Mattaios 13:23 - Ashiri Aeuitaknup Iyohaichish Yona 1897

²³ Orowa toitoi pirika ushiketa aetoita gurʼanak ne, tambe anak nei itak nu wa eramʼan; orowa, son no poka shinuma ibe o, ashikne hotne pakno hene, re hotne pakno hene, wanbe ikashima hotne pakno hene hetukure guru ne ruwe ne, ari itak.

Mattaios 13:23 ပူးပေါင်းရင်းမြစ်များ

Mattaios 12:33

Chikuni anak ne koro nikaop tura pirika ruwe ne ani ye yan: shomo ne yakun, chikuni nikaop tura wen ruwe ne ari ye yan: inambe gusu ne yakun, chikuni anak ne koro nikaop gusu aeraman ruwe ne.

Mattaios 13:8

shui, moshima ambe anak ne toitoi pirika ushike ta hachiri wa hetukba, aine, ashikne hotne pakno hene, re hotne pakno hene, wanbe ikashima hotne pakno hene shipiraspa nisa ruwe ne na.

Mattaios 3:10

Tane poka mukara anak ne ni shinrit otta aande ruwe ne: tambe gusu, pirika ibehe shomo hetukure obitta no okai chikuni anak ne aotuiba wa abe oshiketa aosuruba kusu ne.

Mattaios 3:8

Tambe gusu, yaikotatpak kopakeat buri echi ki yan:

Markos 10:15

Son no echi otta Ku ye, nen ne yakka nokan guru nei no Kamui moshiri uk shomoki gurʼanak ne, earikinne nei moshiri orun ahun shomoki kusu ne, ari itak.

Markos 4:20

Orowa, pirika toi kata aetoitap anak ne tambe ne, nei utara itak nu wa koro, orowa, wan e tu hotne pakno hene, re hotne pakno hene, ashikne hotne pakno hene ibe-o ruwe ne.

Roukos 13:9

orowa no, ibe o yak anak ne, pirika; tam pa gusu shomo ibe o yak anak ne aotuye kusu ne na, ari itak.

Roukos 8:15

Orowa, pirika toi otta okaibe anak ne, oheuge-sak newa pirika keutura koro wa itak nu hine yupke no shikkashima wa yaishiporore wa ibehe hetubare utara ne ruwe ne.

Roukos 8:8

Orowa, moshima an piyehe anak ne pirika toi otta hachiri wa hetuku, orowa, ashikne hotne pakno ibehe hetukba nisa ruwe ne. Shinuma tan itak ye okere chiki; nu kuni kisara koro guru, nu yan, sekoro rui hau ani itak nisa ruwe ne na.

Yoannes 15:16

Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.

Yoannes 8:47

Kamui orowa no an guru anak ne Kamui itak nu: tan ikkewehe an gusu nei ambe echi nu shomoki, Kamui orowa no an okaibe shomo echi ne ruwe ne gusu ne na.

Apostoro ikip oma kambi 16:14

Orowa, murasaki senkaki ehok Tuateira moshiri ta an machiya un Rudia ari an reihei koro shiwentep an, shinuma anak ne Kamui koongami guru ne, aine, un orun nu nisa ruwe ne na: nei slriwentep Pauros ye itak gusu ikokanu kuni ne Utarapa anak nei sambe maka nisa ruwe ne.

Apostoro ikip oma kambi 17:11

Aige, nei kotan un utara anak ne irenga an keutura sange wa nei itak uk, aine, nei orushpe ene ani ne ya ingara kuni ne to pishno Kamui kambi-sosh uwande nisa ruwe ne gusu, Tessaronika un utara kasu no nupuru utara ne ruwe ne.

II Korintos 9:10

Orowa, etoita guru otta piyehe sange, ibe kuni gusu aep sange gurʼanak ne aetoita gusu echi koro piyehe porore wa kore hemhem ki, echi ki oupeka an ibehe innere hemhem ki kusu ne na:

Piripoi 1:11

samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.

Piripoi 4:17

Aikrap ku hunara gusu shomo ne; koroka, echi utara gusu nuye an no hetuku ibehe ku hunara gusu ne ruwe tapan na.

Korosai 1:10

samata, Utarapa nupetnere kuni kopakeatbe otta echi apkash hine obitta no okai pirika ikip otta ibehe hetukure wa Kamui oma eramanbe otta naa shukup kuni ne okere shomoki no inonno-itak chi ki wa koramkoro shiriki okai;

Korosai 1:6

nei ambe poka moshirʼebitta ta okai wa ibehe hetukure hine shipiraspa, aige, nei arabe echi nu wa son no ka un Kamui irenga echi eraman toho wano echi otta ne yakka korachi ne;

I Tessaronike 4:1

Orosama iriwak utara echi utara, nekon a arabe ani apkash wa Kamui nupetnere kusu ne a ambe ne ya, un otta echi nu a gusu, nei no korachi echi apkash kuni ne — naa naa echi nuye an no okai kuni gusu — Utarapa ne Yesu Kiristo gusu koramkoro wa echi onishnishi ash ruwe ne.

II Tessaronike 2:10

nei guru anak ne Satan iki-hi korachi, usa okai kiroro newa shiroshi newa shunge iyokonnurep, samata, aisamka kuni gusu an utara gusu usa okai kokandama arabe newa oupeka-sakbe koro wa ek ruwe ne.

Hebraios 4:2

Inambe gusu ne yakun, son no poka nei utara otta korachi un otta ne yakka pirika orushpe aeupaskuma an na: koroka, anu itak anak ne nei utara pirikare shomoki, eishokor-i ani nei utara anak ne anure utara tura shomo ukopoye nisa ruwe ne gusu ne na.

Hebraios 6:7

Inambe gusu ne yakun, kanna-kanna kashiketa ek apto iku wa, koro toi-kara utara gusu haru hetukure toitoi anak ne,

Hebraios 8:10

Utarapa ene itak-hi :— Nei toho okaketa Israeru chisei tura ku iki kushki euitaknup anak ne tambe ne ruwe ne; Koro keutum ta Ku goro tuitak Ku omare kusu ne, Orowa, koro sambe kata nei ambe Ku nuye kusu ne: Shui, nei utara gusu Kamui Ku ne kusu ne, Aige, En gusu nei utara uirup ne kusu ne na:

II Petros 3:18

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.