Mattaios 27:62 - Ashiri Aeuitaknup Iyohaichish Yona 1897

⁶² Orowa, nishat ta an koro, Etoko-oiki toho eoyashirage toho ne wa, Kamui kora kenru esapane utara Parisee un utara tura Pirato orota uwekarapa wa ene itak-hi :—

Mattaios 27:62 ပူးပေါင်းရင်းမြစ်များ

Mattaios 26:17

Orosama, pandane sak pan marapto atpake an toho ta koikara utara anak ne Yesu otta araki wa ene itak-hi :— Kama-kush marapto E ibe gusu neita etokochioiki kuni E ramu ya? sekoro itak.

Markos 15:42

Orowa, tane shiri-onuman an koro, Shini toho etoko an toho ta, Etokooiki ani reihei an toho ne ruwe ne gusu,

Yoannes 19:14

Tane Kamakush marapto gusu etokooiki toho ne: iwan pakihi paketa ne ruwe ne. Orowa, Yudea un utara otta shinuma ene itak-hi :— Echi koro Moshiri shikkashima guru ingara yan! ani itak.

Yoannes 19:31

Tambe gusu, Etokooiki toho ne gusu, Yudea un utara anak ne, nei kaisei Shini toho ta shomo utasa chikuni kata an kuni ne (nei Shini toho pase toho ne gusu), nei utara koro chikiri kayere wa aeiwak kuni Pirato otta koramkon nisa ruwe ne.

Yoannes 19:42

Yudea un utara Etokooiki buri an gusu nei ushiketa Yesu ande nisa ruwe ne (nei tushiri ehange no an ruwe ne gusu ne na).