Mattaios 9:35 - Ashiri Aeuitaknup Iyohaichish Yona 1897

³⁵ Orowa, Yesu shiri ebitta machiya hene kotan hene okari oman wa uwekarapa chisei ta epakashnu, aige, moshiri gusu an pirika orushpe eupaskuma, samata, usa okai tashum ne yakka usa okai shiyeye ne yakka iwangere nisa ruwe ne.

Mattaios 9:35 ပူးပေါင်းရင်းမြစ်များ

Mattaios 10:1

Orowa, Shinuma anak ne koro koikara utara ne tun ikashima wa niu shihekote hotuyekara, aige, ichak-kere ramat oashinge kuni mondum hemhem nep tashum ne yakka nep shiyeye ne yakka iwangere kuni mondum hemhem koropare nisa ruwe ne.

Mattaios 11:1

Orowa, Yesu anak ne koro tun ikashima wa niu ne koikara utara kashpaotte okere chiki okai machiya otta upaskuma hemhem ki epakashnu hemhem ki kuni gusu nei kotan ekohopi wa oman nisa ruwe ne.

Mattaios 11:5

shiknak utara aingare, hera utara aapkashte, munin tashum ki utara aashkannere, ashpa utara ainure, rai utara hetopo-ashiknure, orowa, pirika shongo anak ne irapokkari utara otta anure ruwe ne.

Markos 1:14

Yoannes aekoshi okaketa Yesu anak ne Gariraya moshiri orota ek, aige, Kamui pirika shongo eupaskuma wa ene itak-hi :—

Markos 6:56

Orowa, neita ne yakka nep kotan orun hene, machiya orun hene, ushike orun hene, oman yakun, utara anak ne ihok ushiketa tashum ki utara are, orowa, ouse Shinuma koro mipihi chingi patek tomooshma kuni koramkoro: orowa, nen ne yakka nei ambe tomooshma guru anak obitta iwangere nisa ruwe ne na.

Markos 6:6

Nei utara eumbipkap Shinuma enushkari nisa ruwe ne na. Orowa, Shinuma okari okai kotan orun oman wa epakashnu nisa ruwe ne.

Roukos 13:22

Orowa, Shinuma anak ne Machiya hemhem, kotan hemhem kush wa epakashnu hine Yerusarem kotan orun payekai nisa ruwe ne.

Apostoro ikip oma kambi 10:38

Shinuma anak ne Nazaret un Yesu ne, Kamui anak ne kiroro newa Ashkanne Ramat Shinuma kashiketa ota nisa ruwe ne: orowa, Shinuma pirikap iki wa apkash hine nitne kamui ashikatkare utara iwangere nisa ruwe ne; Kamui Shinuma tura no an ruwe ne gusu ne na.

Apostoro ikip oma kambi 2:22

Israeru un echi utara tap an itak nu wa ikore yan: Echi utara yaikota echi eraman korachi, ari Kamui anak ne echi tumugeta iki ari Kamui sonnere kiroro an ikip newa iyokunnurep newa shiroshi newa kara Nazaret un Yesu anak ne;