Mattaios 20:24 - Ashiri Aeuitaknup Iyohaichish Yona 1897

²⁴ Orowa, wa niu ne koikara utara tap ambe nu chiki nei tu uiriwak utara koirushka ruwe ne.

Mattaios 20:24 ပူးပေါင်းရင်းမြစ်များ

Mattaios 20:23

Orota nei utara :— Iku ash eashkai ruwe ne ari itak. Otta Shinuma ene itak-hi :— Son no newa Ku iku itangi echi iku kusu ne: koroka, Ku shimon tek samata a hene, Ku hariki tek samata a hene anak ne Ku kore kunip shomo ne; koroka, Ku Michihi orowa no aetotooiki gusu an utara otta akore kusu ne, sekoro itak.

Mattaios 20:25

Koroka, Yesu nei utara shihekote hotuyekara wa ene itak-hi :— Oya utara esapane utara anak ne shiram-niukesh yara wa epungine, orowa, nei pase utara ishioushi ko-ki ruwe ne.

Markos 10:14

koikara utara kopao nisa ruwe ne. Koroka, Yesu nei ambe nukara chiki irushka hine orota ene itak-hi :— Nokan utara En otta araki kuni ambe ramuoshma; iteki hattoki yan: Kamui moshirʼumbe anak ne nei no okaibe ne ruwe ne gusu ne na.

Markos 10:41

Orowa, nei wa niu nei itak nu chiki Yakob newa Yoannes ko-irushka heashi nisa ruwe ne.

Roukos 13:14

Orowa, Yesu anak ne Shini toho ta iwangere ki gusu Uwekarapa chisei esapane guru irushka wa inne utara otta ene itak-hi :— Otta utara monraige kuni to-ho iwan toho okai: tambe gusu, nei toho ta echi araki wa aiwangere yan, iteki Shini toho ta araki yan, ari itak.

I Korintos 13:4

Omap ambe anak ne ramushiporore wa ramuhaugep ne; omap ambe anak ne shomo eyaitunnap ki; omap ambe anak ne shomo shiokunnere,

Piripoi 2:3

nep ne yakka echi ki ita anak ne sakayo newa yaiomonnure gusu iteki ki yan, koroka, keutum yaieoripakka wa moshima okai utara anak ne yaikota kasu no pirikap ne sekoro pishno pishno esanniyo yan;

Yakob 3:14

Koroka, keutum ta ikoitupa shiuninbe newa sakayo kane echi koro chiki, iteki yaiomonnure, iteki sonep gusu shunge ki yan.

I Petros 5:5

Samata, echi okai upeure utara, ekashi otta koitaknu yan. Ruwe un, echi utara obitta uweutashpa ukoyaishieiwangere gusu oripak ambe ani yai koshaye wa okai yan: inambe gusu ne yakun, Kamui anak ne shiokunnure utara eshishi, koroka, oripak an utara otta irenga sange wa koropare ruwe ne gusu ne na.