Markos 9:5 - Ashiri Aeuitaknup Iyohaichish Yona 1897

⁵ Tata otta Petros ese wa Yesu otta ene itak-hi :— Babbi, chi utara teda okai ambe anak ne pirika ruwe ne: kash reppish chi kanro: shinep Aokai gusu, shinep Mose gusu,

Markos 9:5 ပူးပေါင်းရင်းမြစ်များ

Iyohaichish 84:10

Shine toho uturu E kot chisei ta an i anak ne wan hotne to kasu no pirika ruwe ne. Wen-buri an kash otta oshiroma kasu no Ku goro Kamui kot chisei apa pungine a-i ku konoburu ruwe ne.

Mattaios 17:4

Aige, Petros ese wa Yesu otta ene itak-hi :— Utarapa, teda chi okai kuni ambe anak ne pirika ruwe ne: Aokai E ramuoshma yakun, kuani teda kash rep-pish ku kara kusu ne; shinep anak ne Aokai gusu, shinep anak ne Mose gusu, shinep anak ne Ericha gusu ne ruwe ne.

Mattaios 23:7

Kamui kora kenru sapane set hemhem, iraugetupa ushita ako-ongami-i hemhem, utara orowa no Rabbi ani aye-i hemhem, konoburu ruwe ne gusu ne na.

Mattaios 23:8

Koroka, echi utara anak ne iteki Rabbi ani aye yan: inambe gusu ne yakun, echi koro epakashnu guru anak ne shinen ne, aige, echi utara obitta uiriwak ne ruwe ne.

Markos 9:4

Orowa, Ericha anak ne Mose tura anukara, awa, Yesu tura uweneusara shiri an.

Markos 9:6

shinep Ericha gusu ne na, ari itak. Nep itak ani itak yak pirika ya erampeutek; nei utara shiri ishitoma shiriki nisa ruwe ne gusu ne na.

Roukos 9:33

Orowa, nei utara Shinuma ekohopi wa paye koro okai ita, Petros anak ne Yesu otta ene itak-hi :— Nishpa, chi utara teda okai kuni ambe anak ne pirika ruwe ne; kash reppish chi kara ash; shinep Aokai gusu, shinep Mose gusu, shinep Ericha gusu akara, ari itak; shinuma yaikota ye itak erampeutek ruwe ne gusu ne na.

Yoannes 4:31

Nei rapoketa Shinuma koikara utara onishnishi wa ene itak-hi :—

Piripoi 1:23

Koroka, tan tup gusu ku utumashire ruwe ne, ku oman wa Kiristo tura no ku an rusui; tambe anak kasu no pirika ruwe ne:

I Yoannes 3:2

Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.