Piripoi 1:7 - Ashiri Aeuitaknup Iyohaichish Yona 1897

⁷ tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

Piripoi 1:7 ပူးပေါင်းရင်းမြစ်များ

Apostoro ikip oma kambi 20:23

ouse, pishno an machiya ta Ashkanne Ramat en gusu paweteshu ki wa atupepeoktep newa aerarachuptekbe en tere shiriki ari itak ruwe ne.

Apostoro ikip oma kambi 21:33

Tata otta tumi-koro utara ikiri esapane guru karange no ek wa shinuma kishima, aige, tu kani-shinkop ani atupetupe kuni ne ikashpaotte nisa ruwe ne; orowa, nekon a an ainu ne ya? hemanda iki guru ne ya? uwepekennu nisa ruwe ne.

I Korintos 13:7

koroka, son no ambe tura enupetne ruwe ne; nep ne yakka kamure, nep ne yakka eishokoro, nep ne yakka echipachipa, nep ne yakka yaishiporore ruwe ne.

I Korintos 9:23

Orowa, pirika shongo gusu nep ne yakka ku ki, nei ambe uweukouk kuni gusu ne na.

II Korintos 3:2

Echi utara, anak ne chikoro keutum ta anuye wa an, obitta no okai utara orowa no aorooitak an,

II Korintos 7:3

Tap ambe ku ye-hi anak ne echi akokatpakte gusu shomo ne: inambe gusu ne yakun, teeda ku ye-hi korachi, utura rai utura shiknu kuni gusu, echi utara anak ne chikoro keutum ta okai ruwe ne gusu ne na.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Epesos 3:1

Tambe gusu, Oya utara echi utara rengap gusu Kiristo Yesu koro apakashnu guru Pauros ku ne anak,

Epesos 4:1

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Epesos 6:20

nei ambe gusu shomo ehonnai no ku ki wa ku ye kusu ne ap korachi ku ye kuni ne, en gusu koramkoro yan; nei ambe gusu kani shinkop eok ateshkara guru ku ne ruwe ne na.

Piripoi 1:12

Tambe, iriwak utara, echi onnere kuni ku kon rusui, en gusu hetuku orushpe anak ne makangane pirika shongo assuru ashte gusu an ap ne;

Piripoi 1:13

Kiristo gusu ku tupep anak ne esapane guru epungine obitta no okai tumikoro utara otta hemhem, obitta no okai moshima utara otta hemhem anukarape pakno an ap ne; orowa,

Piripoi 1:14

shui, Utarapa gusu an iriwak utara poro sereke anak ne ku goro tupep gusu rametokkoro wa naa kiroro yupu hine ishitoma shomoki no Kamui itak ye ruwe ne.

Piripoi 1:5

orowa, ramma obitta no okai echi utara gusu pishno pishno an ku ki inonno-itak yaikopuntek wa ku ki na;

Piripoi 2:22

Koroka, Shinuma anak ne nekon a auwande-i an a ainu ne ya sekoro echi eraman, poho koro michi ikashui korachi, shinuma pirika shongo assuru ashte-hi gusu en ikashui nisa ruwe ne na.

Piripoi 4:14

Yakka echi utara anak ne ku ki aeramuchuptekbe gusu en tura no echi ki-hi anak pirika ruwe ne.

Piripoi 4:15

Orowa, Piripoi un echi utara, pirika shongo eatpakeheta, kuani Makedonia kotan orowa no ku hopumba ita anak ne, echi utara moshima, kore hene ki akore hene ki orushpe gusu, en tura no ki karisia isam, sekoro, echi utara yaikota echi eraman;

Piripoi 4:3

Ruwe ne wa, en tura son no monraige ki guru aokai ne yakka ku onishnishi ruwe ne, tan shiwentep utara ikashiu yan, inambe gusu ne yakun, nei utara anak ne Kurementos ne yakka, orowa moshima okai kon reihei inotu un kambi-sosh kata anuye wa an en tura monraige utara poka pirika shongo otta monraige nisa ruwe ne gusu ne na.

Korosai 4:18

Pauros ne kuani anak ne yaikota koro teke ani rangarap ikiri ku nuye na. Ku goro tupep eshkarun wa en kore yan. Irenga echi tura an na.

Korosai 4:3

samaketa, un gusu ne yakka iki, Kiristo gusu an anuina ambe aye hine itak arabe ahun gusu, un orun Kamui apa maka kuni ne ki yan,

I Tessaronike 5:5

inambe gusu ne yakun, echi utara obitta pekere un poho echi ne, tokap to un poho echi ne ruwe ne gusu ne na: anchikara unbe shomo chi ne, kunne-i unbe shomo chi ne ruwe ne;

II Timoteos 1:8

Tambe gusu chikoro Utarapa gusu an paweteshu ambe hene, Shinuma gusu upakashnu chisei ta an guru ne kuani gusu hene iteki yainikoroshma yan: koroka, Kamui kiroro nei no an pirika shongo tura wenbe gusu eyairamkoiki yan;

II Timoteos 2:9

nei shongo gusu wen-buri ki guru korachi a en tupetupe wenbe eyairamshitne wa an na; koroka, Kamui itak anak ne atupetupe shomoki ruwe ne.

Hebraios 3:1

Tata otta ashkanne iriwak utara, kando orowa no ahotuyepakara utara, chi eishokoro ash okaibe nei

I Petros 4:13

koroka, Kiristo iki ayairamshitnere ambe tura no iki utara echi ne ruwe ne gusu nupetne yan; tambe anak Shinuma koro nupekihi anukara ita ne yakka, poron no ramuritetke wa, echi nupetne gusu ne na.

I Petros 5:1

Tura no iki ekashi, samata, Kiristo iki yairamshitnere-hi gusu paweteshu ki, samata anukara kusu ne nupeki ne yakka tura no koro guru ku ne anak ne, tambe gusu,

II Petros 1:13

Orowa, chikoro Utarapa ne Yesu Kiristo en epakashnu korachi, ku goro kash oyakta ande-i tunashi no ek na, sekoro,

I Yoannes 3:14

Chi utara anak ne iriwak utara omap gusu rai-i orowa no paye wa ishu-i otta ahup ash nisa ari an ambe chi eraman ruwe ne. Shomo omap ki gurʼanak ne rai-i otta riya ruwe ne.