Piripoi 1:20 - Ashiri Aeuitaknup Iyohaichish Yona 1897

²⁰ sekoro ku eraman; kuani ara kon rusui wa chipachipa ambe anak ne ene ani ne, nep ne yakka gusu shomo a en yainikoroshmare koroka, ramma korachi tane poka, ku shiknu yakka, ku rai yakka, Kiristo anak ne ku netobake otta pasere kuni ambe ne ruwe tapan na.

Piripoi 1:20 ပူးပေါင်းရင်းမြစ်များ

Iyohaichish 119:116

Ku shiknu kuni gusu, E korʼitak an korachi en nitata wa en kore; Orowa, ku chipachipa kuni ambe gusu iteki en yainikoroshmare wa en kore.

Iyohaichish 119:80

Shomo ku yainikoroshma kuni ne, E koro ekambakbe orun ku keutum eramushinnere wa en kore.

Iyohaichish 25:2

Aa ku goro Kamui, Aokai gusu ku eyaikopashte nisa, Iteki en yainikoshmare wa en kore: En epokba utara iteki en annokara kuni ne kara wa en kore.

Iyohaichish 62:5

Aa ku ramat, ouse mo no an wa Kamui eyaikopashte yan, Shinuma gusu chipachipa ku ki ruwe ne gusu ne na.

Yoannes 21:19

Shinuma tap ambe ye katu anak ne, Petros nekon a rai ambe ani Kamui nupek te kusu ne ya epeka no ye nisa ruwe ne. Orowa, Shinuma tambe ye okere chiki, orota, — En osh ek, ani itak.

Apostoro ikip oma kambi 20:24

Koroka, ku inotu anak ne en gusu aoshkorobe ne sekoro ku esanniyo shomoki, aine, ku iki kuni ushike ku okere hemhem ki, Kamui irenga gusu an pirika shongo epaweteshu kuni ari an Utarapa ne Yesu orowa no a en kore yaishieiwangere-hi hemhem ku ki kuni an ap ne ruwe ne.

Apostoro ikip oma kambi 21:13

Tata otta Pauros ene ese-hi :— Hemanda gusu echi chish wa ku sambe iuninkare ya? Kuani anak ne ouse atupetupe kuni patek shomo ne, koroka, Yerusarem kotan ta Utarapa ne Yesu kon reihei gusu rai kuni yak pirika ruwe ne, ari itak.

Apostoro ikip oma kambi 4:31

Orowa, inonno-itak aokere chiki; otta uwekarapa wa okai ushike ashuyeshuye; aige, nei utara obitta Ashkanne Ramat ani aeshikte, orowa rametokkon no Kamui itak ye nisa ruwe ne na.

Roma 12:1

Tambe gusu, iriwak utara, echi kon netobake ishu, ashkanne, Kamui nupetnere ayange kunip echi yange kuni ne, Kamui rampoken ankushkerai echi onishnishi ash ruwe ne, tambe anak ne echi ki kuni gusu an ongami kunip ne ruwe ne gusu ne na.

Roma 5:5

inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

Roma 6:13

shui, oupeka-sakbe ki kuni gusu an eshipopkep nei no iteki echi koro awehe katpak otta koropare yan; koroka, rai-i orowa no shiknu korachi Kamui otta yaikota yaiyange, orowa, oupekap ki kuni gusu an eshipopkep nei no echi koro awehe Kamui otta yange yan.

Roma 6:19

Echi koro kam anak ne katchakbe ne ruwe ne gusu, kuani ainu ye korachi ku ye ruwe ne: inambe gusu ne yakun, echi utara anak ne ichakkere ambe gusu katpak wano katpak otta koro awehe echi usshiunere korachi, tewa no awehe aashkannere gusu oupeka-i otta usshiunere yan.

Roma 8:19

Akara okaibe earikinne echipachipap anak ne Kamui poho utara anukara-hi etere ruwe ne.

Roma 9:33

ene chieshinnuye wa an korachi ne, Ingarʼan, Zion otta ureepetchiure kuni shuma, epetchiure kuni watara Ku ande kusu ne: Orowa, nei ambe eishokoro gurʼanak ue shomo ayainikoroshmare kusu ue ua.

I Korintos 15:31

Iriwak utara, Chikoro Utarapa ne Yesu Kiristo otta echi utara rengap ani ku yaikopuntek gusu, kesto ku rai ruwe ne,

I Korintos 6:20

oro ani echi ahok okere ruwe ne gusu ne na: tambe gusu echi kon netobake otta an Kamui ko-oripak yan.

I Korintos 7:34

Shui, hoku koro shiwentep newa hoku sak shiwentep uturu uwechutko no an ushike an. Hoku sak shiwentep anak ne netobake gusu ne yakka ramat gusu ne yakka ashkanne kuni ne Utarapa korope gusu nishomap ruwe ne: koroka, hoku koro guru anak ne koro hoku nupetnere kuni ne tan moshirʼunbe gusu nishomap ruwe ne.

II Korintos 10:8

(Echi hokushte gusu shomo ne a koroka echi roshkire ash kuni gusu Utarapa koropare) chi koro mondum gusu nekon a pon no poro no ku yaiomonnure yakka shomo kuani echi yainikoroshmare ash kusu ne:

II Korintos 3:12

Tap korachi an chipachipa ambe chi koro gusu, shiri rametok koro itak chi eiwange ruwe ne;

II Korintos 4:10

Yesu koro inotu poka chikon netobake oshiketa anukara kuni ne, ramma kane akon netobake otta Yesu araige ambe sei shiri an ruwe ne.

II Korintos 5:15

awa, shiknu wa okai utara anak ne tewa no yaikota gusu ishu shomoki, koroka, nei utara kotchane rai wa hetopo-shiknu guru gusu ishu kuni ne Shinuma anak obitta no okai utara kotchane rai nisa ruwe ne.

II Korintos 7:14

Nep ne yakka epeka echi utara gusu shinuma ankushkerai ku yaiomonnure yakun shomo a en yainikoroshmare nisa ruwe ne; koroka, sonep ani obitta no okaibe echi otta chi ye korachi, Titus kotchaketa ku ki yaiomonnure ambe ne yakka sonep ne anukan nisa ruwe ne.

II Korintos 7:4

Echi epeka ku ye itak anak ne shiri rametokkorobe ne, echi ankushkerai ku yaiomonnure ambe anak ne poro ruwe ne: aomaoma ambe ani kuani aeshikte wa an, obitta no okai chi ikichi eramchuptekbe tumta nupetnep eika ruwe ne na.

Piripoi 1:14

shui, Utarapa gusu an iriwak utara poro sereke anak ne ku goro tupep gusu rametokkoro wa naa kiroro yupu hine ishitoma shomoki no Kamui itak ye ruwe ne.

Piripoi 2:17

Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

I Petros 4:16

koroka, Kiristian gusu nenka ayairamshitnere chiki, iteki yainikoroshma yan; koroka tan reihei an gusu Kamui ramye yan.

I Yoannes 2:28

Orowa, tane nokan utara, Shinuma oshiketa oshiroma yan; Shinuma anukara chiki, chi utara rametok-koro, orowa, Shinuma ek ita chi utara shomo yainikoroshma kusu ne gusu okai yan.