Piripoi 1:21 - Ashiri Aeuitaknup Iyohaichish Yona 1897

²¹ Kuani gusu shiknu ambe anak ne Kiristo ne, rai ambe anak ne yaiepirikare ambe ne ruwe ne gusu ne na.

Piripoi 1:21 ပူးပေါင်းရင်းမြစ်များ

I Korintos 1:30

Koroka, Shinuma ankushtapne echi utara anak ne Yesu Kiristo oshiketa okai hine un gusu Kamui orowa no wayashnu ambe, oupeka ambe,

I Korintos 3:22

Pauros hene, Aporros hene, Kepas hene, moshiri hene, inotu hene, rai ambe hene, tane an okaibe hene, ek kushki okaibe hene, obitta no okaibe echi korobe ne;

II Korintos 5:1

Chikoro kash ne toitoi oma chisei isam yakun, isam shomoki kando oshiketa Kamui orowa no akarape an, teke ani shomo akarape chisei an ari an ambe chi eraman ruwe ne gusu ne na.

II Korintos 5:6

Tambe gusu ramma rametok koro, aige, koro uni ne netobake ta okai rapoketa, Utarapa wa eoyake an ari an ambe chi eraman (inambe gusu ne yakun,

II Korintos 5:8

aige, netobake ande wa Utarapa tura unita an rusui ruwe ne.

Garatea 2:20

Kuani Kiristo tura no utasa chikuni otta akotukka okere; yakka, ku ishu wa an; kuani shomo ne, koroka, en oshiketa Kiristo ishu ruwe ne: orowa, tane kam otta ku ishu inotu anak eishokoro ambe an gusu an ambe ne ruwe ne, nei ambe anak en omap wa en gusu yaiyange Kamui Poho gusu an ambe ne ruwe tapan na.

Garatea 6:14

Koroka, chikoro Utarapa ne Yesu Kiristo koro utasa chikuni gusu moshima oara shomo ku yaiomonnure ku ki na; nei ambe ani en gusu moshiri utasa chikuni otta akotukka, samata, moshiri gusu kuani utasa chikuni otta akotukka nisa ruwe ne.

Piripoi 1:20

sekoro ku eraman; kuani ara kon rusui wa chipachipa ambe anak ne ene ani ne, nep ne yakka gusu shomo a en yainikoroshmare koroka, ramma korachi tane poka, ku shiknu yakka, ku rai yakka, Kiristo anak ne ku netobake otta pasere kuni ambe ne ruwe tapan na.

Piripoi 1:22

Koroka, kam otta shiknu ambe anak ne, — tambe anak ku monraige gusu an hetuku ibehe ne chiki, yakun, hemanda ku numge kusu ne ya, sekoro ku erampeutek ruwe ne.

Piripoi 1:23

Koroka, tan tup gusu ku utumashire ruwe ne, ku oman wa Kiristo tura no ku an rusui; tambe anak kasu no pirika ruwe ne:

Piripoi 2:21

Obitta no okai utara anak yaikota korobe hunara, Yesu Kiristo korobe shomo hunara ruwe ne gusu ne na.

Korosai 3:4

Kamui otta anuina wa an ruwe ne. Chikoro inotu ne Kiristo anak ne anukara kusu ne ita, nei ita anak echi utara ne yakka Shinuma tura no nupeki otta anukara kusu ne na.

Ekambakbe 14:13

Orowa, kando orowa no an ene itak hawe ku inu :— Nuye yan, tewa no Utarapa oshiketa ekot wa rai an utara anak ne shinnunuke ne: ruwe un, ari Ramat itak, nei utara anak koro monraige-i otta eshini kuni gusu ne na; koro iki ikip nei utara oshi arapa ruwe ne gusu ne na.