Mattaios 8:3 - Ashiri Aeuitaknup Iyohaichish Yona 1897

³ Orowa Yesu tekehe tun wa nei guru tomoshma hine ene itak-hi :— Ku ramuoshma na, e ashkannere ash na — sekoro itak: orowa, munin tashum anak ne nani isam nisa ruwe ne na.

Mattaios 8:3 ပူးပေါင်းရင်းမြစ်များ

Iyohaichish 33:9

Inambe gusu ne yakun, Shinuma itak, aige, akara; Shinuma kashpaotte, aige, tumashnu no roshki nisa ruwe ne.

Mattaios 12:13

Orowa, nei ainu otta :— E teke turi yan, ani Shinuma ye. Orowa, aturi, aige, moshima an ambe korachi atumashnure nisa ruwe ne.

Markos 1:41

Orowa, Shinuma rampoken keutum sange gusu, koro teke turi wa tomooshma, aige, orota ene itak-hi :— Ku ramuoshma na, e ashkannere ash na, ari itak.

Markos 4:39

Aine, Shinuma mosh wa rera kopao, samata, Ratchi, mo no an, ari an itak ani atui otta ye. Orowa, rera isam wa poro neto an ruwe ne.

Markos 5:41

Orowa, pon guru tekehe kishima wa orota, Tarita kumi, ari an itak an itak: tan itak ibehe anak ne, Matkachi, hopuni ani ku itak, sekorʼan itak ibehe ne ruwe ne.

Markos 7:34

aige, parumbe tomooshma; orowa, kando orun hepuni ingara hine tanne heisei ki, aine, nei guru otta :— Eppata, ani itak; tan itak anak ne, “amaka yan,” sekorʼan itak ne ruwe ne.

Markos 9:25

Orowa, inne utara hoyuppa wa uwekarapa shiri Yesu nukara chiki, Ichakkere ramat ko-sakayokara wa otta ene itak-hi :— Shomo-itak ashpa uwopuk ramat, nei guru wano oashin wa, kannashui iteki otta ahun yan, ari ku kashpaotte na.

Roukos 4:27

Orowa, uweingara guru Erisha an ita anak ne, Israeru moshiri ta munin tashum ki utara poron no okai wa an; awa, nei utara shinen ka aashkannere shomoki ouse Syria moshirʼun guru Naaman patek aashkannere nisa ruwe ne, ari itak.

Roukos 5:13

Orowa, Shinuma tekehe turi wa nei guru tomooshma wa, Ku ramuoshma, e ashkannere ash na, ari itak. Orowa no, nani nei munin tashum anak ne shinuma ande nisa ruwe ne.

Roukos 7:14

Orowa, Shinuma ehange no ek wa ot ani set tomooshma; tata otta sei utara roshki nisa ruwe ne.

Yoannes 11:43

Orowa, Shinuma tap ambe ye okere chiki, rui hau ani :— Razaros, soine wa ek, ari an itak ani ye ruwe ne.

Yoannes 15:24

Moshima guru kara shomoki ikip nei utara tumugeta Ku kara shomoki yak anak ne, katpak ki a shomoki: koroka, nei utara tane Kuani hemhem, Ku Michi hemhem un nukara hemhem ki, etunne hemhem ki nisa ruwe ne na.

Yoannes 5:21

Michi anak ne rai guru hetopo-hoshipire wa shiknure korachi, Poho ne yakka yaikota rengaine shiknure ruwe ne.