Mattaios 16:27 - Ashiri Aeuitaknup Iyohaichish Yona 1897

²⁷ Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Mattaios 16:27 ပူးပေါင်းရင်းမြစ်များ

Iyohaichish 62:12

Shui, aa Utarapa, rampoken anak E korope ne: Aokai anak ne obitta no okai utara ki ikip esanniyo wa orota auk kunip kore ruwe ne gusu ne na.

Mattaios 13:41

Ainu Poho anak ne koro uitek utara payere wa koro moshiri orowa no nep ne yakka

Mattaios 13:49

Moshiri shiokere-i ta ne yakka nei no aki kusu ne: Kamui hauturumbe araki

Mattaios 24:30

orowa, Ainu Poho koro shirosh kando otta anukara kusu ne: orowa no moshni otta okai moshirʼun utara obitta yaituwashkarap, orowa, kiroro newa poro nupeki koro wa kando nishkuru kata o wa ek

Mattaios 25:31

Koroka, Ainu Poho anak ne koro arakuru newa Kamui hauturunbe obitta tura no ek ita anak ne, nei ita Shinuma arakuru oma araset kata a kusu ne:

Mattaios 26:64

Orota Yesu ene itak-hi :— E ye okere ruwe ne: yakka e otta Ku ye, tap imakake Ainu Poho mondum koro shimon-tek samta a hine kando nishkuru kashiketa an wa ek shiri e nukara kusu ne ruwe ne, sekoro itak.

Mattaios 8:20

Yesu nei guru otta ene itak-hi :— Chironnup anak ne shui koro, rik peka oman chikap anak ne reushi ushi an, koroka, Ainu Poho anak ne sapa eninui ushike ka sak ruwe ne.

Markos 14:62

Orota Yesu ene itak-hi :— Ruwe ne wa; orowa, Ainu Poho kiroro shimon tek samata a hine kando nishkuru koro wa ek shiri echi nukara kusu ne na, ari itak.

Markos 8:38

Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.

Roukos 21:27

Orowa no, Ainu poho anak ne kiroro newa poro nupeki koro wa nishkuru otta ek shiri anukara kusu ne.

Roukos 22:69

Koroka, tewa no, Ainu Poho anak ne Kamui kiroro un shimon tek samata a kusu ne na, sekoro itak.

Roukos 9:26

Koroka, Kuani newa Ku ye itak eyainikoroshina guru an chiki, Ainu Poho yaikota newa koro Michi newa Ashkanne hauturumbe newa koro nupeki otta ek ita anak ne Ainu Poho ne yakka nei guru eyainikoroshma kusu ne.

Yoannes 21:22

Orota, Yesu ene itak-hi :— Shinuma Ku ek pakno an sekoro Kuani ramuoshma yakun, e otta nep an a? Eani En osh ek yan, sekoro itak.

Yoannes 21:23

Tambe gusu, nei koikara guru rai shomoki kusu ne sekorʼan orushpe utara tumuge orun ashipi-raspare wa an ruwe ne: koroka, shinuma rai shomoki kusu ne, ani an itak ani Yesu ye shomoki nisa ruwe ne; koroka, — Shinuma Ku ek pakno an sekoro Kuani ramuoshma yakun, e otta nep an a? ani an itak ani Shinuma ye nisa ruwe ne.

Apostoro ikip oma kambi 1:11

Gariraya un echi utara, nep gusu echi roshki kane kando orun ingan ruwe he an? echi orowa no kando otta auk tan Yesu kando orun oman ambe echi nukara okere korachi, nei no Shinuma ek kusu ne na, sekoro itak.

Roma 14:12

Tambe gusu chi utara pishno yaikota gusu an orushpe Kamui orun ye kusu ne na.

Roma 2:6

Shinuma anak ne obitta no okai utara iki ikip an korachi pishno pishno koropare kusu ne;

I Korintos 15:23

Koroka, utara ebitta nei ikiri an korachi ne: hoshiki no Kiristo; orowa no, Shinuma ek ita,

I Korintos 3:13

inambe gusu ne yakun, nei toho anak nei ambe sarare, abe ani anukare kusu ne gusu ne na; orowa, abe yaikota anak ne pishno an guru iki ikip nekon a ambe ne ya anukara gusu uwande kusu ne na.

I Korintos 8:8

Koroka, kam gusu chi utara anak ne Kamui tek-samata shomo roshki ash: shui, shomo ibe yakka aewende shomoki: shui, ibe yakka aepirikare shomoki ruwe ne na.

II Korintos 5:10

Inambe gusu ne yakun, chi utara anak ne netobake ani chi kichi okaibe gusu, pirikap hene wenbe hene, nei okaibe gusu a un koropare kunip uina kuni ne, pishno pishno Kiristo koro koipishi gusu an amset kotchaketa anukara kusu ne gusu ne na.

Epesos 6:8

Utarapa otta iki korachi yaishieiwangere yan: aige, nep ne yakka pishno okai echi utara ki pirikap gusu, usshiune guru ne a yakka, rengaine an mondum koro guru ne a yakka shui nei ambe Utarapa orowa no

Korosai 3:25

Inambe gusu ne yakun, wenbe ikichi gurʼanak ne aki okere wenbe gusu tasa akore kusu ne: aine, utara kowen utara kopirika keutum isam ruwe ne gusu ne na.

I Tessaronike 1:10

Kamui anak ne rai i orowa no Shinuma hetopo-shiknure nisa ruwe ne, tambe anak, ek kusu ne irushka-i orowa no un ohaitare Yesu ne ruwe ne na.

I Tessaronike 4:16

Inambe gusu ne yakun, Utarapa yaikota anak ne hawe ashte, sapane an hauturumbe koro hawe ani, Kamui rappa koro wa kando orowa no ran kusu ne: aige, Kiristo oshiketa rai utara hoshiki no hetopo-shiknu:

Yakob 5:7

Tambe gusu, ku iriwak utara, Utarapa an pakno ramushiporore yan. Ingarʼan, toita guru anak ne aro-apto okake apto ek pakno ramushiporore wa toi wano an nupuru ibehe untere ruwe ne.

I Petros 1:17

Orowa, ainu kashiramu shomoki no pishno pishno an guru koro ikip an korachi koipishi Kamui, Michi nep koro korachi echi konishuk yak anak ne

I Yoannes 2:28

Orowa, tane nokan utara, Shinuma oshiketa oshiroma yan; Shinuma anukara chiki, chi utara rametok-koro, orowa, Shinuma ek ita chi utara shomo yainikoroshma kusu ne gusu okai yan.

Youdas 1:14

Tan utara gusu, Adam orowa no arawan ikinne an ainu ne Enok anak ne uweingara ki wa ene itakhi:— Ingara yan, Utarapa anak ne koro turu-sak inne topaha tura wa ek hine,

Ekambakbe 1:7

Ingarʼan, Shinuma nishkuru ani ek shiri ki obitta no okai shikihi pishno Shinuma nukara, Shinuma otke utara Shinuma nukara kusu ne; orowa, obitta no okai moshiri uirup Shinuma gusu rayaise kusu ne na. Ruwe un, Amen.

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.

Ekambakbe 20:12

Orowa, nei amset kotpokita porobe rai utara ne yakka ponbe rai utara ne yakka roshki shiriki-hi ku nukan nisa; orowa, nei kambi-sosh apirasa: shui moshima an kambi-sosh ne yakka apirasa ruwe ne, nei ambe anak inotu oma kambi-sosh ne ruwe ne na: orowa, rai utara anak ne nei kambi-sosh kata chieshinnuye wa an korachi, ki ikip an nei no, akoipishi nisa ruwe ne.