Mattaios 27:56 - Ashiri Aeuitaknup Iyohaichish Yona 1897

⁵⁶ nei utara tumugeta Makdarene un Maria hemhem an, Yakob newa Yoses koro habo Maria hemhem an, orowa, Zebedee koro poho utara koro habo an ruwe ne.

Mattaios 27:56 ပူးပေါင်းရင်းမြစ်များ

Mattaios 13:55

Tambe anak ne pancho ainu koro poho shomo ne ruwe he an? Koro habo anak ne Maria ani an reihei koro shiwentep shomo ne ya? samata koro okkai ainu iriwak utara anak ne Yakob newa Yosep newa Simon newa Yudas newa ani aye utara shomo ne ya?

Mattaios 27:61

Orowa, Makdarene un Maria hemhem moshima an Maria hemhem tushiri samaketa rok wa okai ruwe ne na.

Mattaios 28:1

Orowa, shini toho moire no an-kesh paketa nei mawari atpake an toho ehange ita, Makdarene un Maria hemhem, moshima an Maria hemhem utura hine tushiri nukara gusu araki nisa ruwe ne.

Markos 15:47

Aige, Makdarene un Maria newa Yoses koro habo Maria anak ne Shinuma aande ushike nukanʼnisa ruwe ne na.

Markos 16:9

Orosama, Shini toho eshimge toho ta aro-kunneiwano Shinuma hetopo-shiknu wa an ita, orowa no arawan nitne kamui oashinge Makdarene un Maria otta hoshiki no yainukara.

Roukos 24:10

Orowa, Apostoro otta tap okai orushpe nure utara anak ne Magdarene un Maria newa Yoanna newa Yakob koro habo Maria newa nei utara tura no okai shiwentep ne ruwe ne.

Roukos 8:2

awa, tun ikashima wa niu hemhem, wen Ramat hene katchakbe hene koro aiwangere shiwentep hemhem, orowa no arawan nitne kamui oashin Magdarene ani aye Maria hemhem,

Yoannes 19:25

Koroka, Yesu koro utasa chikuni samaketa Shinuma koro habo hemhem, koro habo koro turesh hemhem, Kuropas koro machi Maria hemhem, Makdarene un Maria hemhem roshki wa okai nisa ruwe ne.

Yoannes 20:1

Orowa, Mawari atpake an toho ta, naa shirikunne an ita, Makdarene un Maria anak ne tushiri otta ek, awa, nei tushiri wano shuma auk wa an shiri nukara.

Yoannes 20:18

Makdarene un Maria ek wa Shinuma koro koikara utara otta ene itak-hi :— Utarapa Ku nukan nisa, orowa, tap okaibe Shinuma orowa no a en nure an na, ari itak.