Mattaios 25:12 - Ashiri Aeuitaknup Iyohaichish Yona 1897

¹² Koroka, nei utara otta shinuma ese wa ene itak-hi :— Son no echi otta ku ye;

Mattaios 25:12 ပူးပေါင်းရင်းမြစ်များ

Iyohaichish 1:6

Ehoba anak oupeka utara kon ruhu eamkiri; Koroka, wen utara kon ruhu aisamka kusu ne gusu ne na.

Iyohaichish 5:5

Wayasap utara anak ne E shik-samata yairoshkire eaikap: Aokai obitta no okai irarape iki utara etunne ruwe ne na.

Mattaios 25:11

Okaketa moshima okai wayasap utara ne yakka araki wa ene itak-hi :— Utarapa, Utarapa, chi utara gusu apa maka wa un kore, ari itak.

Mattaios 25:13

echi eramushkare ash na, ari itak. Tambe gusu shiruwande yan; inambe gusu ne yakun, tobo ne yakka pakihi ne yakka echi erampeutek ruwe ne gusu ne na.

Roukos 13:25

Orowa no, chisei kon nishpa hopuni wa apa-ushta ashi okere chiki, aine, echi utara anak ne soita roshki heashi wa apa-ushta shirikik wa ene itak-hi :— Utarapa, un otta apa sarare wa un kore, ani echi ye ita; nei ita Shinuma echi otta ese wa ene itak kusu ne-hi :— Echi utara anak nen ne ruwe? Nei wano echi araki ya Ku erampeutek, ari ye;

Yoannes 10:27

Ku koro hitsuji anak ne Ku hawe nu, samata, Kuani anak ne nei ambe eamkiri, nei ambe anak En eamkiri wa En osh araki:

Yoannes 9:31

Kamui anak ne katpak koro guru shomo nu sekorʼambe chi eramʼan: koroka, nen ne yakka Kamui kooripak, Shinuma korʼirenga ki guru an yak anak ne, Kamui nei guru nu ruwe ne.

I Korintos 8:3

koroka nenka Kamui ko-omap chiki, Shinuma orowa no aeamkire ruwe ne.

Garatea 4:9

koroka, tane Kamui echi eamkiri, tane Kamui orowa no echi aeamkiri an hine, hemanda gusu, otta kanna-shui ausshiunere rusui katchak aepange an isaika ambe otta koshikiru ya?

II Timoteos 2:19

Yakka. Kamui koro nishuwamne asamaha aatte wa an, aige, tan han aomare an na; — Utarapa anak ne yaikota koro utara eraman; orowa, Utarapa reihei ye obitta no okai utara oupeka-sakbe orowa no shikiru yan.