Mattaios 8:20 - Ashiri Aeuitaknup Iyohaichish Yona 1897

²⁰ Yesu nei guru otta ene itak-hi :— Chironnup anak ne shui koro, rik peka oman chikap anak ne reushi ushi an, koroka, Ainu Poho anak ne sapa eninui ushike ka sak ruwe ne.

Mattaios 8:20 ပူးပေါင်းရင်းမြစ်များ

Iyohaichish 104:12

Nei samaketa rik kush chikap oshiroma wa, Ni-tek tumta hau kon ruwe ne.

Iyohaichish 104:17

Chikap anak ne nei ni kata set kara; Sarorun chikap gusu anak, hup ni shinuma kot chisei ne ruwe ne.

Iyohaichish 109:22

Kuani anak ne otek-sak newa erapokkari guru ku ne, Orowa, en onnaigeta ku sambe piri ao ruwe ne gusu ne na.

Iyohaichish 40:17

Koroka, kuani anak ne otek-sak wa irapokkari guru ne; Utarapa en esanniyo: Aokai anak ne ikasbiu Kamui ne, en kashiobiukip ne; Aa ku goro Kamui, iteki tere wa en kore.

Iyohaichish 69:29

Koroka, kuani anak ne otek-sak wa yairamhekomo ruwe ne: Aa Kamui, E koro kashiobiuki-hi ani ri ushike orun en rikta-ande wa en kore.

Iyohaichish 84:3

Ruwe un, amam-e-chikap anak ne yaikota gusu chisei pa, Kapap chikap ne yakka koro poho ande kuni yaikota gusu ushike pa nisa, Nei ambe anak ne Aa topaha koro Ehoba, En esapane Kamui, ku goro Kamui, E koro yange set ne ruwe ne.

Mattaios 12:32

Orowa, nen ne yakka Ainu Poho epeka sempiroitak ki guru an yakka atusare kusu ne, koro-ka, nen ne yakka Ashkanne Ramat epeka sempiroitak ki guru anak ne, tan moshirʼotta ne yakka, ek kushki moshirʼotta ne yakka atusare shomoki kusu ne ruwe ne.

Mattaios 12:40

Yona anak ne tokap-to rereko kunne-to re anchikara uturuta poro rep un chikoikip honi oshiketa an korachi, tambe nei no Ainu Poho ne yakka tokap-to rereko kunne-to re anchikara uturuta toitoi sambe oshiketa an kusu ne.

Mattaios 12:8

Ainu Poho anak ne shini toho koro Utarapa ne ruwe ne.

Mattaios 13:37

Orota Shinuma ese wa ene itak-hi :— pirika piyehe etoita gurʼanak ne Ainu poho ne ruwe ne: toi anak ne moshiri ne;

Mattaios 16:13

Orowa, Yesu, anak ne Kaisarea Pirippos kotan an ushita ek wa an ita, koro koikara utara otta ene uwepekennu-hi :— Ainu Poho anak ne nen ne kuni utara ye ruwe he okai?

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Mattaios 17:9

Orowa, nupuri wano rap koro an ita, Yesu ikashpaotte wa ene itak-hi :— Ainu Poho rai orowa no hetopo-ashiknure an pakno tap echi nukarape nen ne yakka ika nure yan, ari ki ruwe ne.

Mattaios 19:28

Nei utara otta Yesu ene itak-hi :— Son no echi otta Ku ye, En osh araki utara echi utara anak ne ashino hekatu ita, Ainu Poho nupeki araset kata a kusu ne ita, echi utara ne yakka tup ikashima wan araset kashiketa rok wa Israeru un tup ikashima wan ikiri ne okai utara koipishi kusu ne.

Markos 8:38

Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.

Roukos 12:8

Orowa, echi otta Ku ye, nen ne yakka utara kotchaketa En eyaipushi guru an chiki Ainu Poho anak ne Kamui hauturumbe kotchaketa nei guru ne yakka eyaipushi kusu ne;

Roukos 18:8

Echi otta Ku ye, chashnu no nei utara gusu Shinuma ikemnu kusu ne na. Yakka, Ainu Poho ek ita moshiri kata eishokor-i anukara kusu ne ya?

Roukos 2:12

Aine, tambe anak ne echi gusu an shirosh ne; nei aiai tanne anrip ani akokarakari wa orun umma eibe kitchi otta hotke wa an-i echi nukara kusu ne.

Roukos 2:16

hera kotan orun paye anro, sekoro itak. Orowa no, shinuma utara tunashi no araki wa Maria newa Yosep nukara, orowa, otta umma eibe kitchi orota

Roukos 2:7

Awa, koro kiyanne-po shikore wa tanne anrip kokarakari hine orun tunma eibe kitchi otta hotkere nisa ruwe ne; reushi ushiketa ahup kuni tumbu isam ruwe ne gusu ne na.

Roukos 21:36

Echi utara anak ne araki kusu ne tap obitta no an okaibe ohaita eashkai hine Ainu Poho kotchaketa roshki kuni ne, inan pakihi ta ne yakka shiruwe wa inonno-itak ki yan.

Roukos 8:3

Herod chisei epungine Kousa koro machi Yoanna hemhem, Sousanna hemhem, samata, koro wa okaibe ani shinuma utara otta yaishieiwangere inne moshima okai shiwentep hemhem Shinuma tura no paye nisa ruwe ne.

Roukos 9:58

Otta Yesu ene itak-hi :— Chironnup anak ne shui koro, rik peka oman chikap anak ne reushi kuni ushike koro, koroka, Ainu Poho anak sapa eninui ushi ka sak ruwe ne, ari itak.

Yoannes 1:51

Orowa, shui, orota Shinuma ene itak-hi :— Son no, son no e otta Ku ye, kando sara wa Kamui hauturumbe Ainu Poho kashi ran hemhem ki rikin hemhem ki-hi e nukara kusu ne, ari itak.

Yoannes 12:34

Tambe gusu, inne utara Shinuma otta ene ese-hi :— Kiristo anak ne ramma an kusu ne shiri tuitak kata chi nu: awa, nekon a Ainu Poho ayange kusu ne ap sekoro E ye ya? Tan Ainu Poho nen ne ruwe he an?

Yoannes 13:31

Orowa, shinuma soine wa isam chiki Yesu ene itak-hi :— Tane anak ne Ainu Poho aeoripak ruwe ne, orowa, Kamui anak ne Shinuma otta aeoripak an na;

Yoannes 3:13

Kando orowa no ran wa kando otta an Ainu Poho moshima, kando orun rikin guru isam.

Yoannes 3:14

Orowa, Mose anak ne nup otta okokko ashi korachi, tap korachi Ainu Poho ne yakka aashi kusu ne;

Yoannes 6:27

Aisamka kusu ne aep gusu iteki monraige yan, Ainu Poho echi koropare kusu ne ramma okere shomoki inotu ari an aep echi koro gusu ki yan: Michi Kamui anak ne Shinuma otta han kotukka nisa ruwe ne gusu ne na.

Yoannes 6:53

Tambe gusu, nei utara otta Yesu ene itak-hi :— Son no son no echi otta Ku ye, Echi utara anak ne Ainu Poho koro kam echi e, samata Shinuma koro kem echi iku shomoki chiki anak ne echi yaikota oshiketa inotu koro shomoki ruwe ne.

Yoannes 6:62

yak anak ne etokota oshiroma ushike orun Ainu Poho rikin katu echi nukara chiki nekon a iki ya?

Apostoro ikip oma kambi 7:56

aige, ene itak-hi :— Ingarʼan, kando makke shiri ku nukara, Orowa, Kamui shimon tek-samata, Ainu Poho ash shiri ku nukanʼna, sekoro itak.

II Korintos 8:9

Chikoro Utarapa ne Yesu Kiristo koro irenga echi eraman ruwe ne gusu ne na; Shinuma anak ne oteknu ruwe ne a yakka, echi utara gusu oteksakbe ne akara, tambe anak ne Shinuma ki oteksak-hi ankushkeraipo echi utara aeoteknure kuni gusu ne na.