Mattaios 16:28 - Ashiri Aeuitaknup Iyohaichish Yona 1897

²⁸ Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.

Mattaios 16:28 ပူးပေါင်းရင်းမြစ်များ

Mattaios 10:23

Koroka, tan machiya ta utara echi keshke chiki, nei samake an machiya orun kira yan: son no echi otta Ku ye, — Echi utara Israeru un machiya ebitta kush shomoki, aine, Ainu Poho ek kusu ne na.

Mattaios 16:13

Orowa, Yesu, anak ne Kaisarea Pirippos kotan an ushita ek wa an ita, koro koikara utara otta ene uwepekennu-hi :— Ainu Poho anak ne nen ne kuni utara ye ruwe he okai?

Mattaios 24:3

Orowa, Shinuma Kanran-ush nupuri kata a wa an rapoketa, koikara utara arorokishne no orota araki wa ene itak-hi :— Tan okaibe hembara ta hetuku ya? orowa, E ek kuni shirosh hemhem, moshiri shiokere kuni gusu an shirosh hemhem, nekon a an shirosh ne ya? un nure wa un kore, ari itak.

Mattaios 24:34

Son no echi otta Ku ye, tap ambe obitta auweomare pakno tane okai ainu ikiri isam shomoki kusu ne.

Mattaios 24:42

Tambe gusu shiruwande yan: echi koro Utarapa inan toho ta ek ya echi erampeutek ruwe ne gusu ne na.

Mattaios 26:64

Orota Yesu ene itak-hi :— E ye okere ruwe ne: yakka e otta Ku ye, tap imakake Ainu Poho mondum koro shimon-tek samta a hine kando nishkuru kashiketa an wa ek shiri e nukara kusu ne ruwe ne, sekoro itak.

Mattaios 8:20

Yesu nei guru otta ene itak-hi :— Chironnup anak ne shui koro, rik peka oman chikap anak ne reushi ushi an, koroka, Ainu Poho anak ne sapa eninui ushike ka sak ruwe ne.

Markos 13:26

Orowa, Ainu Poho anak ne poro kiroro newa nupeki-hi koro wa nishkuru o wa ek shiri utara nukara kusu ne.

Markos 8:38

Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.

Markos 9:1

Orowa, orota Shinuma ene itak-hi :— Son no echi otta Ku ye, tan okai utara tumugeta teda roshki wa okai utara anak ne Kamui moshiri auak ne kiroro ani ek shiri nukara pakno oara rai ambe sapke' katap shomoki kusu ne na, sekoro itak.

Roukos 18:8

Echi otta Ku ye, chashnu no nei utara gusu Shinuma ikemnu kusu ne na. Yakka, Ainu Poho ek ita moshiri kata eishokor-i anukara kusu ne ya?

Roukos 2:26

awa, Ashkanne Ramat shinuma kashiketa an ruwe ne. Nei guru Utarapa koro Kiristo nukara pakno rai shomoki sekorʼambe anak ne Ashkanne

Roukos 9:27

Son no newa, echi otta Ku ye; — Kamui moshiri shomo nukara pakno rai-i sapke shomoki utara tane teda ash wa okai ruwe ne, ari itak.

Yoannes 21:22

Orota, Yesu ene itak-hi :— Shinuma Ku ek pakno an sekoro Kuani ramuoshma yakun, e otta nep an a? Eani En osh ek yan, sekoro itak.

Yoannes 8:51

Son no, son no, echi otta Ku ye, Ainu anak ne Ku ye itak shikkashima yakun, ramma pakno rai-i shomo nukara kusu ne na.

Yoannes 8:52

Orota Yudea un utara ene itak-hi :— Eani anak ne nitne kamui, ituren wa an sekoro tane chi eraman, Abraham hemhem uweingara utara hemhem rai wa isam; orowa, Ainu anak ne Ku ye itak shikkashima yakun, ramma pakno rai-i sapke shomoki, sekoro Eani itak.

Apostoro ikip oma kambi 1:11

Gariraya un echi utara, nep gusu echi roshki kane kando orun ingan ruwe he an? echi orowa no kando otta auk tan Yesu kando orun oman ambe echi nukara okere korachi, nei no Shinuma ek kusu ne na, sekoro itak.

I Korintos 15:23

Koroka, utara ebitta nei ikiri an korachi ne: hoshiki no Kiristo; orowa no, Shinuma ek ita,

I Tessaronike 1:10

Kamui anak ne rai i orowa no Shinuma hetopo-shiknure nisa ruwe ne, tambe anak, ek kusu ne irushka-i orowa no un ohaitare Yesu ne ruwe ne na.

Hebraios 2:9

Koroka, Kamui irenga ankushkeraipo pishno pishno okai ainu shirihine hauturumbe kasu no pon no pokashnu no akara hine rai ambe sapke wa, rai-i oma aeyairamshitnere ambe gusu araguru newa aeoripakbe ani sapa aunure Yesu chi nukara ash ruwe ne.

Yakob 5:7

Tambe gusu, ku iriwak utara, Utarapa an pakno ramushiporore yan. Ingarʼan, toita guru anak ne aro-apto okake apto ek pakno ramushiporore wa toi wano an nupuru ibehe untere ruwe ne.

II Petros 1:16

Inambe gusu ne yakun, echi utara anak ne chikoro Utarapa ne Yesu Kiristo koro kiroro newa ek an-i echi nure ash ita, ashkai no aoshke uwepekere koro wa ki shomoki, koroka, chi utara anak ne Shinuma koro poro pase ambe shiki ari nukara utara chi ne ruwe ne gusu ne na.

I Yoannes 2:28

Orowa, tane nokan utara, Shinuma oshiketa oshiroma yan; Shinuma anukara chiki, chi utara rametok-koro, orowa, Shinuma ek ita chi utara shomo yainikoroshma kusu ne gusu okai yan.