koro wa yainuchattek no aep ibe hene ki,

Apostoro ikip oma kambi 4:32

Orowa, eishokoro wa okai nei inne utara anak ne shine sambe shine keutura koro; aige, nen ne yakka koro wa an okaibe anak ne yaikota korobe ne ari shomo itak ruwe ne, koroka nep nep ne yakka utura ouse no kon nisa ruwe ne na.

Roma 5:5

inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

Roma 8:26

Orowa, nei no korachi Ramat anak ne chikoro katchakbe ikashiu ruwe ne: inambe gusu ne yakun, nekon a inonno-itak ki kuni kusu ne a-i chi erampeutek; koroka, nei Ramat yaikota aye eaikap pakno an oromande wa un gusu yaikurukata koramkon ruwe ne;

I Korintos 12:13

Inambe gusu ne yakun, Yudea un guru ne yakka Herenes un guru ne yakka, ausshiunere guru ne yakka, rengaine an guru ne yakka shine Ramat ani chi utara obitta shine netobake otta baptisma akore nisa ruwe ne; aine, shine Ramat aikure nisa ruwe ne.

I Korintos 15:31

Iriwak utara, Chikoro Utarapa ne Yesu Kiristo otta echi utara rengap ani ku yaikopuntek gusu, kesto ku rai ruwe ne,

I Korintos 3:16

Echi utara anak ne Kamui kora kenru echi ne wa Kamui Ramat echi oshiketa oshiroma ambe echi erampeutek ruwe he an?

II Korintos 13:14

Utarapa ne Yesu Kiristo korʼirenga hemhem Kamui omap-i hemhem, Ashkanne Ramat ukopoyege-i hemhem obitta no okai echi utara tura no an kuni akoramkon na.

II Korintos 2:14

Koroka, ramma Kiristo oshiketa un ani wa un annokare hemhem ki, obitta no okai ushiketa chi utara ankushkerai koro eramushbe hura assuru ashte hemhem ki Kamui otta koyaiiraige an na.

Garatea 4:6

Orowa, echi utara poho echi ne wa gusu, Kamui anak ne koro Poho kon Ramat chikoro keutura ta ahunge wa, Abba, Michihi, yere nisa ruwe ne.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Epesos 4:4

Echi utara poka atak wa okai wa nei atak ambe gusu shine chipachipap an korachi, shine netobake, shine Ramat an;

Piripoi 1:8

Yesu Kiristo koro keutura ta obitta no okai echi utara gusu ku yaikatekara ambe Kamui paweteshu ruwe ne.

Piripoi 3:3

inambe gusu ne yakun, Kamui Ramat ani ongami hene ki, Kiristo Yesu otta yaiomonnure hene ki, samata, kara gusu shomo eyaikopashte-i hene ki chi utara anak ne son no okarituye buri akire utara chi ne ruwe ne:

Korosai 2:2

tambe anak nei utara koro sarabe aomaoma kuni gusu an ap ne, aige, shinuma utara omap ambe ani aurukire hine eraman no an shomo utumashire an arabe gusu hetuku aeoteknup otta an kuni gusu ne; tambe anak nei utara.

Korosai 3:12

Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

Hebraios 6:18

tambe anak, gusu Kamui shunge eaikap tu itasare shomoki ambe ani, un kotchaketa aande wa an chipachipa ambe ashikkashimare gusu numne kuni ushike orun kokira chi utara anak ne shiyuppa no aonishnishi kuni gusu an ambe ne ruwe ne;

I Petros 1:2

Pontus, Garatia, Kappadokia, Asia newa Bitunia ta chichari hine riya wa okai anumge utara otta kambi omande: irenga newa itomo echi gusu aporore an na.

I Yoannes 3:24

Orowa, shinuma sange ikashpaotte shikkashima gurʼanak ne Shinuma otta riya, orowa, Shinuma anak ne nei guru otta riya ruwe ne. Orowa, a un koropare Ramat ani gusu, chi utara anak ne shinuma un otta riya ruwe ne sekoro chi eraman.

I Yoannes 4:12

Hembarata ne yakka Kamui nukara ainu isam: chi utara utashpa uweomap ki chiki, Kamui un oshiketa riya ruwe ne, orowa, un oshiketa Shinuma omap-hi aeramushinne an ruwe ne;

I Yoannes 4:16

Orowa, un gusu Kamui sange omap-hi ari an ambe chi eishokoro wa chi eraman ruwe ne. Kamui anak ne omap ambe ne; orowa, omap-hi otta riya guru anak ne Kamui otta riya, orowa, Kamui anak shinuma otta riya ruwe ne.