Markos 9:50 - Ashiri Aeuitaknup Iyohaichish Yona 1897

⁵⁰ Shippo anak ne pirika ruwe ne: koroka, nei shippo anak koro runnu mawe turainu chiki, nep ani nei mawehe aomare ya? Echi utara yaikota oshiketa shippo koro wa utashpa itomo an no okai yan.

Markos 9:50 ပူးပေါင်းရင်းမြစ်များ

Iyohaichish 133:1

INGARʼAN, shine keutum koro wa uiriwak utara oshiroma-hi anak ne, Nep pirika wa eramasure ambe humi!

Iyohaichish 34:14

Wenhe eshishi wa pirikap ki; Itomo hunara wa keseamba yan.

Mattaios 5:13

Echi okai utara anak ne toitoi shippo ne ruwe ne: koroka, shippo anak ne koro mawehe turainu chiki hemanda ani tu shui nei mawehe aomare ruwe he an? nei no an shippo aeiwange ushike ka isam, soita aosura wa ainu orowa no aotereke kuni patek an raka an ruwe ne.

Markos 9:34

Koroka, nei utara nep ka ye shomoki inambe gusu ne yakun, iyotta pase guru nen ne ruwe he an sekorʼambe ani nei utara ru hontomota uwe-eukoyupekere nisa ruwe ne gusu ne na.

Markos 9:49

Nen ne yakka, obitta abe ani shippo aushte kusu ne gusu ne na.

Roma 12:18

Aeashkai chiki, ramuosshi pakno, obitta no okai utara gusu itomo irenga koro yan.

II Korintos 13:11

Orowa, ku iriwak utara, sarampa. Aeramushinne no okai yan, aomaoma no okai yan; shine keutum koro yan; itomo an no okai yan; aine, omap ambe newa itomo koro Kamui echi tura no an kusu ne.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Epesos 4:29

Echi paro wano iteki wen itak sange yan, koroka, nu utara otta irenga an kuni gusu eashkai pakno wayashnure pirikap sange yan.

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Korosai 3:12

Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

Korosai 4:6

Nekon a katu ani pishno an guru orun koese kunip ne ya sekoro echi eraman kuni ne, ramma kane echi ye itak irenga tura asange wa shippo eomare yan.

I Tessaronike 5:13

samata, koro iki ikip gusu omap wa kooripak an no esanniyo yan. Yai uturu ta itomo irenga sange yan.

II Timoteos 2:22

Koroka, upen guru iki rusui wen-buri eshishi hine turu-sak sarabe wano Utarapa konishuk utara tura, oupeka ambe hemhem, eishokor-i hemhem, omap ambe hemhem, itomo irenga hemhem keseamba yan.

Hebraios 12:14

Obitta no okai utara epeka itomo noshpa yan, samata, sak no ne yakun nen ne yakka Utarapa shomo nukara aeashkamrere ambe noshpa yan:

Yakob 1:20

irushka gusu moire yanro; inambe gusu ne yakun, ainu ki irushka ambe anak ne Kamui oupekap shomo kan ruwe ne.

I Petros 3:8

Orosama okeseketa, echi utara obitta keutum shineatkire, utashpa uwerampokiwen wa kore, uiriwak korachi omap ki, uweiyeramuhauge an keutum koro,