Mattaios 25:46 - Ashiri Aeuitaknup Iyohaichish Yona 1897

⁴⁶ Orowa, tan utara anak ne hembara pakno ne yakka okere shomoki apanakte i orun paye: koroka, oupeka utara anak hembara pakno ne yakka inotu ani orun ahup kusu ne na.

Mattaios 25:46 ပူးပေါင်းရင်းမြစ်များ

Mattaios 13:43

Nei ita anak ne tokap chup nupeki atte korachi oupeka utara ne yakka koro michi koro moshiri ta nupeki atte kusu ne na. Kisara koro guru, nu yan.

Mattaios 19:16

Orowa, ingarʼan, shine ainu Shinuma otta ek wa ene itak-hi :— Epakashnu guru, hembara pakno ne yakka isam shomoki inotu a en kore kuni ne, nekon a pirika ambe ku iki yak pirika ya?

Mattaios 19:29

Orowa, nen ne yakka chisei hene, ainu uiriwak hene, matne uiriwak hene, ona hene, unu hene, poho hene, toi hene, Ku rengap gusu ande chiki, ashikne hotne pakno koro, orowa, hembara pakno ne yakka shiokere shomoki inotu eikeshkoro kusu ne.

Mattaios 25:41

Nei ita anak ne ohariki samta okai utara otta ka ene itak kusu ne-hi :— Aiyoitakushi echi utara, En orowa no paye wa Nitnep newa koro hauturunbe gusu etokooiki wa an hembara pakno ne yakka ush shomoki abe otta ahup yan:

Mattaios 25:45

Tata otta Shinuma ese wa ene itak kusu ne-hi :— Tan okai utara tumuge un iyotta pon guru otta shomo echi ki nisa ruwe ne gusu, En otta echi iki shomoki nisa ruwe ne, sekoro itak.

Roukos 16:26

Samata, tan okaibe moshima, chi utara newa echi utara uturuta poro shui aatte wa an, te wano echi orun paye rusui utara paye eaikap kuni gusu, samata, toani wano un orun kush rusui utara araki eaikap kuni gusu ne na, sekoro itak.

Yoannes 17:2

Aokai anak ne Shinuma otta kore obitta no okai kam esapane kuni mondum kore korachi, nep ne yakka Shinuma orun Aokai korarape otta Shinuma ramma okere shomoki inotu kore kuni gusu ne na.

Yoannes 3:36

Poho eishokoro gurʼanak ne ramma okere shomoki inotu kon ruwe ne; koroka, Poho eishokoro shomoki gurʼanak ne inotu nukara shomoki, Kamui kinrakarape shinuma kashiketa an wa an ruwe ne na.

Yoannes 4:14

koroka, nen ne yakka Ku koropare wakka iku guru anak ne ramma pakno iku rusui shomoki; koroka, otta Ku kore wakka anak ne ramma okere shomoki inotu otta purupuruge wakka shimpui nei kusu ne na.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Yoannes 5:29

wenbe ikichi utara anak koipishi otta hetopo-shiknu kusu ne na.

Yoannes 6:27

Aisamka kusu ne aep gusu iteki monraige yan, Ainu Poho echi koropare kusu ne ramma okere shomoki inotu ari an aep echi koro gusu ki yan: Michi Kamui anak ne Shinuma otta han kotukka nisa ruwe ne gusu ne na.

Yoannes 6:40

Inambe gusu ne yakun, Ku Michi irenga anak ne tapne ne; nen ne yakka Poho nukara wa eishokoro guru anak ne ramma okere shomoki inotu koro kunip ne; orowa, okese an toho ta Kuani anak ne shinuma hetopo Ku shiknure kusu ne na.

Apostoro ikip oma kambi 13:46

Orowa, Pauros newa Barnabas anak ne rametokkon no ye wa ene itak-hi :— Iyotta hoshiki no Kamui itak echi orun anure kuni ambe anak aki kunip ne. Aige, echi utara anak ne nei ambe emaka wa otusashuishiri pakno an inotu uk kuni utara shomo echi ne sekoro esanniyo gusu, ingarʼan, Oya uirup orun chi paye ash na.

Apostoro ikip oma kambi 13:48

Orowa, Oya uirup tap ambe inu chiki, yaikopuntek, aige, Kamui itak pasere: orowa, otusashuishiri pakno an inotu gusu aatte utara anak ne eishokon nisa ruwe ne.

Apostoro ikip oma kambi 24:15

aine, teda okai utara ne yakka yaikota etere wa okai oupeka utara ne yakka oupeka-sak utara ne yakka hetopo-a-shiknure kuni ambe Kamui gusu ku chipachipa ash ruwe ne.

Roma 5:21

nei ambe anak, rai otta katpak anak ne esapane ki nisa ruwe ne a korachi, tambe nei no chikoro Utarapa ne Yesu Kiristo rengap gusu irenga anak ne aoupekarep ankushkerai otusashuishiri pakno an inotu otta esapane kuni gusu an na.

Roma 6:23

Inambe gusu ne yakun, katpak gusu an pummaha anak ne rai ambe ne ruwe ne; koroka, Kamui sange eikrap anak ne chikoro Utarapa ne Yesu Kiristo otta ramma pakno shiokere shomoki inotu ne ruwe ne gusu ne na.

Garatea 6:8

Yaikota koro kam gusu etoita gurʼanak ne kara gusu muninbe nanke kusu ne; koroka, Ramat gusu etoita gurʼanak, Ramat gusu otusashuishiri pakno an inotu nanke kusu ne na.

II Tessaronike 1:9

Shinuma anak koro ashkanne utara onnaigeta anupekte hemhem ki, orowa, nei toho ta (echi nure ash paweteshu ambe aeishokoro okere gusu) obitta no okai eishokoro okere utara orowa no aenushkari kuni gusu ek hemhem ki ita, nei utara anak ne apachigoatte kusu ne,

I Yoannes 2:25

Un gusu Shinuma eitakamkire uitaknup anak ne shiokere shomoki inotu ne ruwe ne.

Youdas 1:21

Kamui omap-i otta yaishikkashima, shiokere shomoki inotu gusu an chikoro Utarapa ne Yesu Kiristo koro rampoken etere hine, echi koro iyotta turu-sak an eiskokorope kata yaiashtere yan.

Ekambakbe 20:10

Orowa, nei utara kokandama nitne kamui anak ne nei a abe newa iwau to oshike un aeyapkiri nisa, nei ushiketa nei a chikoikip newa shunge uweingara guru ne yakka okai ruwe ne; awa, tokap to ta ne yakka, kunne to ta ne yakka ramma otusashuishiri pakno aiuninkare kusu ne na.

Ekambakbe 20:15

Orowa inan guru ne yakka nei inotu oma kambi-sosh kata reihei shomo anuye wa an sekoro anukara chiki, nei abe to orota aeyapkiri nisa ruwe ne na.

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.