Mattaios 18:15 - Ashiri Aeuitaknup Iyohaichish Yona 1897

¹⁵ Orowa, e koro iriwak anak ne e epeka no chikokatpak an chiki, e oman wa tun patek echi an ita otta nure; e ye itak nu chiki, eani anak ne koro iriwak epirika ruwe ne.

Mattaios 18:15 ပူးပေါင်းရင်းမြစ်များ

Iyohaichish 141:5

Oupeka guru en shirikik chiki, ramuhaugep ne; Shinuma en pakashnu yakun, ku sapa kata shum aota korachi ne; Ku sapa anak ne shomo nei ambe eshishi: Inambe gusu ne yakun, tane ne yakka ku ki inonno-itak nei wenbe gusu an na.

Mattaios 18:14

Tap korachi tan okai pon utara shinen ne yakka isam kuni ambe anak ne, kando otta an echi koro Michi korʼirenga shomo ne ruwe ne.

Mattaios 18:21

Orowa, Petros ek wa shinuma otta ene itak-hi :— Utarapa, En epeka no ku iriwak anak ne katpak ki chiki, hembak shui ku tusare kusu ne ya? arawan shui pakno kusu ne ya? sekoro itak.

Mattaios 18:35

Echi utara ne yakka pishno pishno ramu-osshi wano echi koro iriwak tusare shomoki chiki, kando otta an Ku Michihi ne yakka nei no echi otta ki kusu ne na.

Roma 12:21

Wenbe ani iteki aannokara, koroka, pirikap ani wenbe annokara yan.

I Korintos 8:12

Orowa, tambe nei no iriwak ne utara epeka katpak echi ki wa katchak wa an rapoketa nei utara koro keutum echi piriore gusu Kiristo epeka katpak echi ki ruwe ne.

II Korintos 7:12

Tambe gusu kuani anak ne echi orun kambi ku omande nisa a yakka, wenbe iki guru gusu hene, akoiwende guru gusu hene shomo ku nuye, koroka, un gusu yuptek no echi ikichi ambe anak ne Kamui shik-samata echi orun anukara kuni gusu nep ne.

Garatea 6:1

Iriwak utara, nen ka katpak ani aoshkoni guru an chiki, echi tumugeta an Ramat oma guru ramushiroma hine shinuma oupekare yan; yaikota iteki akoramnukara kuni ne yai yaitubare no ki yan.

Korosai 3:13

utomchiure yan; utashpa uwe-shiyupupu; nep ne yakka eiyonnuppa kuni ushike an chiki uweusaraye yan; Utarapa echi tusare korachi echi utara ne yakka nei no ki yan;

I Tessaronike 4:6

inan guru ne yakka tap ambe otta iteki eikaunu ki hine koro iriwak ika kokandama na: inambe gusu ne yakun, chi utara teeda anu no chi ye wa nure ash korachi, tap okaibe gusu Utarapa anak ikemnu ki ambe ne ruwe ne gusu ne na.

II Tessaronike 3:15

Yakka aepokba kuni guru ne sekoro iteki esanniyo, koroka, iriwak ne guru nei no epakashnu yan.

Titus 3:10

Kamui orushpe ohoge yainu gurʼanak ne ara-shui tu-shui epakashnu okake eshishi yan;

I Petros 3:1

Tap korachi, machi ne echi utara, yaikota koro hoku otta itaknu yan: nei utara poka itak otta ko-nu shomoki no,