Mattaios 9:22 - Ashiri Aeuitaknup Iyohaichish Yona 1897

²² Koroka, Yesu hosari wa nei shiwentep nukara hine ene itak-hi :— Matkachi, keutum ratchire, e koro eishokoro i anak ne e kashiobiuki nisa ruwe ne na, sekoro itak. Aige, nani nei shiwentep kaobiuki wa an ruwe ne na.

Mattaios 9:22 ပူးပေါင်းရင်းမြစ်များ

Mattaios 15:28

sekoro itak, orowa, Yesu nei guru orota ese wa ene itak-hi :— Aa shiwentep, e koro eishokor-i anak ne porobe ne ruwe; eani e kon rusui korachi aki kusu ne, sekoro itak. Orowa, neita nani koro matne-po aiwangere nisa ruwe ne na.

Mattaios 17:18

Orowa, Yesu sakayo itak ki; awa, nitne kamui oashin; aige, nei i orota nei heikachi aiwangere nisa ruwe ne na.

Mattaios 8:13

Orowa, nei sapane guru otta Yesu ene itak-hi :— Oman, eani eishokor-i an nei no eani gusu aki ruwe ne, ani itak. Orowa, nei pakihi wano nei a tashum ki heikachi iwange no an ruwe ne na.

Mattaios 9:2

Awa, utara anak ne hotke wa an tusushke tashum ki shine ainu Shinuma otta sei wa araki ruwe ne: orowa, Yesu nei utara koro eishokor-i nukara koro tusushke tashum ki guru otta ene itak-hi :— Poho, keutum ritetkere yan, e koro chikokatpak atusare ruwe ne gusu ne na.

Mattaios 9:29

Tata otta Shinuma nei utara koro shikihi tomooshma wa ene itak-hi :— Echi eishokor-i an korachi akara na, sekoro itak.

Markos 10:52

Shinuma orota Yesu ene itak-hi :— Paye yan; e koro eishokor-i anak ne e iwangere nisa ruwe ne na, ari itak. Orowa, nei guru nani nukara wa ru otta Yesu osh oman nisa ruwe ne na.

Markos 5:34

Orota Shinuma ene itak-hi :— Matne-po e koro eishokoro-i anak ne e kaobiuki nisa ruwe ne, ino no paye wa e ki shiyeye eshini yan, ari itak.

Roukos 17:19

Orowa, nei guru otta Shinuma ene itak-hi :— Hopuni wa oman: e koro eishokor-i anak e iwangere nisa ruwe ne na, sekoro itak.

Roukos 18:42

ani itak. Orota Yesu ene itak-hi :— Ingara yan, e koro eisbokor-i anak ne e iwangere nisa ruwe ne na, sekoro itak.

Roukos 7:50

Orowa, Shinuma nei shiwentep otta ene itak-hi :— E koro eishokor-i anak ne e kashiobiuki nisa ruwe ne, itomo kon no paye yan, ari itak nisa ruwe ne.

Roukos 8:48

Orota Shinuma ene itak-hi :— Matne-po, e koro eishokoro-i anak ne e iwangere nisa ruwe ne; mo no an wa paye yan, ari itak.

Yoannes 4:53

Orowa, orota, E poho ishu korʼan, ani an itak ani Yesu ye pakihi ne sekoro nei michi eraman: orowa, shinuma yaikota hemhem, uni un utara obitta hemhem, eishokon nisa ruwe ne.

Apostoro ikip oma kambi 14:9

Nei guru anak ne Pauros itak shiri an i nu: aige, shinuma orun Pauros anak ne oshikkurukote hine kashiaobiuki kuni gusu an eishokor-i koro wa an ambe nukara chiki, rui hawe ani; — E chikiri kata oupeka no ash yan, — sekoro itak.

Apostoro ikip oma kambi 16:18

ne, ari itak. Inne toho uturuta shinuma nei no ki nisa ruwe ne. Koroka, Pauros anak ne shi no yairamkoiki wa gusu hosari hine nei ramat otta ene itak-hi :— Yesu Kiristo kon reihei ankushkerai nei guru orowa no oashin kuni e kashpaotte ash na, ari itak. Aige, nei pakihigeta nei ambe oashin nisa ruwe ne.

Hebraios 4:2

Inambe gusu ne yakun, son no poka nei utara otta korachi un otta ne yakka pirika orushpe aeupaskuma an na: koroka, anu itak anak ne nei utara pirikare shomoki, eishokor-i ani nei utara anak ne anure utara tura shomo ukopoye nisa ruwe ne gusu ne na.