Mattaios 24:24 - Ashiri Aeuitaknup Iyohaichish Yona 1897

²⁴ Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Mattaios 24:24 ပူးပေါင်းရင်းမြစ်များ

Mattaios 22:14

teke echi tupetupe wa soita an kunne-i otta eyapkiri yan; nei ita chish hemhem niyorokara hemhem an kusu ne. Inne utara ahotuyepakara wa okai, koroka, anumge utara moyo ruwe ne gusu ne na.

Mattaios 24:11

Orowa, inne shunge uweingara utara hopuni wa poron no okai utara ru turainure kusu ne.

Mattaios 24:22

Orowa, nei toho ataknere shomoki chiki anak ne, nen ne yakka shomo kashi a-obiuki ruwe ne a an na: koroka, anumge wa okai utara gusu nei toho ataknere kusu ne.

Mattaios 24:25

Ingarʼan, etoko wano tap echi nure ash na. Tambe gusu, shinuma anak ne nupuri kata an sekoro nei utara echi otta ye chiki:

Mattaios 24:31

Ainu Poho nukara kusu ne Orowa, rappa poro humi ashte hawe tura Shinuma anak ne koro uitekbe payere wa ine rera orowa no kando-pa wano kando-gesh wano koro numge utara uwekarapare kusu ne.

Mattaios 24:5

Inambe gusu ne yakun, inne utara Ku reihei ye hine araki wa :— Kuani anak ne Kiristo ku ne, ari itak, aine, inne utara ru turainure kusu ne.

Mattaios 7:15

Shunge uweingara utara yaitubare yan; nei utara hitsuji rush yaimire wa araki, koroka, keutum anak niwen horokeu korachi ne ruwe ne.

Markos 13:22

inambe gusu ne yakun, shunge Kiristo shunge uweingara utara hetuku wa eashkai chiki anumge utara shiren wa turainure kuni gusu shirosh newa iyokunnurep nukare kusu ne na.

Roukos 18:7

Orowa, tokapto ta hene kunne to ta hene orota ko-hawe ashte koro anumge wa okai utara gusu Kamui anak ne otta eramushiporore wa ikemnu kara shomoki ya?

Yoannes 4:48

Tambe gusu, nei guru otta Yesu ene itak-hi:— Echi utara anak ne shirosh hemhem, iyokunnurep hemhem, nukara shomoki yak anak ne oara echi eishokoro shomoki ruwe ne.

Yoannes 6:37

Nep ne yakka Michi En korep anak ne obitta En otta araki kusu ne ruwe ne; orowa, En orun ek guru anak ne oara Ku emaka shomoki kusu ne.

Yoannes 6:39

Orowa, En omandep koro irenga anak ne tapne ne ruwe ne; nep ne yakka Shinuma En koroparep otta shinep ka aturainu shomoki no, okese an toho ta nei ambe Ku hetopo-shiknure kuni ambe ne ruwe ne.

Apostoro ikip oma kambi 20:16

Pauros anak ne Asia moshiri ta reushi kuni ramu gusu Epesos kotan samake peka atuitomotuye kuni esanniyo nisa ruwe ne; inambe gusu ne yakun, shinuma eashkai chiki, Pentecoste toho ta Yerusarem kotan ta an kuni yaitunashka shiriki okai nisa ruwe ne gusu ne na.

Roma 12:18

Aeashkai chiki, ramuosshi pakno, obitta no okai utara gusu itomo irenga koro yan.

Garatea 4:15

Yakun, echi gusu an shinnunuke ambe neita an ruwe he an? Inambe gusu ne yakun, tap ku paweteshu ku ki-hi, echi eashkai chiki, echi utara anak ne yaikota koro shikihi oashinge wa en kore kusu ne na.

II Timoteos 2:19

Yakka. Kamui koro nishuwamne asamaha aatte wa an, aige, tan han aomare an na; — Utarapa anak ne yaikota koro utara eraman; orowa, Utarapa reihei ye obitta no okai utara oupeka-sakbe orowa no shikiru yan.

I Petros 1:5

chikoro Utarapa ne Yesu Kiristo koro Michi newa Kamui anak ne airamye an na.

II Petros 3:17

Tambe gusu, aomap an utara, echi utara anak ne etoko wano eraman gusu, ikineipeka, katpak koro utara koro ohaitap ani aekira wa, yaikota koro utumashi shomoki ambe iteki autumashire kuni ne yaitubare yan.

I Yoannes 2:18

Nokair utara, tane anak keseke an pakihi ne: orowa, anti-kiristo ek kusu ne sekoro echi nu nisa, tane poka inne no okai anti-kiristo hetukba wa okai; tambe gusu, tane anak keseke an pakihi ne ari an ambe chi eraman ruwe ne.

I Yoannes 2:22

Shunge guru nen ne ruwe? Yesu anak ne Kiristo ne sekorʼambe eshikashke guru shomo ne ya? Michi newa poho kane eshikashke gurʼanak ne, shinuma anak anti-Kiristo ne ruwe ne.

I Yoannes 5:18

Nen ne yakka Kamui orowa no hekatu gurʼanak ne katpak shomo ki ruwe ne sekoro chi eraman; koroka, Kamui orowa no hekaturep anak ne Shinuma shikkashima, orowa, wenbe anak ne shomo shinuma tomooshma ruwe ne.

Ekambakbe 19:20

Orowa, nei a chikoikip akishima, samata, ani nei chikoikip koro shirosh aomare utara newa shinuma koro nokaha koongami utara kokandama shinuma shik-samata shirosh iki shunge uweingara guru nei chikoikip tura no akishima nisa ruwe ne: tan tun anak ne shiknu wa an wa iwau ani paraparase abe oma to orun aeyapkiri nisa ruwe ne: