Piripoi 1:5 - Ashiri Aeuitaknup Iyohaichish Yona 1897

⁵ orowa, ramma obitta no okai echi utara gusu pishno pishno an ku ki inonno-itak yaikopuntek wa ku ki na;

Piripoi 1:5 ပူးပေါင်းရင်းမြစ်များ

Apostoro ikip oma kambi 2:42

Awa, nei utara ramma-kane Apostoro epakashi koro hine tura no ukopoye, aine, nei pan meshpa hemhem ki nei inonno-itak hera hem ki shiriki okai nisa ruwe ne na.

Roma 11:17

awehe ne yakka ne ruwe ne na. Koroka, okai sereke awehe okayepa hine, aige, nupuri ta an kanran chikuni ne aokai anak ne nei uturuta aukonishishkere wa tura no nei kanran gusu an shinrit oma mimi echi koro yakun;

Roma 12:13

ramma ramuosshi pakno inonno-itak; ashkanne utara eishiramne-i gusu koropare; ikateomare ambe ki yan.

Roma 15:26

Inambe gusu ne yakun, Makedonia newa Akaya un utara anak ne pirika irenga sange wa, Yerusarem kotan ta an ashkanne utara tumta okai otek-sak utara gusu eurep koropare kuni kan nisa,

I Korintos 1:9

Kamui anak ne ikipniukeshbe ne, Shinuma ankushkerai koro Poho chikoro Utarapa ne Yesu Kiristo tura no iki kuni a un hotuyekara an na.

II Korintos 8:1

Nei samaketa, iriwak utara, Makedonia moshiri ta okai karisia utara otta akore okere Kamui irenga echi nure ash nisa;

Epesos 3:6

Oya utara anak ne pirika shongo gusu uko eikeshkoro utara ne, ukotura shine netobake un awehe ne, Kiristo Yesu koro eitakamkire ambe uko-uina utara ne ruwe ne;

Piripoi 1:12

Tambe, iriwak utara, echi onnere kuni ku kon rusui, en gusu hetuku orushpe anak ne makangane pirika shongo assuru ashte gusu an ap ne;

Piripoi 1:16

eatteketa okai utara anak ne kuani pirika shongo kikikara gusu aashte guru ne sekoro eraman gusu,

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Piripoi 1:7

tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

Piripoi 2:12

Tambe gusu, ku omap an utara, echi utara anak ne ramma kane itaknu ki wa ouse ku an rapoketa korachi shomo ne no, koroka, naa kasu no ku isam ita ne yakka ishitoma wa tusushke hine kashiaobiuki kuni gusu ki yan;

Piripoi 2:22

Koroka, Shinuma anak ne nekon a auwande-i an a ainu ne ya sekoro echi eraman, poho koro michi ikashui korachi, shinuma pirika shongo assuru ashte-hi gusu en ikashui nisa ruwe ne na.

Piripoi 4:3

Ruwe ne wa, en tura son no monraige ki guru aokai ne yakka ku onishnishi ruwe ne, tan shiwentep utara ikashiu yan, inambe gusu ne yakun, nei utara anak ne Kurementos ne yakka, orowa moshima okai kon reihei inotu un kambi-sosh kata anuye wa an en tura monraige utara poka pirika shongo otta monraige nisa ruwe ne gusu ne na.

Pirimon 1:17

Kua-ni anak ne e tura no iki guru ku ne kunak e esanniyo chiki,

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

II Petros 1:1

Yesu Kiristo koro usshiune guru newa Apostoro ne Simon Petros anak ne, chikoro Kamui newa un Kashiobiukip ne Yesu Kiristo koro oupeka-i otta un tura no ukorachi an aoshkoro eishokor-i akore utara otta,

I Yoannes 1:3

chi nukarabe hemhem, chi nup hemhem echi otta ne yakka nure ash; echi utara ne yakka un tura no shine-ikinne okai kuni gusu ne na: ruwe newa, chi utara anak ne Michi tura hemhem, Michi koro poho Yesu Kiristo tura hemhem shine-ikinne okai ruwe ne:

I Yoannes 1:7

koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.