Piripoi 1:13 - Ashiri Aeuitaknup Iyohaichish Yona 1897

¹³ Kiristo gusu ku tupep anak ne esapane guru epungine obitta no okai tumikoro utara otta hemhem, obitta no okai moshima utara otta hemhem anukarape pakno an ap ne; orowa,

Piripoi 1:13 ပူးပေါင်းရင်းမြစ်များ

Apostoro ikip oma kambi 26:29

Pauros ene itak-hi :— Poron no ani ne yakka pon no ani ne yakka, aokai patek shomo ne, koroka, tanto en nu shiriki obitta no okai utara ne yakka, tap atupepeoktep moshima, en korachi ne akara kuni Kamui ku koramkon na, ari itak.

Apostoro ikip oma kambi 26:31

aige, ekohopi wa paye hine ukoye wa ene itak-hi :— Tan guru anak ne araige gusu hene atupetupe gusu hene nep ne yakka ki a shomoki nisa ruwe ne.

Apostoro ikip oma kambi 28:17

Rereko okake an koro shinuma anak ne Yudea un utara koro pase utara uwekarapare nisa ruwe ne: awa, uwekarapa wa okai chiki otta shinuma ene itak-hi :— Kuani, ku iriwak utara, nep ka ani utara epeka wen no iki shomoki, samata, chikoro kotan buri wen no epeka shomoki, yakka, Yerusarem kotan wano Roma un utara teke otta a en ekoshi an na: nei utara en koipishi okere yakun en honnere rusui,

Apostoro ikip oma kambi 28:20

Tambe gusu tan ikkewehe an gusu kuani echi nukara wa tura no ukoitak kuni ku koramkon nisa ruwe ne: inambe gusu ne yakun, Israeru un utara ki chipa-chipa arabe gusu tan shinkop ani a en tupetupe an ruwe ne gusu ne na.

Apostoro ikip oma kambi 28:30

Orowa, shinuma ramme tu pa uturuta yaikota koro etun chisei ta oshiroma wa otta ahup obitta no okai utara shopki hine Kamui moshiri eupaskuma hemhem ki,

Epesos 3:1

Tambe gusu, Oya utara echi utara rengap gusu Kiristo Yesu koro apakashnu guru Pauros ku ne anak,

Epesos 4:1

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Epesos 6:20

nei ambe gusu shomo ehonnai no ku ki wa ku ye kusu ne ap korachi ku ye kuni ne, en gusu koramkoro yan; nei ambe gusu kani shinkop eok ateshkara guru ku ne ruwe ne na.

Piripoi 1:30

shui, teeda en oshiketa echi nukara, orowa shui, tane an en otta an sekoro anu yairamkoiki ambe echi utara kon ruwe ne na.

Piripoi 1:7

tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

Piripoi 4:22

Obitta no okai Ashkanne utara echi otta rangarap an, Kaisaros chisei un utara anak ne makangane nei no ki na.

II Timoteos 2:9

nei shongo gusu wen-buri ki guru korachi a en tupetupe wenbe eyairamshitne wa an na; koroka, Kamui itak anak ne atupetupe shomoki ruwe ne.