Mattaios 25:34 - Ashiri Aeuitaknup Iyohaichish Yona 1897

³⁴ Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Mattaios 25:34 ပူးပေါင်းရင်းမြစ်များ

Iyohaichish 2:6

Yakka, Ku goro Ashkanne Sion nupuri kata, Ku moshiri shikkashima guru ku ashte nisa ruwe ne.

Mattaios 13:35

tambe anak, Itak-maukushte-itak gusu ku paroho ku maka kusu ne, Moshiri heashi-i wano anuina wa an orushpe Ku ye kusu ne, sekoro uweingara guru ye itak auweomare kuni gusu an ap ne ruwe ne na.

Mattaios 19:29

Orowa, nen ne yakka chisei hene, ainu uiriwak hene, matne uiriwak hene, ona hene, unu hene, poho hene, toi hene, Ku rengap gusu ande chiki, ashikne hotne pakno koro, orowa, hembara pakno ne yakka shiokere shomoki inotu eikeshkoro kusu ne.

Mattaios 20:23

Orota nei utara :— Iku ash eashkai ruwe ne ari itak. Otta Shinuma ene itak-hi :— Son no newa Ku iku itangi echi iku kusu ne: koroka, Ku shimon tek samata a hene, Ku hariki tek samata a hene anak ne Ku kore kunip shomo ne; koroka, Ku Michihi orowa no aetotooiki gusu an utara otta akore kusu ne, sekoro itak.

Mattaios 21:5

sekoro uweingara guru ani chi itakte itak auweomare kuni ne aki nisa ruwe ne na.

Mattaios 25:21

Otta kon nishpa ene itak-hi :— Pirika, ikipniukesh wa pirika usshiune guru: pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.

Mattaios 25:23

Otta kon nishpa ene itak-hi :— Pirika, ikipniukesh wa pirika usshiune guru; pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.

Mattaios 25:40

Moshiri Shikkashima guru nei utara otta ese wa ene itak kusu ne-hi :— Son no echi otta Ku ye, tan Ku iriwak ne utara tumuge un shinen otta, iyotta ponbe poka echi ki nisa ruwe ne gusu, En otta aki nisa ruwe ne na.

Mattaios 25:41

Nei ita anak ne ohariki samta okai utara otta ka ene itak kusu ne-hi :— Aiyoitakushi echi utara, En orowa no paye wa Nitnep newa koro hauturunbe gusu etokooiki wa an hembara pakno ne yakka ush shomoki abe otta ahup yan:

Mattaios 27:37

Awa, Shinuma koro sapa kashiketa :— Tambe anak ne Yudea Moshirʼun utara esapane Yesu, ne ruwe ne, ari an itak ani nuye wa ande nisa ruwe ne.

Mattaios 3:2

Echi yaikokatpak yan: kando moshiri ehange no an ruwe ne gusu ne na ani itak.

Mattaios 5:19

Tambe gusu, nen ne yakka tap iyotta pon ikashpaotte otereke, orowa, moshima okai utara nei ambe otereke kuni epakashnu gurʼanak ne, kando moshirʼotta iyotta pon guru ani aye kusu ne: koroka, nen ne yakka nei tuitak nei no ki wa nei ambe moshima guru otta epakashnu gurʼanak ne, nei guru kando moshirʼotta pase guru ne ani aye kusu ne na.

Markos 10:17

Orowa, Shinuma payekai korʼan ita, orota shine ainu hoyupu wa kotchaketa kokkaea hine ene itakhi :— Pirika epakashnu guru, kuani hembara pakno ne yakka shiokere shomoki inotu ku eikeshkoro kuni ne nekon a ku ki yak pirika ya? sekoro nu.

Markos 10:40

koroka, Ku shimon tek samata a hene, Ku hariki tek samata a hene ani an ambe anak ne Ku kore kunip shomo ne; koroka, gusu aetokooiki utara otta akore kusu ne na, sekoro itak.

Roukos 11:28

Koroka, Shinuma ene itak-hi :— Ruwe un, Kamui itak nu wa shikkashima utara anak ne, nei utara anak makangane anunuke ne ruwe ne.

Roukos 11:50

moshiri heashi wano echikiki obitta no uweingara utara koro kem,

Roukos 12:32

Pon topaha, iteki ishitoma yan; echi otta moshiri akore-i anak ne echi koro Michi pirika irenga ne ruwe ne.

Roukos 19:38

Kando oshiketa itomo an, iyotta rik un ushiketa aeoripak ambe an na, ari itak.

Yoannes 1:49

Orota Natanaeru ene ese-hi :— Rabbi, Aokai anak ne Kamui Poho E ne ruwe ne, Israeru un utara Shikkashima guru E ne ruwe ne, sekoro itak.

Yoannes 12:13

shuro chikuni ni-tek koro wa ekanok gusu paye, orowa, itak sange hawe ene okai-hi :— Hosanna: Utarapa reihei ankushkerai ek Israeru un utara Shikkashima guru airamye an na, ari itak.

Yoannes 17:24

Michi, Aokai En kore utara anak ne Ku an ushiketa nei utara ne yakka En tura no okai kuni Ku kon rusui; nei utara anak ne Aokai En kore arakuru nukara kuni gusu ne na: Aokai anak ne moshiri heashi etokota En omap nisa ruwe ne gusu ne na.

Yoannes 19:15

Tambe gusu, nei utara hawe ashte wa ene itak-hi :— Oyake un omande, oyake un omande, Utasa chikuni otta kungi kokikkik yan, sekoro itak. Orota Pirato ene itak-hi :— Echi koro Moshiri shikkashima guru utasa chikuni otta akokikkikte kusu ne ya? ani itak. Nei Kamui kora kenru esapane utara ene ese-hi :— Kaisaros moshima un otta Moshiri shikkashima guru isam ruwe ne, ani itak.

Apostoro ikip oma kambi 15:18

Sekoro, moshiri heashi wano tap okaibe eramande Utarapa ye ruwe ne.

Apostoro ikip oma kambi 3:26

Kamui anak ne koro Poho hetopo-shiknure wa echi utara pishno koro wen-buri wano shiknure an ambe ani echi nunuke kuni ne, hoshiki no echi orota Shinuma omande nisa ruwe ne na.

Roma 8:17

eikeshkoro kuni utara ne; Kamui eikeshkoro utara ne, Kiristo tura eikeshkoro kuni utara ne ruwe ne; chi utara Shinuma tura yairamshitnere yakne Shinuma tura anupekte kusu ne ruwe ne.

I Korintos 15:50

Iriwak utara, tambe ku ye :— Kam newa kem anak ne Kamui moshiri eikeshkoro eaikap ruwe ne; samata, munin kunip anak ne shomo muninbe eikeshkoro shomoki ruwe ne.

I Korintos 2:9

koroka, chieshinnuye wa an korachi, Shikihi shomo nukara, kisaraha shomo nu, Ainu keutum ta shomo ahunbe anak, I-omap utara gusu nep ne yakka Kamui etokooiki okaibe ne.

I Korintos 6:9

Samata, oupeka sak utara Kamui moshiri shomo eikeshkoro kusu ne ambe echi erampeutek ruwe he an? Iteki yaikokandama yan: hoiyo utara hene, potoki ko-ongami utara hene, omoinu ikichi utara hene, kuroma buri ki utara hene, okkai turu wen-buri iki utara hene,

Garatea 5:21

iku-sakayo hene, nei no okaibe anak kam gusu iki ikip ne ruwe ne: tap okaibe gusu etokota echi nure ash korachi, irammakaka echi nure na, nei okaibe iki utara anak ne Kamui moshiri eikeshkore shomoki kusu ne na.

Epesos 5:5

Echi utara pirika no tambe uonnere na, hoiyo ki guru hene, ichakkere guru hene, yaikoshipuinere ki guru hene, potoki ko-ongami guru hene, Kiristo newa Kamui moshiri oara eikeshkoro shomoki ruwe ne gusu ne na.

I Tessaronike 2:12

yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

II Timoteos 2:12

yaishiporore yakun, Shinuma tura no epungine kusu ne; Shinuma eshikashke ash yakun, Shinuma un eshikashke ne yakka ki kusu ne:

II Timoteos 4:8

oupeka no koipishi ki Utarapa nei toho ta nei ambe en kore kusu ne: orowa, en otta patek shomo ne, koroka, Shinuma ek kuni ambe omap obitta no okai utara, otta ne yakka akore kusu ne ruwe ne.

Hebraios 1:14

Nei okaibe anak ne kashichiobiuki ambe eikeshkoro kushki utara rengap gusu auitek kuni ne aomande yaishieiwangere ramat shomo ne ruwe he an?

Hebraios 11:16

Koroka, tane nei utara anak ne naa pirikap, kando ne an ap kon rusui: tambe gusu, koro Kamui ne aporose kuni ambe, Kamui nei utara gusu shomo eyainikoroshma shiriki: nei utara gusu Shinuma anak ne shine machiya kan nisa ruwe ne gusu ne na.

Hebraios 4:3

Eishokoro okere utara anak ne nei shini-i otta ahup ruwe ne; shinuma ye korachi poka ne, Nei utara ku shini-i otta ahup shomoki kusu ne, Sekoro, Ku irushka wa shiyuppa no Ku ye nisa ruwe ne: moshiri asamaha aande paki wano nei iki ikip aokerepa yakka ne.

Hebraios 9:26

Shinuma kanna-kanna yaiyange shomoki ruwe ne; shomo ne yakun, moshiri akara wano tane pakno Shinuma kanna-kanna ayairamshitnere nangoro: koroka, tane moshiri paha okese an paha ta Shinuma yaikota yaiyange wa kat-pak isamka kuni ne arashui no anukan nisa ruwe ne na.

Yakob 2:5

Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

I Petros 1:9

gusu echi eishokoro ki ambe, echi kon ramat kashiaobiuki ambe echi kon ruwe ne na.

I Petros 3:9

yaieoripakka wa okai yan: wenbe gusu iteki wenbe hekiru, akowenpashuipa gusu iteki kowenpashuipa ambe hekiru, koroka, makangane nunuke yan; inambe gusu ne yakun, nunuke ambe echi eikeshkore kuni gusu echi anishuk nisa ruwe ne gusu ne na.

Ekambakbe 13:8

Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

Ekambakbe 17:8

E nukara chikoikip anak ne an nisa, aine, isam; awa, tane asamasak ushike wa oashin hine aisamka kuni ushike orun arapa kuni etokooiki korʼan ruwe ne. Orowa, moshiri kata oshiroma wa, moshiri asamaha aande i orowa no inotu oma kambi-sosh kata kon reihei shomo chieshinnuye wa okai utara anak ne nei chikoikip an nisa ambe, isam ambe, an kusu ne ambe nukara chiki iyokunnure kusu ne.

Ekambakbe 19:16

Koro mipihi newa koro om kata shine reihei chieshinnuye wa an, — moshiri shikkashima utara koro shikkashima guru, utarapa utara koro Utarapa, ne ruwe ne.

Ekambakbe 21:7

Annokara iki guru anak ne tap okaibe eikeshkoro kusu ne; orowa, Kuani anak ne nei guru koro Kamui Ku ne, aige, nei guru anak ne Ku poho ne kusu ne na.

Ekambakbe 5:10

moshiri uirup wano hemhem, E koro kemihi ani Kamui gusu utara hok nisa ruwe ne, aige, nei utara ani chikoro Kamui gusu Kamui otta yaishieiwangere utara ne kara; aine, nei utara anak ne moshiri kata epungine kusu ne gusu ne na Orowa,