Mattaios 25:6 - Ashiri Aeuitaknup Iyohaichish Yona 1897

⁶ Aige, an noshike pakita, ingarʼan mat-ahupkara guru ek an na, hetak, hopumba wa ekanok gusu soyumba wa araki yan, ari an hawe anu ruwe ne.

Mattaios 25:6 ပူးပေါင်းရင်းမြစ်များ

Iyohaichish 96:13

Shinuma ek gusu, Ehoba kotchaketa ki yan; Moshiri koipishi gusu Shinuma ek ruwe ne: Shinuma oupeka no moshiri koipishi kusu ne, Son no ambe ani uirup utara koipishi kusu ne na.

Iyohaichish 98:9

Shinuma anak ne ek wa moshirʼun utara koipishi, Oupeka no moshiri newa utara kane koipishi kusu ne gusu ne na.

Mattaios 24:31

Ainu Poho nukara kusu ne Orowa, rappa poro humi ashte hawe tura Shinuma anak ne koro uitekbe payere wa ine rera orowa no kando-pa wano kando-gesh wano koro numge utara uwekarapare kusu ne.

Mattaios 24:44

Tambe gusu echi utara ne yakka etokooiki wa okai yan; inambe gusu ne yakun, echi esanniyo shomoki pakihi ta Ainu Poho ek kusu ne.

Mattaios 25:1

Kando moshiri anak ne ratchako koro wa shine mat-ahupkara guru ekanok gusu paye wa niu ne hoku-sak shiwentep utara koheraye ruwe ne.

Mattaios 25:31

Koroka, Ainu Poho anak ne koro arakuru newa Kamui hauturunbe obitta tura no ek ita anak ne, nei ita Shinuma arakuru oma araset kata a kusu ne:

Mattaios 25:5

Awa, mat-ahupkara guru moire wa gusu, nei utara obitta rubotke wa mokon ruwe ne.

Mattaios 25:7

Tata otta, nei hoku-sak shiwentep utara obitta hopumba wa koro ratchako kan nisa ruwe ne.

Roukos 12:20

Koroka, nei guru otta Kamui ene itak-hi :— Haita guru, tan ukuran e kon ramat auk kusu ne; orowa, eani etokooiki okaibe, hunna korobe ne kusu ne ya? ani itak.

Roukos 12:46

orowa, ibe hemhem ki, iku hemhem ki wa ihoshki chiki, nei usshiune guru kon nishpa anak shinuma ek shomoki sekoro esanniyo toho ta, eramu an shomoki pakihi ta ek, aige, nei guru oattuye wa wen utara tura no aimekbe koropare kusu ne.

I Tessaronike 4:16

Inambe gusu ne yakun, Utarapa yaikota anak ne hawe ashte, sapane an hauturumbe koro hawe ani, Kamui rappa koro wa kando orowa no ran kusu ne: aige, Kiristo oshiketa rai utara hoshiki no hetopo-shiknu:

II Petros 3:10

Koroka, Utarapa tobo anak ne ikka guru korachi ek kusu ne; nei ita kando anak ne poro humi ashte wa isama, orowa, kando orunbe shiri seisek wa nin, orowa, toitoi hene otta okai ikip hene auhuyeka wa aisamka kusu ne na.

Ekambakbe 16:15

(Ingarʼan, ikka guru koracki Ku ek na. Ika atusa no apkash hine utara nei atusa ambe nukara kuni ne, shiure wa koro mipihi shikkashima gurʼanak ne shinnunuke an ruwe ne).