Mattaios 24:14 - Ashiri Aeuitaknup Iyohaichish Yona 1897

¹⁴ Orowa, obitta no okai uirup utara orota an paweteshu ne gusu, ingi-nroshiri ta tan moshiri gusu an pirika orushpe aeupaskuma kusu ne; orowa, shiokere ambe anak ne ek tusu ne na.

Mattaios 24:14 ပူးပေါင်းရင်းမြစ်များ

Mattaios 10:7

Orowa, echi paye, aige upaskuma ki wa — Kando moshiri ehange no an ruwe ne, — ari an itak ari itak yan.

Mattaios 18:19

Shui, echi otta Ku ye, nep ne yakka echi ikoramkorobe gusu echi tun ne wa ukoramkoro eramushinne chiki, kando otta an Ku Michi anak ne nei no ki kusu ne.

Mattaios 24:3

Orowa, Shinuma Kanran-ush nupuri kata a wa an rapoketa, koikara utara arorokishne no orota araki wa ene itak-hi :— Tan okaibe hembara ta hetuku ya? orowa, E ek kuni shirosh hemhem, moshiri shiokere kuni gusu an shirosh hemhem, nekon a an shirosh ne ya? un nure wa un kore, ari itak.

Mattaios 24:6

Orowa, tumi-koro orushpe hene tumi pahau hene echi nu kusu ne: iteki kimatek no okai yan: inambe gusu ne yakun, tap okaibe anak ne hetuku gusu ne ap ruwe ne: koroka, shiokere-hi anak ne naa shomo ruwe ne.

Mattaios 4:23

Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na.

Mattaios 9:35

Orowa, Yesu shiri ebitta machiya hene kotan hene okari oman wa uwekarapa chisei ta epakashnu, aige, moshiri gusu an pirika orushpe eupaskuma, samata, usa okai tashum ne yakka usa okai shiyeye ne yakka iwangere nisa ruwe ne.

Markos 13:10

Orowa, ingi moshirʼun uirup otta Pirika shongo hoshiki no aeupaskuma kusu ne na.

Roukos 2:1

Orowa no, nei toho pakihi ta anak ne ingi-moshirʼun

Roukos 24:47

samata, yaikokatpakbe hene, katpak tusare-i hene Shinuma ton reihei gusu Yerusarem kotan ta heashire wa obitta no okai moshiri uirup otta aeupaskuma kusu ne na.

Roukos 4:5

Orowa Shinuma tura wa hemesu hine arʼekushkonna-heta ingi-moshirʼun ebitta no okai

Apostoro ikip oma kambi 1:2

Shinuma arikinde toho pakno kara hemhem ki epakashnu hemhem ki heashire obitta no okaibe gusu ku nuye nisa ruwe ne:

Apostoro ikip oma kambi 11:28

Awa, nei utara tumuge an Agabos ari an reihei koro shine ainu anak ne ash wa ingimoshirʼebitta poro kemush iki kusu ne sekoro Ramat ani nure nisa ruwe ne: nei keman anak ne Kuraudios an ita auweomare nisa ruwe ne.

Apostoro ikip oma kambi 17:31

Shinuma anak esanniyo okere ainu ani oupeka no ingi moshiri uirup koipishi kuni toho atte nisa ruwe ne gusu ne na; aige, Shinuma anak ne nei guru rai i orowa no hetopo-shiknure-hi ani an ambe ani obitta no okai utara gusu nei arabe sonnere nisa ruwe ne na.

Apostoro ikip oma kambi 17:6

Orowa, shomo anukara chiki, machiya esapane utara kotpoke orun Yason newa okai iriwak utara nimba wa araki hine ene hawe ashte-hi :— Moshiri uirup kuttoko nere utara teda ne yakka araki wa okai;

Apostoro ikip oma kambi 19:27

orowa, chikoro moni awende ehange patek shomo ne; koroka, Asia newa ingi moshiri uirup ko-ongami nei pase matne kamui Artimis kora kenru ne yakka apange, samata, shinuma koro arakuru aisamka kuni ayaikikip no an ruwe ne na, sekoro itak.

Apostoro ikip oma kambi 20:25

Orowa, tane ingarʼan, tumuge un ku apkash wa nei moshiri eupaskuma obitta no okai echi utara anak ne tewa no poka ku na-nuhu shomo echi nukara kusu ne sekoro ku eraman.

Roma 10:18

Koroka, ku ye; nei utara shomo nu nisa ruwe he an? Ruwe un, son no poka, Nei utara ki hawe moshirʼebitta orota aun, Koro itak moshiripa pakno moshirigesh pakno oman nisa ruwe ne na.

Korosai 1:23

echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

Korosai 1:6

nei ambe poka moshirʼebitta ta okai wa ibehe hetukure hine shipiraspa, aige, nei arabe echi nu wa son no ka un Kamui irenga echi eraman toho wano echi otta ne yakka korachi ne;

Hebraios 1:6

Orowa shui, moshiri otta kiyanuepo ahunge chiki, ene itak-hi :— Obitta no okai Kamui uitekbe Shinuma koongamirero.

Hebraios 2:5

Inambe gusu ne yakun, gusu aye ek kushki moshiri Shinuma anak ne hauturumbe otta itaknure shomoki nisa ruwe ne. Koroka,

Ekambakbe 14:6

Orowa, otusashuishiri pakno an pirika shongo koro hine moshiri kata oshiroma utara otta, obitta no okai moshiri uirup otta hemhem, ainu ikiri otta hemhem, parumbe otta hemhem, utara otta hemhem eupaskuma kuni gusu an kando tumugeta hopumba naa shine hauturumbe ku nukara; awa, shinuma anak ne poro hawe ani ene itak-hi :—

Ekambakbe 16:14

nei utara anak ne shirosh iki nitnep kon ramat ruwe ne gusu ne na; aige, nep ne yakka ki eashkai Kamui koro poro toho ta an kusu ne tumi gusu auwekarapare kuni ne, ingi-moshirʼun shikkashima utara kata paye utara ne ruwe ne.

Ekambakbe 3:10

Eani anak ne Ku yaiyupupu oma itak shikkashima nisa ruwe ne gusu, nei shiruwande kuni gusu an ek kushki pakihi orowa no, moshiri kata oshiroma utara shiruwande kuni ne, ingi-moshirʼun utara kata ek kushki pakihi orowa no e shishire ash kusu ne na.