Piripoi 1:1 - Ashiri Aeuitaknup Iyohaichish Yona 1897

¹ Kiristo Yesu koro usshiune utara ne Pauros newa Timoteos anak ne Piripoi kotan ta okai ashkanne utara episkopos newa deakonos tura orota kambi omande na:

Piripoi 1:1 ပူးပေါင်းရင်းမြစ်များ

Markos 13:34

Nei ambe anak, Koro usshiune utara otta mondum koropare, iki kuni moni pishno gusu esanniyo, samata, apa pungi ne yakka shiruwande kuni kashpaotte, oya moshiri ta reushi gusu koro chisei ande ainu korachi ne ruwe ne.

Yoannes 12:26

Nen ne yakka En gusu yaishieiwangere kuni ramu guru an yakun, En osh araki yan; Ku an ushiketa Ku goro uitek guru ne yakka nei ita an kusu ne; nen ne yakka En gusu yaishieiwangere guru an chiki, Ku Michi anak ne shinuma kooripak kusu ne na.

Apostoro ikip oma kambi 1:20

Inambe gusu ne yakun, Iyobaichish oma kambi kata ene chieshinnuye wa an :— Nei guru kot chisei mun konchi kore Orowa, nei chisei ta nen ne yakka iteki oshiroma kuni ne kara yan. Shui, Shinuma koro kuni ushike oya guru shikkashimare yan, sekorʼambe anuye wa an ruwe ne gusu ne na.

Apostoro ikip oma kambi 20:28

kuni ambe shomo ku eshishi nisa ruwe ne. Yaikota gusu hemhem, Ashkanne Ramat echi epunginere topaha ebitta gusu hemhem yairamatte okai hine,

Apostoro ikip oma kambi 9:13

Koroka, Ananias ene ese-hi :— Utarapa, inne utara orowa no tan guru gusu an orushpe ku nu, awa, shinuma Yerusarem kotan otta E koro ashkanne utara wen no kara ambe ku nu okere:

Roma 1:1

Apostoro ne kuni gusu anishuk, Kamui pirika shongo gusu shinnai no aande, Yesu Kiristo koro usshuine guru ne Pauros:

Roma 1:7

Roma kotan ta obitta no okai Kamui orowa no aomap an utara, ashkanne utara ne kuni gusu akonishuk utara otta: echi utara otta chikoro Michi ne Kamui newa Utarapa ne Yesu Kiristo orowa no irenga newa itomo an na.

I Korintos 16:10

Temoteos ek chiki, shinuma ishitoma shomoki no an kuni kara yan; inambe gusu ne yakun, kuani poka iki korachi, shinuma ne yakka Utarapa moni iki ruwe ne:

II Korintos 1:1

Kamui irenga ankushkerai Kiristo Yesu koro Apostoro ne Pauros, akoro iriwak ne guru Timoteos tura Korintos kotan ta an Kamui karisia otta hene Akaya moshirʼebitta ta okai ashkanne utara otta hene kambi omande na:

Garatea 1:10

Tane kuani anak ne utara onishnishi ruwe he an? Kamui onishnishi ruwe he an? Shui, utara nupetnere kuni ambe ku hunara ya? Tane poka utara nupetnere ku ki chiki, Kamui usshiune guru shomo ku ne ruwe ne na.

Garatea 3:26

Inambe gusu ne yakun, obitta no okai echi utara anak ne Kiristo Yesu otta eishokor-i an gusu Kamui poho echi ne.

Garatea 3:28

Yudea un guru hene, Herenes un guru hene okai eaikap, ausshiune guru hene, rengaine an guru hene okai eaikap, okkai hene matnep hene okai eaikap ruwe ne: inambe gusu ne yakun, Kiristo Yesu otta obitta no okai echi utara anak ne shinep ne ruwe ne gusu ne na.

Epesos 1:1

Kamui rengaine an gusu Kiristo Yesu koro Apostoro ne Pauros anak ne Epesos kotan ta okai aashkannere utara newa Kiristo Yesu gusu ikipniukesh utara otta kambi omande:

Epesos 1:15

Tambe gusu, kuani ne yakka, echi utara Utarapa ne Yesu otta eishokoro ki ambe hene, obitta no okai Ashkanne utara gusu echi ki ikip ku nu gusu,

Epesos 6:24

Turu-sak no chikoro Utarapa ne Yesu Kiristo omap obitta no okai utara otta irenga an na.

Piripoi 2:19

Koroka kuani echi orushpe ku nu wa aomaoma kuni gusu, nahun Utarapa ne Yesu irenga gusu echi orota Timoteos ku omande kunibe koro yainu ruwe ne na.

Piripoi 2:5

Kiristo Yesu koro keutum ta tap esanniyo korachi echi utara ne yakka esanniyo yan;

Piripoi 3:12

Kuani koro okere nei no shomo ne, samata, kuani aeramushinnere okere nei no shomo ne: koroka, nekon a ka, gusu Kiristo Yesu ani a en shikkashima okaibe, kuani ne yakka shikkashima kuni gusu ku keshke na.

Piripoi 3:3

inambe gusu ne yakun, Kamui Ramat ani ongami hene ki, Kiristo Yesu otta yaiomonnure hene ki, samata, kara gusu shomo eyaikopashte-i hene ki chi utara anak ne son no okarituye buri akire utara chi ne ruwe ne:

Piripoi 3:8

Ruwe ne wa, son no un, ku goro Utarapa ne Kiristo Yesu eramambe pirikap gusu kuani obitta no okaibe so-no-ki ambe ari ku esanniyo nisa; Shinuma gusu obitta no okaibe kuani so-no-ki wa aemakbap ne sekoro ku esanniyo;

I Tessaronike 1:1

Pauros newa Sirounos newa Timoteos anak ne Michi ne Kamui oshiketa an Tessaronike un karisia otta kambi omande na: irenga newa itomo echi utara gusu anro.

I Tessaronike 2:2

echi onnere korachi, etokota piripoi kotan ta aeramushitnere wa a un ko shomo yaikatanu okere chiki, chi utara anak ne Kamui gusu yai-rametok koro hine shi no yairamkoiki wa Kamui pirika Shongo echi orun ye nisa ruwe ne.

II Tessaronike 1:1

Pauros newa Sirounos newa Timoteos anak ne chikoro Michi ne Kamui newa Utarapa ne Yesu Kiristo oshiketa an Tessaronike kotan un karisia otta kambi omande na;

II Tessaronike 1:10

Utarapa koro nanuhu newa Shinuma koro kiroro oma nupeki orowa no otusashuishiri pakno akoisamka kusu ne na.

I Timoteos 1:2

eishokor-i gusu son no an ku poho ne Timoteos otta kambi ku omande na: Michi ne Kamui newa chikoro Utarapa ne Kiristo Yesu orowa no irenga hemhem, rampoken hemhem, itomo hemhem echi kore an kuni akoramkon na.

I Timoteos 3:8

Diakonos utara ne yakka yaikatanu kunip ne, iteki tu parumbe koro, iku rui shomoki, aetunne kuni ani yaiepirikare ambe kon rusui shomoki;

Titus 1:1

Kamui koro usshiune guru ne, samata, Kamui koro anumge wa okai utara atte eishokor-i newa Kamui kooripak ambe nepkoro an sonep eramu ambe nei no an wa Yesu Kiristo koro Apostoro ne Pauros

Titus 1:7

Inambe gusu ne yakun, episkopos anak ne Kamui korobe ashikkashimare guru korachi wen-buri sak no okai kunip ne; yaikota koro keutum eikaunu shomoki, shomo nukoshne, shomo iku sakayo ki, ainu koiki shomoki, aetunne kuni ani eyaiepirikare ambe kon rusui shomoki;

Pirimon 1:1

Kiristo Yesu koro apakashnu guru Pauros newa akoro iriwak ne Timoteos anak ne, un tura no iki aomap an akoro Pirimon otta hemhem, akoro matiriwak ne Appia otta hemhem,

Hebraios 13:23

Chikoro iriwak ne Timoteos anak ne ahonnere okere sekoro eramu yan; shinuma naa pon no okaketa ek yakun, tura no echi nukara ash kusu ne.

Yakob 1:1

Kamui newa Utarapa ne Yesu Kiristo koro usshiune guru Yakob ku ne anak ne chiusachari wa okai tu ikashima wan ainu sanikiri un uirup otta irangarap ku ki na.

I Petros 2:25

Hitsuji chikoikip korachi echi ru turainu shiriki wa okai, awa, tane echi kon ramat anak ne koro shiure guru ne echi epungine guru otta hoshipi wa an ruwe ne na.

II Petros 1:1

Yesu Kiristo koro usshiune guru newa Apostoro ne Simon Petros anak ne, chikoro Kamui newa un Kashiobiukip ne Yesu Kiristo koro oupeka-i otta un tura no ukorachi an aoshkoro eishokor-i akore utara otta,

Youdas 1:1

Yesu Kiristo koro usshiune guru ne Yakob koro iriwak Youdas anak ne, ahotuyekara wa okai, Michi ne Kamui otta aomap, Yesu Kiristo gusu ashikkashima wa okai utara otta kambi omande na:

Ekambakbe 1:1

Naa iruka ne koro hetuku kusu ne, koro usshiune utara orun nukare kuni gusu, Shinuma orota Kamui koropare Yesu Kiristo koro ekambakbe: orowa, shinuma anak ne koro hauturumbe teshkara hine koro usshiune guru Yoannes eramande;

Ekambakbe 1:20

Ku shimon-tekehe kata e nukara arawan nochiu newa nei arawan kongani ratchako newa gusu an mukke ambe tapne ne. Nei arawan nochiu anak ne nei arawan karisia koro hauturumbe ne: nei arawan ratchako anak ne arawan karisia ne ruwe ne na.

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.

Ekambakbe 2:12

Orowa, Pergamos kotan ta an karisia koro hauturumbe gusu ene nuye yan;

Ekambakbe 2:8

Orowa, Sumurna kotan ta an Karisia koro hauturumbe gusu ene nuye yan;

Ekambakbe 22:9

Orowa, en orun shinuma ene itak-hi :— Iteki nei no ki yan: e tura no ne yakka, uweingara utara ne e koro iriwak utara tura no ne yakka, tan kambi oma itak ambe shikkashima utara tura no ne yakka iki uitek guru ku ne ruwe ne: Kamui koongami yan.