Mattaios 25:31 - Ashiri Aeuitaknup Iyohaichish Yona 1897

³¹ Koroka, Ainu Poho anak ne koro arakuru newa Kamui hauturunbe obitta tura no ek ita anak ne, nei ita Shinuma arakuru oma araset kata a kusu ne:

Mattaios 25:31 ပူးပေါင်းရင်းမြစ်များ

Iyohaichish 9:7

Koroka, Ehoba anak ne otusashuishiri pakno ne yakka an: Esanniyo gusu koro amset etokooiki nisa ruwe ne na.

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Mattaios 19:28

Nei utara otta Yesu ene itak-hi :— Son no echi otta Ku ye, En osh araki utara echi utara anak ne ashino hekatu ita, Ainu Poho nupeki araset kata a kusu ne ita, echi utara ne yakka tup ikashima wan araset kashiketa rok wa Israeru un tup ikashima wan ikiri ne okai utara koipishi kusu ne.

Mattaios 25:6

Aige, an noshike pakita, ingarʼan mat-ahupkara guru ek an na, hetak, hopumba wa ekanok gusu soyumba wa araki yan, ari an hawe anu ruwe ne.

Mattaios 26:64

Orota Yesu ene itak-hi :— E ye okere ruwe ne: yakka e otta Ku ye, tap imakake Ainu Poho mondum koro shimon-tek samta a hine kando nishkuru kashiketa an wa ek shiri e nukara kusu ne ruwe ne, sekoro itak.

Markos 14:62

Orota Yesu ene itak-hi :— Ruwe ne wa; orowa, Ainu Poho kiroro shimon tek samata a hine kando nishkuru koro wa ek shiri echi nukara kusu ne na, ari itak.

Markos 8:38

Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.

Roukos 22:69

Koroka, tewa no, Ainu Poho anak ne Kamui kiroro un shimon tek samata a kusu ne na, sekoro itak.

Roukos 9:26

Koroka, Kuani newa Ku ye itak eyainikoroshina guru an chiki, Ainu Poho yaikota newa koro Michi newa Ashkanne hauturumbe newa koro nupeki otta ek ita anak ne Ainu Poho ne yakka nei guru eyainikoroshma kusu ne.

Yoannes 1:51

Orowa, shui, orota Shinuma ene itak-hi :— Son no, son no e otta Ku ye, kando sara wa Kamui hauturumbe Ainu Poho kashi ran hemhem ki rikin hemhem ki-hi e nukara kusu ne, ari itak.

Apostoro ikip oma kambi 1:11

Gariraya un echi utara, nep gusu echi roshki kane kando orun ingan ruwe he an? echi orowa no kando otta auk tan Yesu kando orun oman ambe echi nukara okere korachi, nei no Shinuma ek kusu ne na, sekoro itak.

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

I Tessaronike 4:16

Inambe gusu ne yakun, Utarapa yaikota anak ne hawe ashte, sapane an hauturumbe koro hawe ani, Kamui rappa koro wa kando orowa no ran kusu ne: aige, Kiristo oshiketa rai utara hoshiki no hetopo-shiknu:

Hebraios 1:8

Koroka poho gusu; — Aa Kamui, E koro amset auak ne otusashuishiri wano otusashuishiri pakno an ambe ne; Aokai esapane kuni mondum anak ne oupeka mondum ne ruwe ne. Aokai anak ne oupekap omap wa wenbe etunne nisa ruwe ne;

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

Youdas 1:14

Tan utara gusu, Adam orowa no arawan ikinne an ainu ne Enok anak ne uweingara ki wa ene itakhi:— Ingara yan, Utarapa anak ne koro turu-sak inne topaha tura wa ek hine,

Ekambakbe 1:7

Ingarʼan, Shinuma nishkuru ani ek shiri ki obitta no okai shikihi pishno Shinuma nukara, Shinuma otke utara Shinuma nukara kusu ne; orowa, obitta no okai moshiri uirup Shinuma gusu rayaise kusu ne na. Ruwe un, Amen.

Ekambakbe 20:11

Orowa, poro retara amset, samata, nei kashiketa rokbe ku nukara, awa, Shinuma koro nanuhu wano toitoi newa kando newa kira nisa ruwe ne, aige, okai kuni ushike shomo anukan ruwe ne na.

Ekambakbe 3:21

Annokara iki guru anak ne en tura no Ku amset kata rok kuni Ku kore kusu ne, Kuani ne yakka annokara iki wa Ku goro Michi tura no Shinuma koro amset kata Ku rok korachi ruwe ne.