Mattaios 26:15 - Ashiri Aeuitaknup Iyohaichish Yona 1897

¹⁵ Kuani Shinuma echi otta ekoshi yakun, nei pakno echi en kore kuni aramu ya? ari itak. Orowa no nei utara shirokani wanbe e tu hot pakno pakari wa kore nisa ruwe ne.

Mattaios 26:15 ပူးပေါင်းရင်းမြစ်များ

Mattaios 10:4

Simon newa Yesu ekoshi Kariot kotan un Youdas an ruwe ne.

Mattaios 26:16

Nei orowa no nei guru anak ne Shinuma ekoshi kuni i hunara shiri an ruwe ne.

Apostoro ikip oma kambi 1:18

(Tan guru anak ne wenbe pummaha ani shine toi hok; orowa, ehoroka hachiri wa onnaige tuye pereke, orowa, koro kan kan obitta soyoshma nisa ruwe ne.

I Timoteos 3:3

ainu kokik shomoki guru ne kunip ne; koroka, yaikatanu keutura koro, koiki kopan, aetunne kuni ani eyaiepirikare ambe shomo ko-omap guru ne kunip ne:

II Petros 2:3

Orowa, yaikoshipuinere ki wa shiwayashnure itak ani echi iraugetupa kusu ne; nei utara gusu an aesanniyop anak ne fushko wano tane poka tere shomoki, koro aisamka-i mokoro shomoki ruwe ne.