Piripoi 1:15 - Ashiri Aeuitaknup Iyohaichish Yona 1897

¹⁵ Eyairamikashure newa upaore gusu poka Kiristo eupaskuma ki utara okai: shui, pirika irenga an gusu ki utara ka okai:

Piripoi 1:15 ပူးပေါင်းရင်းမြစ်များ

Mattaios 23:5

Nei utara anak ne aeshikkoingara kuni ne ikip ki ruwe ne: inambe gusu ne yakun, shinuma utara sep pirakteria ushi, orowa, amip chingi porore ruwe ne,

Apostoro ikip oma kambi 10:36

Yesu Kiristo gusu itomo an pirika shongo aeupaskuma Israeru un utara otta omande itat (Shinuma anak obitta no okaibe koro Utarapa ne) —

Apostoro ikip oma kambi 11:20

Koroka, nei utara tumugeta Kupros newa Kurenai utara okai, nei utara Antiok kotan ta araki chiki, Utarapa ne Yesu eupaskuma wa Herenes un utara otta ne yakka itak ki nisa rawe ne.

Apostoro ikip oma kambi 5:42

Orowa no kesto Kamui kora kenru ta hene koro uni ta hene, yomne shomoki no Yesu anak ne Kiristo ne sekoro epakashnu hene ki eupaskuma hene ki nisa ruwe ne na.

Apostoro ikip oma kambi 8:35

Orowa, Piripos anak ne paro maka hine tan Kamui kambi ani heashi wa, orota Yesu eupaskuma nisa ruwe ne.

Apostoro ikip oma kambi 8:5

Piripos anak ne Samaria machiya ta san wa orota Kiristo eupaskuma.

Apostoro ikip oma kambi 9:20

Orowa, nani Uwekarapa chisei ta, Yesu anak ne Kamui Poho ne ari an ambe ani eupaskuma nisa ruwe ne.

Roma 2:8

koroka, sakayo ki wa sonep itakkashi, aige, oupeka sakbe koitaknu utara otta,

I Korintos 1:23

koroka, chi utara anak ne utasa chikuni otta akungi-kokikkik Kiristo eupaskuma ash, tambe anak Yudea un utara gusu aureepetchiurep ne, orowa, Oya utara gusu aeramusambe ne ruwe ne;

I Korintos 13:3

Orowa, utara ibere gusu obitta no okai ku korobe ku sange hene ki, auhuyeka gusu ku netobake kore hene ki yakka, omap ambe ku sak chiki, en epirikare shomoki ruwe ne.

II Korintos 1:19

Inambe gusu ne yakun, echi utara tumugeta kuani newa Siruanos newa Timoteos ne chi utara orowa no aeupaskuma Kamui koro Poho Yesu Kiristo anak ne, “ruwe un” newa “shomo” ari an itak ani an ambe shomo ne, koroka, Shinuma gusu “ruwe un” ari an ambe ani ne ruwe ne gusu ne na.

II Korintos 11:13

Inambe gusu ne yakun, nei no okai utara anak ne chinore apostoro ne, kokandama ikichi utara ne, Kiristo koro Apostoro nep kuni ne yaikota yainere utara ne ruwe ne gusu ne na.

II Korintos 12:20

Ikineipeka ku ek ita anak ne nekon a ka shomo ku kon rusui nei no echi anukara, samata, shomo echi kon rusui nei no a en nukara kuni ambe ku ishitoma ruwe ne; ikineipeka nekon a ka ika upaore ambe hene, eyaitunnap hene, kinrakarape hene, sakayo hene, ohaigekara ambe hene, pinu no itakbe hene, pittarane ambe hene, achatchari ambe hene an na;

II Korintos 4:5

Inambe gusu ne yakun, chi utara anak ne yaieupas-kuma shomoki, koroka, Kiristo Yesu anak Utarapa ne korachi an orushpe eupaskuma ki, samata, Yesu korʼirenga gusu chi utara anak echi koro uitek utara chi ne sekorʼambe eupaskuma ruwe ne gusu ne na.

Garatea 2:4

nei ambe anak nuina no aahupte shunge iriwak utara gusu an ambe ne; nei utara un usshiune utara ne akara kuni ne, Kiristo Yesu otta chikoro rengaine an nrondum nukara kuni gusu arorokishne no ahup nisa ruwe ne:

Piripoi 2:3

nep ne yakka echi ki ita anak ne sakayo newa yaiomonnure gusu iteki ki yan, koroka, keutum yaieoripakka wa moshima okai utara anak ne yaikota kasu no pirikap ne sekoro pishno pishno esanniyo yan;

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.