Mattaios 3:11 - Ashiri Aeuitaknup Iyohaichish Yona 1897

¹¹ Echi yaikokatpakte kuni gusu son no newa kuani wakka ani baptisma echi kore ash na: koroka, en osh ek guru anak ne en akkari kiroroashnu guru ne, Shinuma koro keirehe ku ani poka pakno an guru shomo ku ne ruwe ne: Shinuma anak Ashkanne Ramat newa abe ani baptisma echi kore kusu ne na:

Mattaios 3:11 ပူးပေါင်းရင်းမြစ်များ

Mattaios 3:6

Yoannes orota paye, orowa koro wen-buri eyaipushi wa Yorodan pet otta baptisma akore nisa ruwe ne.

Markos 1:4

Yoannes ek, aige, nup otta baptisma kore hine chikokatpak atusare gusu yaikokatpak kuni baptisma eupaskuma ki.

Roukos 1:17

Samata, ona keutum poho otta kirure, itak-kashi utara oupeka utara koro wayashnu-i otta kirure kuni gusu shinuma anak ne Ericha ramat newa kiroro koro wa Utarapa ratchaot oman kusu ne; Utarapa gusu etoko-a-oiki utara skipini kusu ne gusu ne na.

Roukos 3:16

Son no newa kuani wakka ani baptisma echi kore ash; koroka, en kasu no kiroroashnu guru ek, koro keirʼat ku pita katap tukarike ku ure echiu ruwe ne :— shinuma Ashkanne Ramat newa abe ani baptisma echi kore na:

Roukos 3:3

Aige, shinuma Yorodan pet pishkanike ebitta ek wa katpak tusare kuni yaikokatpak baptisma eupaskuma;

Yoannes 1:15

Yoannes anak ne Shinuma gusu paweteshu ki wa hawe ashte hine ene itak-hi :— En osh ek guru anak ne en kasu no ne ruwe ne; Shinuma en etokota an ruwe ne gusu ne na, sekoro ku ye itak anak ne tan guru epeka no an itak ne ruwe ne.

Yoannes 1:30

En osh ek guru en kasu no ne ruwe ne; Shinuma en etokota an ruwe ne gusu ne na sekoro ku ye itak anak ne tan guru epeka no aye itak ne.

Apostoro ikip oma kambi 1:5

inambe gusu ne yakun, Yoannes anak ne son no poka wakka ani baptisma kore; koroka, echi utara anak ne naa pon no okake an koro Ashkanne Ramat ani baptisma akore na.

Apostoro ikip oma kambi 19:4

Orowa, Pauros ene itak-hi :— Yoannes anak ne yaikokatpak gusu an baptisma kore, aige, i oshi ek guru nei ambe anak, Yesu ne ruwe ne, eishokoro kuni ne utara otta ye nisa ruwe ne.

Apostoro ikip oma kambi 8:36

Payekai, aige, wakka an ushike orun araki; awa, nei Eunokos ene itak-hi :— Ingarʼan, teda wakka an; shomo baptisma a en kore kuni nep ahatto an a?

Apostoro ikip oma kambi 8:38

Orowa, nei nishinda mo no ash kuni akashpaotte, aige, nei tun wakka oshiketa sap, Piripos ne yakka ne Eunokos ne yakka; awa, baptisma akore nisa.

I Korintos 12:13

Inambe gusu ne yakun, Yudea un guru ne yakka Herenes un guru ne yakka, ausshiunere guru ne yakka, rengaine an guru ne yakka shine Ramat ani chi utara obitta shine netobake otta baptisma akore nisa ruwe ne; aine, shine Ramat aikure nisa ruwe ne.

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Titus 3:5

yaikota chi iki oupeka an ikip ankushkerai shomo ne, koroka, kanna-shikore furaye ambe newa Ashkanne Ramat ashin no kara ambe ankushkerai hetukup ne,

I Petros 5:5

Samata, echi okai upeure utara, ekashi otta koitaknu yan. Ruwe un, echi utara obitta uweutashpa ukoyaishieiwangere gusu oripak ambe ani yai koshaye wa okai yan: inambe gusu ne yakun, Kamui anak ne shiokunnure utara eshishi, koroka, oripak an utara otta irenga sange wa koropare ruwe ne gusu ne na.