Mattaios 22:16 - Ashiri Aeuitaknup Iyohaichish Yona 1897

¹⁶ Awa, shinuma utara koro koikara utara Herodian un utara tura Shinuma otta payere wa ene itakte-hi :— Epakashnu guru, Aokai an at ne sone an guru ne ruwe ne, orowa, son no Kamui ruhu epakashnu wa nen ne yakka koishitoma shomoki ruwe ne; ainu E esanniyo shomoki ruwe ne gusu ne na.

Mattaios 22:16 ပူးပေါင်းရင်းမြစ်များ

Iyohaichish 12:2

Aun utara tura ohap uwepekere: Chiinrarakka patoi newa tu keutum o wa itak ruwe ne.

Iyohaichish 5:9

Nei utara koro paroho otta sonep isama; Koro onnaige oara wen ruwe ne: Rekuchi anak ne makke tushiri ne; Parumbe ani panore ki ruwe ne gusu ne na.

Iyohaichish 55:21

Koro paroho anak ne kiripu korachi teshnatara ruwe ne, Koroka, keutum ta tumi an: Koro itak anak ne shum kasu no hapuru ruwe ne, Yakka, aetaye an rangetam nepkoro ne ruwe ne na.

Mattaios 22:24

Epakashnu guru, po sak no ainu rai chiki koro iriwak nei machihi ahupkara wa iriwak otta kese kore kuni po hetukure yan, ari Mose itak nisa ruwe ne.

Mattaios 22:26

tutanu an ainu ne yakka nei no iki, naa otutanu an ainu hemhem arawan uotutanu an ainu pakno hemhem nei no iki nisa ruwe ne.

Mattaios 26:18

Shinuma ene itak-hi :— Machiya orun paye wa nei an guru otta ene ye yan :— Epakashnu guru ene itak-hi :— Ku pakihi ehange no an; Kuani Ku koikara utara tura e kotʼchisei ta Kama-kush marapto Ku iki kusu ne, ari an itak ani ye yan.

Mattaios 26:49

Orowa, nani nei guru Yesu otta ek wa ene itak-hi :— Rabbi he, irangarapte; orowa, Shinuma chopchopsekan nisa ruwe ne.

Markos 10:17

Orowa, Shinuma payekai korʼan ita, orota shine ainu hoyupu wa kotchaketa kokkaea hine ene itakhi :— Pirika epakashnu guru, kuani hembara pakno ne yakka shiokere shomoki inotu ku eikeshkoro kuni ne nekon a ku ki yak pirika ya? sekoro nu.

Markos 12:13

Orowa no, Shinuma oitaksakte kuni ne utara anak ne Parisee un utara newa Herodian un utara Shinuma orota payere nisa ruwe ne.

Markos 12:14

Awa, orota araki chiki Shinuma otta ene itak-hi :— Epakashnu guru, Aokai anak ne sone an gunʼne, nen ne yakka E ko-ishitoma shomoki ruwe ne shiri chi eramʼan: ainu katuhu Aokai esanniyo shomoki no son no newa Kamui ru epakashnu ruwe ne gusu ne na: Kaisaros otta yakuichen koropare-ambe anak ne kashpaotte nei no an ambe ne ya, shomo ya?

Markos 3:6

Awa, Parisee un utara soyumba wa, nani nekon a iki wa Shinuma isamka eashkai ya, sekoro Herod un utara tura eukoramkon nisa ruwe ne.

Markos 8:15

Awa, Shinuma nei utara kashpaotte wa ene itak-hi :— Ingarʼan, Parisee un utara koro pan-dane hene Herod koro pan-dane hene yaitubare yan.

Roukos 20:21

Orowa, nei utara Shinuma otta nu wa ene itak-hi :— Epakashnu guru, Aokai anak ne oupeka no ye hemhem ki, epakashnu hemhem ki, orowa, ainu esanniyo shomoki, koroka, oheuge sak no Kamui ruhu epakashnu, ruwe ne,

Roukos 7:40

Orota Yesu ese wa ene itak-hi :— Simon, e otta nepka Ku yep an. Epakashnu guru, ye wa en kore, ani shinuma itak ruwe ne.

Yoannes 14:6

Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Yoannes 18:37

Tambe gusu, orota Pirato ene itak-hi :— Yakun, Eani anak ne Moshiri shikkashima guru E ne ruwe he an? Yesu ene ese-hi :— Moshiri shikkashima guru Ku ne ani e ye ruwe ne. Tambe gusu A en shikore ruwe ne, tambe gusu moshirʼotta Ku ek ruwe ne, sonep gusu paweteshu Ku ki kuni gusu ne na. Nen ne yakka sonep orowa no an guru auak ne Ku hawe nu ruwe ne, ari itak.

Yoannes 7:18

Yaikota orowa no itak sange guru anak ne yaikota airamyere kuni gusu hunara ruwe ne: koroka, yaikota omande guru ramu-a-yere kuni gusu hunara guru anak ne, nei guru anak son no ambe ne, Shinuma oshiketa oupeka sak-i isam ruwe ne.

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

II Korintos 4:2

koroka, anuina wa okai gusu yainikoroshma kuni ambe chi emaka wa, irarabe gusu apkash shomoki, samata, Kamui itak shunge no eiwange shomoki ruwe ne; koroka, sonep nukare gusu Kamui tek-samata obitta no okai utara koro keutum otta yaikota yaiashte ruwe ne.

II Korintos 5:16

Tambe gusu, tewa no poka, chi utara anak ne kam gusu an ainu eamkiri shomoki: aige, kam gusu an Kiristo chi eamkiri nisa a yakka, tane anak ne nei no chi eamkiri shomoki ruwe ne gusu ne na.

Garatea 1:10

Tane kuani anak ne utara onishnishi ruwe he an? Kamui onishnishi ruwe he an? Shui, utara nupetnere kuni ambe ku hunara ya? Tane poka utara nupetnere ku ki chiki, Kamui usshiune guru shomo ku ne ruwe ne na.

Garatea 2:6

Koroka, pase ne aesanniyo utara orowa (nei utara anak nekon a ambe ne a yakka, en gusu isam korachi ne: Kamui anak ainu ne nep koro shomo uk ruwe ne); nei pase ne aesanniyo utara anak nep ne yakka en kore shomoki ruwe ne,

I Tessaronike 2:4

koroka, pirika shongo a un shikkashimare kuni pakno an utara chi ne kunak Kamui anak esanniyo korachi; tambe nei no chi ye ruwe ne; utara nupetnere kuni korachi shomo ne, koroka chikoro sambe uwande wa ingara Kamui nupetnere kuni gusu itak ruwe ne.

Yakob 3:17

newa obitta no okai wen-buri an gusu ne na. Koroka, rik orowa no an wayashnu-i anak ne hoshiki no turusakbe ne, orowa, itomo irenga korobe ne, rotcha ne, yairotchare kasush ne ambe ne, rampoken newa pirika ikip ani aeshik, utomotne shomoki, kankapkapeka shomoki ruwe ne.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.