Mattaios 15:31 - Ashiri Aeuitaknup Iyohaichish Yona 1897

³¹ awa, topaha utara anak ne nei shomo-itak utara itak hawe hemhem, yaiewen guru aiwangere wa okai katu hemhem, hera utara apkash katu hemhem, shiknak utara ingara katu hemhem nukara chiki Israeru un utara koro Kamui ko-iramye nisa ruwe ne na.

Mattaios 15:31 ပူးပေါင်းရင်းမြစ်များ

Iyohaichish 50:15

Yairamhekomo ita En orun kohawe ashte yan, Orowa, Kuani e kashiobiuki kusu ne, aige, eani En ramye kusu ne na.

Iyohaichish 50:23

Iyaiiraige yangep yange gurʼ anak ne Eri ko-oripak ruwe ne; Orowa, kon ruhu etoko-oiki guru otta Kamui kashiobiuki-hi ku nukare kusu ne na.

Mattaios 15:30

Orowa, orota poro topaha utara, hera utara hene, shiknak utara bene, shomo itak utara hene, yaiewen utara hene, naa moshima utara hene, inne no tura wa araki hine Shinuma chikiri samaketa are nisa ruwe ne; aige, Shinuma iwangere nisa ruwe ne:

Mattaios 18:8

Orowa, e teke hene e chikiri hene e epetchiure yak anak ne oattuye wa osura yan: inambe gusu ne yakun, tu teke hene tu chikiri hene koro wa hembara pakno ne yakka ush shomoki abe otta aeyapkiri ambe kasu no hera hene yaiewen hene ne wa ishu-i otta ahun katu eani gusu naa pirika ruwe ne.

Mattaios 21:14

Orowa, shik-nak utara newa hera utara anak ne Kamui kora kenru ta an Shinuma orun ahup nisa ruwe ne; aige, Shinuma nei utara iwangere nisa ruwe ne.

Mattaios 8:10

Orowa, Yesu tan itak nu chiki iyokunnure, aige, osh araki utara otta ene itak-hi :— Son no echi otta Ku ye, Israeru un utara tumugeta ne yakka naa shomo tap korachi an poro eishokor-i Ku nukara eramushkare.

Mattaios 9:32

Nei utara soyumba, aige, nitne kamui shikatkari wa an shine shomo-itak guru Shinuma otta atura wa ek.

Mattaios 9:33

Nei nitne kamui aoshinge chiki, shomo-itak guru itak: orowa, inne utara iyokunnure wa ene itak-hi :— Israeru un utara tumugeta naa shomo tap ne kane okaibe anukara eramushkare na, ari itak.

Mattaios 9:8

Koroka, inne utara tap ambe nukara chiki ishitoma shiriki, orowa, tap korachi an mondum ainu otta koropare Kamui ko-oripak nisa ruwe ne na.

Markos 2:12

Orowa, nei guru hopuni hine nani atarape koro wa obitta, no okai utara kotchaketa soine nisa ruwe ne; okai utara obitta oyamokte, orowa, Kamui ko oripak wa ene itak-hi :— Tambe nei no tane pakno naa shomo chi nukara ash nisa ruwe ne na, ari itak.

Markos 7:37

Orowa, utara shiri iyokunnure kashpa wa ene itak-hi :— Shinuma nep ne yakka pirika no kanʼnisa: ashpa guru ne yakka nure, shomo itak guru itakte ruwe ne, sekoro itak.

Markos 9:43

E koro tekehe e epetchiure yakun, oattuye yan: inambe gusu ne yakun, tu teke e koro wa Gehenna un, aushka eaikap abe un, oman kasu no eani hera wa ishu-i otta ahun katu anak ne eani gusu naa pirika ruwe ne gusu ne na.

Roukos 14:13

Koroka, marapto e kara chiki, otek-sak utara hemhem, hera utara hemhem, yaiewen utara hemhem, shiknak utara hemhem hotuyepakara yan;

Roukos 14:21

Orowa no, nei uitek guru ek wa tap orushpe kon nishpa nure nisa ruwe ne na. Tata otta chisei kon nishpa irushka wa koro uitek guru otta ene itak-hi :— Tunashi no machiya un para ru otta newa hutne ru otta e oman wa irapokkari utara hemhem, yaiewen utara hemhem, shiknak utara hemhem, hera utara hemhem eteun tura yan, ari itak.

Roukos 18:43

Orowa, nani nei guru ingara wa Kamui ko-oripak hine Shinuma osh oman: obitta no okai utara anak ne nei ambe nukara chiki Kamui ko-iramye nisa ruwe ne na.

Roukos 7:16

awa, utara obitta ishitoma, aine, Kamui ko-oripak hine ene itak-hi :— Un otta poro uweingara guru hopuni wa an: Kamui anak ne koro utara ko-ingara ruwe ne, sekoro itak.

Yoannes 9:24

Tambe gusu, nei utara tu shuine nei shiknak guru hotuyekara wa otta ene itak-hi :— Kamui iramye yan: tan guru anak katpak koro guru ne sekoro chi eraman, ani itak.