Mattaios 19:29 - Ashiri Aeuitaknup Iyohaichish Yona 1897

²⁹ Orowa, nen ne yakka chisei hene, ainu uiriwak hene, matne uiriwak hene, ona hene, unu hene, poho hene, toi hene, Ku rengap gusu ande chiki, ashikne hotne pakno koro, orowa, hembara pakno ne yakka shiokere shomoki inotu eikeshkoro kusu ne.

Mattaios 19:29 ပူးပေါင်းရင်းမြစ်များ

Mattaios 10:22

Orowa, echi utara anak ne Ku reihei ankushkeraipo obitta no okai utara orowa no aetunne kusu ne: koroka, okese pakno yaishiporore gurʼanak ne, nei gurʼanak kashiaobiuki kusu ne.

Mattaios 13:23

Orowa toitoi pirika ushiketa aetoita gurʼanak ne, tambe anak nei itak nu wa eramʼan; orowa, son no poka shinuma ibe o, ashikne hotne pakno hene, re hotne pakno hene, wanbe ikashima hotne pakno hene hetukure guru ne ruwe ne, ari itak.

Mattaios 13:8

shui, moshima ambe anak ne toitoi pirika ushike ta hachiri wa hetukba, aine, ashikne hotne pakno hene, re hotne pakno hene, wanbe ikashima hotne pakno hene shipiraspa nisa ruwe ne na.

Mattaios 16:25

Inambe gusu ne yakun, nen ne yakka kon ramat kaobiuki kuni esanniyo guru anak ne nei ambe turainu kusu ne; orowa, Ku rengap gusu kon ramat turainu gurʼanak ne nei ambe pa kusu ne ruwe ne gusu ne na.

Mattaios 19:16

Orowa, ingarʼan, shine ainu Shinuma otta ek wa ene itak-hi :— Epakashnu guru, hembara pakno ne yakka isam shomoki inotu a en kore kuni ne, nekon a pirika ambe ku iki yak pirika ya?

Mattaios 25:34

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Mattaios 25:46

Orowa, tan utara anak ne hembara pakno ne yakka okere shomoki apanakte i orun paye: koroka, oupeka utara anak hembara pakno ne yakka inotu ani orun ahup kusu ne na.

Mattaios 5:11

Ku ankushkerai gusu moshima guru orowa no echi ohaigeakara an, orowa, aekeshke an, samata, usa shunge itak sange wa echi wen no aye chiki, echi anunuke ne.

Mattaios 6:33

Koroka iyotta hoshiki no Shinuma moshiri hemhem, Shinuma oupeka-i hemhem hunara yan: yakun, tapan okaibe obitta echi akore kusu ne.

Roukos 14:26

aige, Shinuma hosari wa otta ene itak-hi :— En orun ek guru anak ne yaikota koro ona hemhem, unu hemhem, po utara hemhem, okkai ainu iriwak hemhem, matne ainu iriwak hemhem, samata, yaikota kon ramat etunne shomoki chiki, En koikara guru ne eaikap ruwe ne.

Roukos 5:11

Orowa no, nei utara ya oro pakno koro chip yange chiki, obitta no okaibe hoppa wa Yesu osh paye nisa ruwe ne.

Roukos 6:22

Ainu Poho rengap gusu, utara echi etunne hemhem ki, echi shinnai no ande hemhem ki, echi sakayokara wa echi reihei anak ne wenbe korachi osura hemhem ki ita anak ne, anunuke an.

Yoannes 15:19

Moshiri orowa no an okaibe echi ne yakun, moshiri anak ne yaikota korobe omap kusu ne: koroka, moshiri orowa no an okaibe shomo echi ne wa moshiri wano Kuani echi numge ash gusu, tambe gusu, moshiri anak ne echi etunne ruwe ne. Echi otta Ku ye itak eshkarun yan :—

Yoannes 4:36

Nange guru anak ne pummaha koro wa ramma okere shomoki inotu gusu ibehe eumashnu; toita guru newa nange guru utura yaikopuntek kuni gusu ne na.

Apostoro ikip oma kambi 9:16

orowa, Ku rengap gusu shinuma inan otaibe gusu ramuashitnere kusu ne ya ku nukare kusu ne na.

I Korintos 2:9

koroka, chieshinnuye wa an korachi, Shikihi shomo nukara, kisaraha shomo nu, Ainu keutum ta shomo ahunbe anak, I-omap utara gusu nep ne yakka Kamui etokooiki okaibe ne.

II Korintos 5:16

Tambe gusu, tewa no poka, chi utara anak ne kam gusu an ainu eamkiri shomoki: aige, kam gusu an Kiristo chi eamkiri nisa a yakka, tane anak ne nei no chi eamkiri shomoki ruwe ne gusu ne na.

Piripoi 3:8

Ruwe ne wa, son no un, ku goro Utarapa ne Kiristo Yesu eramambe pirikap gusu kuani obitta no okaibe so-no-ki ambe ari ku esanniyo nisa; Shinuma gusu obitta no okaibe kuani so-no-ki wa aemakbap ne sekoro ku esanniyo;

I Petros 4:14

Echi utara anak ne Kiristo reihei gusu akosakayokara an chiki, echi anunuke ne; inambe gusu ne yakun, nupeki Ramat newa Kamui Ramat anak ne echi kashiketa okai shiri ne gusu ne na.

III Yoannes 1:7

inambe gusu ne yakun nei Reihei irenga gusu nei utara oya kotan un utara orowa no nep ne yakka uk shomoki no paye nisa ruwe ne gusu ne na.