Mattaios 13:38 - Ashiri Aeuitaknup Iyohaichish Yona 1897

³⁸ pirika piyehe anak ne moshirʼun gunʼne; zizania mun anak ne nitnep koro poho ne; nei

Mattaios 13:38 ပူးပေါင်းရင်းမြစ်များ

Iyohaichish 22:30

Shinuma otta yaishieiwangere utara okai; Ehoba orushpe oya ainu ikiri otta anure kusu ne.

Mattaios 13:19

Nen ne yakka nei moshiri gusu an orushpe nu wa erampeutek chiki anak ne, wenbe ek wa nei guru keutum oshiketa aetoitap ehekem wa uk ruwe ne. Tambe anak ru paruru ta aetoita guru ne ruwe ne.

Mattaios 24:14

Orowa, obitta no okai uirup utara orota an paweteshu ne gusu, ingi-nroshiri ta tan moshiri gusu an pirika orushpe aeupaskuma kusu ne; orowa, shiokere ambe anak ne ek tusu ne na.

Mattaios 5:37

Koroka, ruwe un anak ne ruwe un ani ye, shomo anak ne shomo ani ye, tapan itak kama itak ambe anak ne wenbe orowa no an ambe ne.

Mattaios 8:12

koroka, moshiri poho utara anak ne iyotta kunne ushike orun aokeuba kusu ne, nei ushiketa chish ambe newa niyorokara ambe an ruwe ne kusu ne na.

Roukos 24:47

samata, yaikokatpakbe hene, katpak tusare-i hene Shinuma ton reihei gusu Yerusarem kotan ta heashire wa obitta no okai moshiri uirup otta aeupaskuma kusu ne na.

Yoannes 12:24

Son no, son no, echi otta Ku ye, munge piye num anak ne toi tumu hachiri wa munin shomoki yakun, yaikota shinep ne a an ruwe ne; koroka, munin yak anak ne poron no ibehe o ruwe ne.

Yoannes 8:44

ruwe ne gusu ne na. Echi utara anak ne nitne kamui ne echi koro michi orowa no okai, orowa, echi koro michi ki rusui buri echi ki kuni echi ramu. Shinuma anak ne atpake wano keukbe ne, orowa, sonep otta ash shomoki, koro onnaigeta sonep isam ruwe ne gusu ne na. Shunge itak ki chiki yaikota kerobe ye: Shinuma anak shunge guru ne, shunge koro michi ne ruwe ne gusu ne na.

Apostoro ikip oma kambi 13:10

Obitta no okai irarape newa obitta no okai wenbe newa ani aeshik, nitne kamui koro poho, obitta no okai oupeka ambe epokba guru, Utarapa koro oupeka ruhu ohaitare kuni ambe shomo e okere kusu ne ya?

Roma 10:18

Koroka, ku ye; nei utara shomo nu nisa ruwe he an? Ruwe un, son no poka, Nei utara ki hawe moshirʼebitta orota aun, Koro itak moshiripa pakno moshirigesh pakno oman nisa ruwe ne na.

Roma 16:26

tane uweingara utara nuye kambi ani nukare anuinap aekambakte-i nei no, otusashuishiri wano otusashuishiri pakno an Kamui ikashpaotte gusu moshiri uirup eishokor-i atte wa aitaknure kuni gusu an ambe nei no echi ashte eashkaibe otta;

Roma 8:17

eikeshkoro kuni utara ne; Kamui eikeshkoro utara ne, Kiristo tura eikeshkoro kuni utara ne ruwe ne; chi utara Shinuma tura yairamshitnere yakne Shinuma tura anupekte kusu ne ruwe ne.

Korosai 1:6

nei ambe poka moshirʼebitta ta okai wa ibehe hetukure hine shipiraspa, aige, nei arabe echi nu wa son no ka un Kamui irenga echi eraman toho wano echi otta ne yakka korachi ne;

Yakob 1:18

Shinuma yaikota irenga gusu chi utara anak ne Shinuma kara okaibe otta aro-ibehe ne kuni ne, son no an itak ani un hetukure nisa ruwe ne na.

Yakob 2:5

Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

I Petros 1:23

munin kuni piyehe ani shomo ne, koroka, shiknu wa okai Kamui itak ani munin shomoki piyehe ani echi hekatu wa an gusu, shiarikiki no ramuosshi wano utashpa uweomap yan.

I Yoannes 3:2

Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.

Ekambakbe 14:6

Orowa, otusashuishiri pakno an pirika shongo koro hine moshiri kata oshiroma utara otta, obitta no okai moshiri uirup otta hemhem, ainu ikiri otta hemhem, parumbe otta hemhem, utara otta hemhem eupaskuma kuni gusu an kando tumugeta hopumba naa shine hauturumbe ku nukara; awa, shinuma anak ne poro hawe ani ene itak-hi :—