Mattaios 28:18 - Ashiri Aeuitaknup Iyohaichish Yona 1897

¹⁸ Orowa, Yesu nei utara otta ek wa itak sange hawe ene ani :— Moshiri kata ne yakka kando oshiketa ne yakka obitta no an mondum a en kore an na.

Mattaios 28:18 ပူးပေါင်းရင်းမြစ်များ

Iyohaichish 89:19

Nei ita anak ne Aokai anukarape ani E koro Ashkanne guru otta itak nisa, Ene E ye-hi:— Kiroroashnu guru kashita kashiobiuki-hi ku ande nisa; Utara orowa no an guru ku riknare nisa ruwe ne.

Iyohaichish 89:27

Shui, shinuma ari ku kiyanne guru ne kuni ku kara kusu ne, Moshiri shikkasbima utara kasu no ku pasere kusu ne na.

Mattaios 11:27

Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.

Mattaios 16:28

Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.

Mattaios 26:64

Orota Yesu ene itak-hi :— E ye okere ruwe ne: yakka e otta Ku ye, tap imakake Ainu Poho mondum koro shimon-tek samta a hine kando nishkuru kashiketa an wa ek shiri e nukara kusu ne ruwe ne, sekoro itak.

Roukos 10:22

Nep ne yakka Ku Michi wano a en koropare nisa ruwe ne; orowa, Poho anak ne nen ne ruwe he an sekoro eramʼan guru Michi moshima isam; samata, Michi anak ne nen ne ruwe he an sekoro eramʼan guru, Poho newa Poho ramuoshma wa otta eramʼande guru isam ruwe ne.

Yoannes 13:3

samata, koro tekehe otta Michi anak ne nep ne yakka koropare an, orowa, Shinuma Kamui orowa no ek hine Kamui orota oman sekoro eraman wa,

Yoannes 17:2

Aokai anak ne Shinuma otta kore obitta no okai kam esapane kuni mondum kore korachi, nep ne yakka Shinuma orun Aokai korarape otta Shinuma ramma okere shomoki inotu kore kuni gusu ne na.

Yoannes 3:31

Rik orowa no ran guru anak ne utara obitta enkashiketa an: toi orowa no ek gurʼanak ne toi orowa no an gunʼne, orowa toi orushpe ye ruwe ne: kando orowa no ek guru anak ne utara obitta enkashiketa an ruwe ne.

Yoannes 3:35

Michi anak ne Poho omap wa nep ne yakka obitta koro teke orota omare nisa ruwe ne.

Apostoro ikip oma kambi 10:36

Yesu Kiristo gusu itomo an pirika shongo aeupaskuma Israeru un utara otta omande itat (Shinuma anak obitta no okaibe koro Utarapa ne) —

Apostoro ikip oma kambi 2:36

Israeru ikiri un utara obitta utura ashi shomoki no tambe uonnere yan, Kamui anak ne, tan echi utara utasa chikuni otta raige Yesu ani Utarapa newa Kiristo ne kan nisa ruwe ne na.

Roma 14:9

Tap an ikkewehe gusu Kiristo rai wa shiknu ruwe ne, rai guru hene shiknu guru hene enishpane kuni gusu ne na.

I Korintos 15:27

Inambe gusu ne yakun, obitta no okaibe itaknure wa koro chikiri choropoketa ande kusu ne gusu ne na. Koroka, obitta no okaibe itaknure ari an itak ani ye chiki, Shinuma orowa no obitta no okaibe itaknurere guru anak ne umoshma no a an ruwe ne sekorʼambe aeramu ambe ne ruwe tapan na.

Korosai 2:10

aige, Shinuma oshiketa echi utara aeramushinnere an na, aine, Shinuma anak ne obitta no okai esapanep newa nrondum korobe koro sapaha ne ruwe ne:

Hebraios 1:2

tan okese an toho ta obitta no okaibe eikeshkore kuni gusu atte, ani moshirʼebitta ne yakka kara poho teshkara wa un orota itak sange nisa ruwe ne;

Hebraios 2:8

Nep ne yakka shinuma kema pokta E are nisa ruwe ne. Inambe gusu ne yakun, Shinuma anak ne obitta no okaibe nei guru otta itaknure nisa ruwe ne gusu, otta aitaknure shomoki ambe nep ne yakka isam ruwe ne na. Koroka, tane anukara chiki obitta no okaibe naa shomo Shinuma ko-itaknu.

I Petros 3:22

Shinuma anak ne kando otta ahun wa Kamui shimon tek-samata an ruwe ne; orowa, Kamui hauturumbe hene, raondum korobe hene, kiroro umbe hene, Shinuma gusu akoitaknure an ruwe ne na.

Ekambakbe 11:15

Orowa, nei arawan ikinne an hauturumbe rappa rekte; aige, kando onnaigeta poro hawe hetuku wa ene itak-hi :— Moshiri esapane kuni ambe anak ne chikoro Utarapa newa Shinuma koro Kiristo korobe ne akara: awa, Shinuma ramma-ramma pakno esapane kusu ne na.

Ekambakbe 17:14

Tan utara anak ne nei Pon-hitsuji chikoikip epeka tumi-koro kusu ne, aige, Pon-hitsuji chikoikip anak nei utara anrapokikara wa annokara kusu ne, Shinuma anak ne Utarapa utara koro Utarapa ne, moshiri shikkashima utara koro Moshiri Shikkashima Kamui ne ruwe ne gusu ne na; orowa, Shinuma tura no okai utara anak ne anishuk wa an, anumge an, ikipniukesh utara ne ruwe ne.

Ekambakbe 19:16

Koro mipihi newa koro om kata shine reihei chieshinnuye wa an, — moshiri shikkashima utara koro shikkashima guru, utarapa utara koro Utarapa, ne ruwe ne.