Mattaios 9:36 - Ashiri Aeuitaknup Iyohaichish Yona 1897

³⁶ Koroka, Shinuma inne utara nukara chiki, gusu erampokiwen wa kore na, oreshpa guru sak no an hitsuji chikoikip korachi yairamhekonro wa shitchari wa okai ruwe ne gusu ne na.

Mattaios 9:36 ပူးပေါင်းရင်းမြစ်များ

Mattaios 10:6

Oya uirup koro ru oro-peka iteki paye yan, samata, Samaria un utara koro kotan orota ne yakka iteki ahup: koroka, ouse Israeru chisei un ru turainu wa okai hitsuji chikoikip otta paye yan.

Mattaios 14:14

Aige, Shinuma ek wa poro ainu topaha nukara, awa, erampokiwen wa kore hine koro tashum ki utara iwangere nisa ruwe ne.

Mattaios 15:24

Koroka, Shinuma ese wa ene itak-hi :— Kuani anak ne ouse Israeru chisei un ru turainu hitsuji otta patek a en omandep ne, sekoro itak.

Mattaios 15:32

Orowa, Yesu anak ne koikara utara shihekote hotuyekara wa orota ene itak-hi :— Topaha utara tane rere-ko shomo ibe no En tura no okai gusu, Ku erampokiwen wa kore ruwe ne: orowa, ikineipeka ru hontomo ta ika sambe eshingi kuni ne, shomo ibere no Ku payere niukesh ruwe ne, sekoro itak.

Markos 6:34

Orowa, Shinuma ek wa poro inne utara nukara, aine, erampokiwen wa kore, nei utara reshpa guru sak hitsuji chikoikip korachi ne ruwe ne gusu ne na; orowa, Shinuma inne, orushpe epakashnu heashi nisa ruwe ne.

Markos 8:2

Inne utara rampokiwen wa Ku kore na, tane rereko ta En tura no okai wa nep ne yakka ibe shomoki nisa ruwe ne gusu ne na:

Hebraios 4:15

Inambe gusu ne yakun, chikoro katchakbe nu wa eramu eaikap Kamui otta yaishieiwangere guru un otta isam; koroka, nep ne yakka chi utara korachi akoramnukara nep a yakka chikokatpak isam ruwe ne.

Hebraios 5:2

nei guru yaikota ne yakta katchakbe ani aokarire wa an gusu, eramsatbe newa ohaita utara eramu-haugere eashkaibe ne;