Piripoi 1:8 - Ashiri Aeuitaknup Iyohaichish Yona 1897

⁸ Yesu Kiristo koro keutura ta obitta no okai echi utara gusu ku yaikatekara ambe Kamui paweteshu ruwe ne.

Piripoi 1:8 ပူးပေါင်းရင်းမြစ်များ

Roukos 1:78

Chikoro Kamui ramu-hauge rampoken an gusu Rik oro nisat pekere un otta hetukure wa

Roma 1:9

Aige, koro Poho gusu an pirika shongo oshiketa, keutum ani otta ku yaishieiwangere Kamui anak ne, shiokere shomoki no echi eshkarun ruwe ne sekoro en gusu ikokanu wa an ruwe ne; hembara ne yakka inonno-itak ku ki wa,

Roma 9:1

Ku sambe ta ramma shomo okere tun un wa

II Korintos 13:9

Echi utara anak ne tumashnu wa chi utara katchakbe ne ita, nupetne ash ruwe ne: aige, echi utara aeramushinnere kuni ambe, tap ambe gusu poka inonno-itak ash na.

II Korintos 6:12

chikoro sambe aporore wa an na. Echi utara anak ne chi utara gusu yairamkoiki shomoki, koroka, yaikota echi koro keutum gusu yairamkoiki ruwe ne.

II Korintos 7:15

Orowa shinuma onnaigeta an omap ambe anak ne echi utara gusu naa nuye an no an; aige, echi utara anak ne hemanda ishitoma wa tusushke hine shinuma uk, aine, echi obitta no iki koitaknu ambe eshkarun ruwe ne gusu ne na.

Garatea 1:20

Tane ku nuye wa echi otta omande orushpe gusu, ingarʼan, Kamui teksamata, shomo shunge ku ki na.

Garatea 3:26

Inambe gusu ne yakun, obitta no okai echi utara anak ne Kiristo Yesu otta eishokor-i an gusu Kamui poho echi ne.

Garatea 4:19

Ku goro nokan utara, Kiristo anak ne echi oshiketa akara pakno, shui, echi utara gusu unuwap ku ki;

Piripoi 2:1

Tambe gusu, Kiristo otta aomaoma ambe an, omap-i gusu keutura ratchire ambe an, Ramat gusu ukopoyege ambe an, kuroma newa rampokiwen wa akore ambe an chiki, echi utara shine yainu-hi ki,

Piripoi 2:26

inambe gusu ne yakun, shinuma anak ne tashum ki ruwe ne sekoro echi nu a gusu, nei guru shi no yairamkoiki wa echi enishomap nisa ruwe ne gusu ne na;

Piripoi 4:1

Tambe gusu, aomap an, aeyaikatekara an, ku nupetne arabe, ku sapa-umbe ne iriwak utara, tap korachi akoro omap an utara Utarapa otta roshki yan.

Korosai 2:1

Inambe gusu ne yakun, echi utara gusu hemhem, Raodikia un utara gusu hemhem, kara oma ku nanuhu shomo nukara obitta no okai utara gusu hemhem, hemanda yupke no kiroro atte hine ku iki arabe echi eraman kuni ku kon rusui ruwe ne;

Korosai 3:12

Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

I Tessaronike 2:5

Inambe gusu ne yakun, echi eraman korachi, hembara ne yakka panore itak eiwange hene ki, yaikoshipuinere arabe kamure gusu hene iki-hi sekoro shomo a un nukan ruwe ne ari an ambe gusu Kamui paweteshu ruwe ne;

I Tessaronike 2:8

tambe nei no chi utara anak ne shi no echi kon rusui gusu, Kamui koro pirika shongo echi kore patek shomo ne, koroka, yaikota koro sambe ne yakka yainuchattek no echi kore kuni aramu, echi utara shi no un gusu aoshkorobe ne nisa ruwe ne gusu ne na.

II Timoteos 1:4

echi nupe ku eshkarun wa shiri ku nupetne kuni ne nei no ku ki na;

Pirimon 1:12

ku keutum tura, e orun ku hoshipire na: kuani anak ne pirika shongo gusu an tupep a en eokte wa an rapoketa e shirihine Shinuma en otta yaishieiwangere kuni ku reushire rusui, a koroka, e keutum shomo ku nu chiki nep ne yakka shomo ku iki;

Pirimon 1:20

Ruwe un, iriwak ne guru, aokai gusu Utarapa oshiketa a en kaobiuki kuni ne ki yan: Kiristo oshiketa ku sarabe shiturire wa en kore yan.

I Yoannes 3:17

Koroka, nen ne yakka tamʼmoshirʼun okaibe koro, aige, koro iriwak aeishiramne i nukara wa rampoken keutura seshke guru an yakun, nekon a Kamui omap-i nei guru oshiketa okai ya?