Mattaios 19:28 - Ashiri Aeuitaknup Iyohaichish Yona 1897

²⁸ Nei utara otta Yesu ene itak-hi :— Son no echi otta Ku ye, En osh araki utara echi utara anak ne ashino hekatu ita, Ainu Poho nupeki araset kata a kusu ne ita, echi utara ne yakka tup ikashima wan araset kashiketa rok wa Israeru un tup ikashima wan ikiri ne okai utara koipishi kusu ne.

Mattaios 19:28 ပူးပေါင်းရင်းမြစ်များ

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Mattaios 19:27

Orowa, Petros ese wa Shinuma otta ene itak-hi: Ingarʼan chi utara anak ne nep ne yakka ande wa E oshi araki ash, tambe gusu nep chi koro kusu ne? ari itak.

Mattaios 20:21

Orowa, nei shiwentep otta Shinuma ene itak-hi :— Nep e kon rusui ya? Orota shiwentep ene itak-hi :— E koro moshiri ta tan ku tu poho anak ne shinen E shimon tek samata, shinen E hariki tek samata a kuni kashpaotte wa en kore.

Mattaios 25:31

Koroka, Ainu Poho anak ne koro arakuru newa Kamui hauturunbe obitta tura no ek ita anak ne, nei ita Shinuma arakuru oma araset kata a kusu ne:

Mattaios 6:33

Koroka iyotta hoshiki no Shinuma moshiri hemhem, Shinuma oupeka-i hemhem hunara yan: yakun, tapan okaibe obitta echi akore kusu ne.

Mattaios 8:20

Yesu nei guru otta ene itak-hi :— Chironnup anak ne shui koro, rik peka oman chikap anak ne reushi ushi an, koroka, Ainu Poho anak ne sapa eninui ushike ka sak ruwe ne.

Markos 10:37

Orota nei utara ene itak-hi :— E koro nupeki otta chi utara anak ne shinen E shimon tek samata, shinen E hariki tek samata rok kuni kara wa un kore.

Apostoro ikip oma kambi 3:21

obitta no okaibe kanna aatte pakihi pakno kando anak ne Shinuma uk kunip ne; nei ambe gusu moshiri heashi wano koro Ashkanne uweingara utara paroho ani Kamui itak nisa ruwe ne. Mose ene itak-hi :—

II Timoteos 2:12

yaishiporore yakun, Shinuma tura no epungine kusu ne; Shinuma eshikashke ash yakun, Shinuma un eshikashke ne yakka ki kusu ne:

II Petros 3:13

Koroka, Shinuma ki eitakamkire ambe nei no, otta oupeka ambe oshiroma ashiri kando ashiri toitoi chi ehuye korʼan ruwe ne.

Ekambakbe 11:16

Orowa, koro amset kata Kamui kotchaketa rok kane okai nei inen ikashima hotne ekashi utara koro nan kata hachiripa hine Kamui koongami hine ene itak-hi :—

Ekambakbe 12:1

Orowa, poro shirosh kando oshiketa anukara; tokap chup ani yaitomchiure shiwentep ne, kema pokta kunne-chup an, sapa kata tu ikashima wan nochiu oma sapa-umbe an; awa, nei shiwentep shinnaikat iyeunu wa an na:

Ekambakbe 20:4

Orowa, inne amset newa kashita rok shiri okai utara ku nukara, awa, nei utara koipishi iki kuni mondum akore nisa ruwe ne: samata. Yesu gusu an paweteshu iki ambe gusu hemhem, Kamui itak gusu hemhem, nei a chikoikip newa chikoikip koro noka shomo koongami ambe gusu hemhem, koro keputuru kata hene koro teke kata hene chikoikip koro shirosh shomo aomare ambe gusu hemhem sapa otuye utara kon ramat ku nukan nisa ruwe ne; aige, nei utara ishu wa ashikne shine wan hotne pa uturuta Kiristo tura epungine ruwe ne.

Ekambakbe 21:5

Orowa, nei a amset kata rokbe ene itak-hi :— Ingarʼan, obitta no okaibe ashin no Ku kara. Samata, Nuye yan: tapan itak ambe anak ne oupekap ne sonep ne ruwe ne gusu ne na, ani an itak ani Shinuma ye nisa ruwe ne.

Ekambakbe 22:2

Kamui newa nei Pon-hitsuji koro amset wano hetuku komu shuma korachi pekashnu inotu oma san pet en nukare nisa. Awa, nei pet otamba un toshka ta hemhem, okushun toshka ta hemhem, kesh chup range tu ikashima wan shuine nikaop hetukure inotu oma chikuni an: orowa, nei chikuni ham anak ne moshiri uirup iwangere kuni gusu an ambe ne ruwe ne.

Ekambakbe 22:5

Nei ushiketa anchikara isam; ratchako pekere newa chup pekere eishiramne shomoki; Utarapa ne Kamui anak ne nei utara otta pekere atte kusu ne gusu ne na: orowa, nei utara otusashuishiri pakno epungine kusu ne.

Ekambakbe 3:21

Annokara iki guru anak ne en tura no Ku amset kata rok kuni Ku kore kusu ne, Kuani ne yakka annokara iki wa Ku goro Michi tura no Shinuma koro amset kata Ku rok korachi ruwe ne.

Ekambakbe 4:4

Orowa, nei amset pishkanegeta ine amset ikashima hotne amset okai: nei amset kashiketa retara amip utomechiu ine ekashi ikashima hotne ekashi rok wa okai; orowa, koro sapa kata kongani sapa-umbe aunu ruwe ne.

Ekambakbe 7:4

Orowa, nei shirosh aomare utara apishki ikiri ku nu nisa. Israeru un utara san pishno okai uirup otta shirosh aomare utara anak ne shi sen nin ne ainu ikashima ju-shi man nin ne ainu ne ruwe ne na.