Mattaios 13:15 - Ashiri Aeuitaknup Iyohaichish Yona 1897

¹⁵ Keutum ani shomo eramʼan kuni, Aige, Ku iwangere gusu shomo hosari kuni ne Tan utara koro sambe nishte ne, Koro kisara ashpa ne, Shikihi shikkamuktek ne; sekoro uweingara guru Isaya koro uweingarape tan utara gusu auweomare ruwe ne na.

Mattaios 13:15 ပူးပေါင်းရင်းမြစ်များ

Iyohaichish 119:70

Nei utara koro keutum anak ne shum korachi mimush; Koroka, kuani anak ne e koro tuitak enupetne kusu ne na.

Markos 4:12

ikineipeka nei utara iteki hosari wa atusare kuni ne, ingara wa nukara, yakka, ramepakare shomoki; inu wa nu, yakka, eramʼan shomoki ruwe ne gusu ne na. Orowa, orota Shinuma ene itak-hi :—

Roukos 19:42

Eani ka, eani, tan toho ta e gusu an itomo irenga e eramʼan yakun humi! Koroka, tane e shiki otta anuina ruwe ne.

Apostoro ikip oma kambi 28:27

Tan uirup koro sambe mimi-ush okere, Koro kisara nu e wen, Samata, ikineipeka ika koro shiki ani nukara; koro kisara ani nu. Koro sambe ani eraman hine Kanna hosari wa Ku iwangere kuni ne Koro shiki ukotukka nisa ruwe ne na.

Apostoro ikip oma kambi 3:19

Tambe gusu, echi koro katpak aushka kuni ne, yaikokatpak wa hoshippa yan, tambe anak Utarapa tek-sam wano sambe-shiturire pakihi an kusu ne kuni ambe ne;

Apostoro ikip oma kambi 7:57

Koroka, nei utara rui hawe ashte wa koro kisaraha chiseshke hine shineikinne shinuma tushtek no kopiuki;

II Timoteos 4:4

orowa, sonep orowa no koro kisara hosari hine uwepekere orun atte kusu ne.

Hebraios 5:11

Nei ambe gusu aye kuni ambe poron no okai, awa, echi utara nu e wen utara ne ruwe ne gusu, apita kuni hokamba ruwe ne.

Ekambakbe 22:2

Kamui newa nei Pon-hitsuji koro amset wano hetuku komu shuma korachi pekashnu inotu oma san pet en nukare nisa. Awa, nei pet otamba un toshka ta hemhem, okushun toshka ta hemhem, kesh chup range tu ikashima wan shuine nikaop hetukure inotu oma chikuni an: orowa, nei chikuni ham anak ne moshiri uirup iwangere kuni gusu an ambe ne ruwe ne.