Mattaios 5:19 - Ashiri Aeuitaknup Iyohaichish Yona 1897

¹⁹ Tambe gusu, nen ne yakka tap iyotta pon ikashpaotte otereke, orowa, moshima okai utara nei ambe otereke kuni epakashnu gurʼanak ne, kando moshirʼotta iyotta pon guru ani aye kusu ne: koroka, nen ne yakka nei tuitak nei no ki wa nei ambe moshima guru otta epakashnu gurʼanak ne, nei guru kando moshirʼotta pase guru ne ani aye kusu ne na.

Mattaios 5:19 ပူးပေါင်းရင်းမြစ်များ

Iyohaichish 119:128

Tambe gusu nep ne yakka epeka no an obitta no okai E koro ipawetenge oupeka ambe ne sekoro ku esanniyo; Orowa, nep okai wen-buri ne yakka ku etunne ruwe ne na.

Iyohaichish 119:6

Kuani anak ne obitta no okai E koro ikashpaotte eyaikoshiramshuiba yak anak ne, Shomo ku yainikoroshma kusu ne na.

Mattaios 11:11

Son no echi otta Ku ye, shiwentep utara hekatparep tumugeta Baptisma kore Yoannes kasu no pase guru naa shomo hopuni nisa ruwe ne: yakka, kando moshirʼotta an iyotta pon guru ne yakka nei guru kasu no pase guru ne ruwe ne na.

Mattaios 19:28

Nei utara otta Yesu ene itak-hi :— Son no echi otta Ku ye, En osh araki utara echi utara anak ne ashino hekatu ita, Ainu Poho nupeki araset kata a kusu ne ita, echi utara ne yakka tup ikashima wan araset kashiketa rok wa Israeru un tup ikashima wan ikiri ne okai utara koipishi kusu ne.

Mattaios 20:26

Echi okai tumugeta nei no an shomoki kusu ne: koroka nen ne yakka echi tumugeta pase rusui guru anak ne echi auitek guru ne kusu ne;

Mattaios 28:20

orowa, nep ne yakka Kuani echi kashpaotte okaibe nei utara shikkashima kuni ne ki yau: orowa, ingarʼan moshiri ko-onne pakno Kuani anak echi tura no an kusu ne na.

Roukos 1:15

Orowa, shinuma anak ne Utarapa teksamata pase kusu ne, tonoto hene sikera hene iku shomoki, orosama, koro habo orowa hekatu wano Ashkanne Ramat ani aeshik kusu ne na.

Roukos 11:42

Koroka, Parisee un echi utara yaisambepokash humi! inambe gusu ne yakun, echi utara anak ne hakka mun hene uikyo mun hene obitta moshima okai kinratashkep hene ani wanbe un shinep echi sange, aige, ipishi newa Kamui omap-i echi eshishi ruwe ne; koroka, tap okaibe echi ki kusu ne kunip ne, orowa, nei ambe ne yakka moshima no ande kunip shomo ne ruwe ne.

Roukos 9:48

Nen ne yakka Ku reihei rengap gusu tan pon guru uk guru anak ne En uk ruwe ne: samata, nen ne yakka En uk gurʼanak ne En omande guru uk ruwe ne: inambe gusu ne yakun, obitta no echi utara tumugeta an iyotta pon guru anak ne, nei guru anak pase ruwe ne, sekoro itak.

Apostoro ikip oma kambi 1:1

Teopirus, eeshiri Kambi-sosh ku heashire, awa, nei kambi kata Yesu anak ne koro numge Apostoro utara otta Ashkanne Ramat ani eikashpaotte yara okaketa,

Roma 3:8

Orowa, shui, (un ohaigekara wa) — Pirikap ahetukure gusu, wenbe ki yanro — (sekorʼan itak ani chi ye ruwe ne sekoro ye utara itak korachi) — nep gusu shomo chi ki ya? Nei utara gusu an aesanniyo-hi anak ne oupekap ne ruwe ne na.

Roma 6:1

Yakun, hemanda chi ye kusu ne ya? Irenga aporore kuni gusu, rammakane katpak chi ki kusu ne ya?

Roma 6:15

Yakun, nekon a? Tuitak choropoketa shomo chi okai wa irenga choropoketa okai gusu, tambe gusu katpak chi ki kusu ne ya?

I Timoteos 6:11

Koroka, Kamui koro ainu e ne gusu, tap okaibe eshaot yan; aige, oupeka ambe, Kamui kooripak ambe, eishokor-i atte ambe, omap ambe, yaiyupupu ambe,

Titus 3:8

Nei itak ambe sonep ne, orowa, tap okaibe gusu anak, Kamui eishokoro okere utara anak ne esanniyo hine pirika moni iki kuni ne, yupke no e ye kuni ku kon rusui ruwe ne. Tapan okaibe anak ne ainu utara gusu pirika newa pirikare ambe ne: koroka,

I Petros 5:4

Orowa, nei esapane reshpa guru anukara ita echi utara anak ne nin shomoki nupeki oma sapa umbe echi akore an kusu ne na.

I Yoannes 3:4

Nen ne yakka katpak ki gurʼanak ne ikashpaotte oterekep ne yakka ki ruwe ne: katpak anak ikashpaotte oterekep ne ruwe ne.

Ekambakbe 2:20

Koroka, e epeka gusu an ambe an, yaikota uweingara guru ne ari itak nei a shiwentep anak ne Yesaberu e aude ruwe ne gusu ne na; nei shiwentep anak ne Ku goro usshiune utara hoiyo hemhem ki, potoki otta ayange okaibe ibe hemhem ki kuni epakashnu wa kokandama ruwe ne.