Mattaios 20:14 - Ashiri Aeuitaknup Iyohaichish Yona 1897

¹⁴ E korobe uk wa oman; e kore ash pakno tan iyoshi no araki utara otta ne yakka ku kore-hi anak ne ku keutura ne ruwe ne.

Mattaios 20:14 ပူးပေါင်းရင်းမြစ်များ

Mattaios 20:13

Koroka, chisei-koro guru ese wa nei utara shinen otta ene itak-hi :— Ainu, eani gusu wenbe shomo ku ki: shine denaria gusu en tura ukoramkoro shomoki ya?

Mattaios 20:15

Kuani anak ne yaikota korobe ani rengaine ku ki yakun wen ya? Kuani pirika ne ruwe ne gusu e shikihi wen ya?

Mattaios 6:16

Shui, shomo ramnu echi ki rapoketa kankapkapeka utara nei no iteki ok iporo oma yan, nei utara anak ne shomo ramnu ki sekoro moshima guru orowa no anukara kuni gusu yaiiporosakka ruwe ne. Son no echi otta Ku ye, nei utara anak ne pummaha koro okere ruwe ne.

Mattaios 6:2

Tambe gusu eungeraitep kore chiki, anun utara otta ramuaye kuni gusu kankapkapeka utara nei no uwekari chisei ta hene machiya otta bene iteki echi kotchaketa rappa arektere yan. Son no echi otta Ku ye, shinuma utara anak ne pummaha koro okere ruwe ne.

Mattaios 6:6

Koroka, eani anak ne inonno-itak ki chiki, koro tumbu ta ahun, orowa, apa-ushta ashi chiki nuina no e koro Michi otta inonno-itak ki yan, yakun nuina otta nukara e koro Michi anak pummaha e kore kusu ne na.

Roukos 15:31

Orota shinuma ene itak-hi :— Ku poho, eani anak ne ramma en tura no an, orowa, nep ku korobe ne yakka obitta e korobe ne ruwe ne.

Roukos 16:25

Koroka, Abraham ene itak-hi :— poho, eani kanna moshiri ta e an rapoketa e koro pirika okaibe e kon nisa ruwe ne, orowa, Razaros anak ne nei no korachi wen okaibe kon nisa ruwe ne-hi eshkarun yan: koroka, tane anak shinuma teda an wa aomaoma wa an, eani anak ne aiuninka wa an na.

Yoannes 17:2

Aokai anak ne Shinuma otta kore obitta no okai kam esapane kuni mondum kore korachi, nep ne yakka Shinuma orun Aokai korarape otta Shinuma ramma okere shomoki inotu kore kuni gusu ne na.

Roma 3:19

Nep ne yakka tuitak ye okaibe anak ne nei tuitak choropoketa okai utara otta ye ruwe ne sekoro chi eraman; tambe anak ne obitta no okai utara koro paroho aseshke hine moshirʼebitta Kamui orowa no akoipishi kusu ne a ambe ne:

Roma 3:4

Ara shomo: ruwe un, Kamui anak ne sonep ne a koroka, obitta no okai ainu pishno shungep ne sekoro aesanniyore yan; ene chieshinnuye wa an korachi ne :— Aokai anak ne koro itak gusu oupekap ne aesanniyo, Orowa, akoipishi ita Aokai annokara ki kuni gusu ne na.