Mattaios 12:50 - Ashiri Aeuitaknup Iyohaichish Yona 1897

⁵⁰ Inambe gusu ne yakun, inan guru ne yakka kando otta an Ku goro Michi irenga ki gurʼanak ne shinuma anak Ku okkai ainu iriwak ne, Ku mat ainu iriwak ne, Ku habo ne ruwe ne na.

Mattaios 12:50 ပူးပေါင်းရင်းမြစ်များ

Iyohaichish 22:22

Ku iriwak utara otta E reihei ku nure kusu ne; Uwekari tumugeta E iramye ash kusu ne na.

Mattaios 12:49

Orowa, Shinuma koro koikara utara oro un tekehe turi wa ene itak-hi :— Ingarʼan, Ku goro habo Ku goro iriwak utara!

Mattaios 13:1

Nei toho ta Yesu chisei soine hine atui samta a nisa ruwe ne, awa, poro inne utara uwekarapa gusu,

Mattaios 17:5

Shinuma naa ye rapoketa ingarʼan, peken nishkuru shinep enkashike kamu; orowa, ingarʼan, nei nishkuru orowa no hau anu wa ene hawe okai-hi :— Tambe anak Ku omap shi no Ku enupetne Poho ne ruwe ne, Shinuma nu yan, ari hawe ash.

Mattaios 25:40

Moshiri Shikkashima guru nei utara otta ese wa ene itak kusu ne-hi :— Son no echi otta Ku ye, tan Ku iriwak ne utara tumuge un shinen otta, iyotta ponbe poka echi ki nisa ruwe ne gusu, En otta aki nisa ruwe ne na.

Mattaios 25:45

Tata otta Shinuma ese wa ene itak kusu ne-hi :— Tan okai utara tumuge un iyotta pon guru otta shomo echi ki nisa ruwe ne gusu, En otta echi iki shomoki nisa ruwe ne, sekoro itak.

Mattaios 28:10

Awa, nei utara otta Yesu ene itak-hi :— Iteki ishitoma yan; paye wa Ku uiriwak utara Gariraya moshiri orota paye kuni ne otta ye yan, orota nei utara En nukara kusu ne na, ari itak.

Markos 3:35

ingara wa ene itak-hi :— Ku goro habo Ku goro ainu iriwak utara ingara yan! Inambe gusu ne yakun, nen ne yakka Kamui irenga ki gurʼanak ne, shinuma anak Ku okkai ainu iriwak ne, Ku mat ainu iriwak ne, Ku habo ne ruwe ne gusu ne na, ari itak nisa ruwe ne.

Roukos 8:21

Koroka, orota Shinuma ese wa ene itak-hi :— Ku habo newa Ku ainu iriwak utara anak ne, Kamui itak nu wa nei no ki utara ne ruwe ne, ari an itak ani ye nisa ruwe ne na.

Yoannes 15:14

Echi utara anak ne Ku ki ikashpaotte nei no ki yakun, Ku katairotki utara echi ne ruwe ne.

Yoannes 20:17

Orota Yesu ene itak-hi :— Iteki En tomooshma yan; naa shomo Michi otta Ku rikin nisa ruwe ne gusu ne na: koroka, Ku iriwak otta arapa wa, orota, Kuani anak ne Ku goro Michi newa echi koro Michi, Ku goro Kamui newa echi koro Kamui otta Ku rikin ruwe ne, ani an itak ani ye yan, ari itak.

Yoannes 6:29

Orota Yesu ese wa ene itak-hi :— Kamui aomande guru echi eishokoro kuni ambe anak ne, tambe anak Kamui ikip ne ruwe ne.

Yoannes 6:40

Inambe gusu ne yakun, Ku Michi irenga anak ne tapne ne; nen ne yakka Poho nukara wa eishokoro guru anak ne ramma okere shomoki inotu koro kunip ne; orowa, okese an toho ta Kuani anak ne shinuma hetopo Ku shiknure kusu ne na.

Apostoro ikip oma kambi 17:30

Tambe gusu Kamui nei eramsak an pakihi emoshma no ande nisa; koroka, tane anak neita okai yakka obitta no okai utara yaikokatpak kuni kashpaotte ruwe ne:

Apostoro ikip oma kambi 26:20

koroka, hoshiki no Damaskos kotan un utara, orowa Yerusarem kotan newa Yudea moshiri shikapnekano okai utara, samata Oya un utara ne yakka yaikokatpak wa Kamui otta hosari hemhem ki, yaikokatpak kuni oupak buri hemhem ki kuni ne, otta ku ye nisa ruwe ne.

Roma 8:29

Inambe gusu ne yakun, Kamui anak ne etoko wano eraman utara, inne no okai uiriwak tumugeta iyotta kiyanne guru ne kuni gusu, koro Poho nokaha nei no akatkore kuni etoko wano esanniyo poka ki nisa ruwe ne:

I Korintos 9:5

Samata, moshima okai apostoro utara iki korachi, Utarapa koro iriwak utara iki korachi, shui Kepas iki korachi eishokoro wa okai machihi ekeshne ani wa apkash kuni rengaine an mondum shomo chikon ruwe he an?

II Korintos 11:2

Kamui san ikoitupa ambe ani echi utara gusu ku ikoitupa ruwe ne: inambe gusu ne yakun, shine hoku ne guru otta kuani echi kore okere, turu-sak-mat nei no Kiristo otta kuani echi yange ash kuni gusu ne na.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Garatea 6:15

Inambe gusu ne yakun, okarituye buri akire yakka gusu aepirikarep isama, shomo akire yakka aepirikare shomoki ruwe ne, koroka, ashiribe ne akara ambe anak epirikare ambe ne.

Korosai 3:11

nei ushiketa Herenes hene Yudea unbe hene, okarituye buri akore arabe hene okarituye buri shomo akore ambe hene, oya kotan un guru hene, Skitia un guru hene, ausshiune an guru hene, rengaine an guru hene isama: koroka, Kiristo anak ne obitta no okaibe okkashi an, obitta no okaibe onnaigeta an ruwe ne na.

I Timoteos 5:2

upen utara ne yakun; uiriwak utara korachi; rupne shiwentep utara ne yakun, habo korachi, upen mat ne yakun, nep turu-ushbe sak no, turesh korachi iki yan.

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

I Petros 4:2

tambe anak ne echi utara tewa no poka utara koro eikaunu ambe gusu kara otta shomo echi utara ishu, koroka, Kamui irenga nei no ki wa moshiri echi ko-ishu kuni gusu ne na.

I Yoannes 2:17

Orowa, raoshiri hene, moshiri gusu eikaunu ambe hene aokere kusu ne; koroka, Kamui irenga ki gurʼanak ne ramma pakno okai kusu ne na.

Ekambakbe 22:14

Koro mipihi furaye utara shinnunuke an; nei utara anak ne nei inotu oma chikuni epeka mondum akore, shui, ahunapa kari nei machiya orun ahup kuni gusu an ap ne ruwe ne gusu ne na.