Markos 7:5 - Ashiri Aeuitaknup Iyohaichish Yona 1897

⁵ Orowa, Parisee un utara newa kambi-nuye utara Shinuma otta ene itak-hi :— Hemanda gusu E koikara utara anak ne ekashi koro oina nei no apkash shomoki no use teke ani aep ibe ya? ari nu.

Markos 7:5 ပူးပေါင်းရင်းမြစ်များ

Mattaios 15:2

Hemanda gusu E koro koikara utara anak ne ekashi oina ohaita ruwe he an? Inambe gusu ne yakun, ibe etokota shomo tekehe furaye ruwe ne gusu ne na, sekoro itak.

Markos 7:13

echi utara anak ne echi sange oina ani Kamui itak isamka; samata, inne nei no okaibe echi ki ruwe ne.

Markos 7:8

Echi utara anak ne Kamui sange kashpaotte emaka wa ainu kara oina shikkashima ruwe ne.

Markos 7:9

Shui, orota Shinuma ene itak-hi :— Echi koro oina nei no echi ki kuni ne, Kamui ikashpaotte earikinne echi ekatupase ruwe ne.

Apostoro ikip oma kambi 21:21

awa, aokai gusu anak ne Oya utara tumugeta obitta no okai Yudea un utara koro poho shomo okarituye buri akire hene ki, kotan buri nei no ne yakka shomo ki hine Mose emaka kuni ne e epakashnu ruwe ne, sekoro nei utara otta aye nisa ruwe ne.

Apostoro ikip oma kambi 21:24

un otta euitaknup ki ine ainu okai; nei utara uk wa tura no yaiturusakte, orowa, koro sapaha amemke kuni ne; gusu ataye sange yan: yak anakne aokai gusu aye orushpe otta sonep isam ruwe ne sekoro obitta no okai utara eraman nangon na; koroka, aokai yaikota tuitak shikkashima wa oupeka no apkash shiri aeraman nangon na.

Roma 4:12

orowa shui, ouse okarituye-buri akire utara koro michi ne kuni gusu shomo ne, koroka, akoro michi Abraham naa shomo okarituye-buri akire etokota eishokoro ki korachi, obitta no okai eishokoro ki utara koro michi ne kuni gusu an ambe ne ruwe ne na.

Garatea 1:14

ekashi koro oina gusu ku keutura shi no seisek wa gusu, nei rapoke ku goro kotan un utara kasu no naa Yudea un epakashi otta ku aeyairamushinnere nisa ruwe ne.

II Tessaronike 3:11

Inambe gusu ne yakun, echi tumugeta uottumashi iki hine pon no ka shomo monraige, koroka, katukari utara okai sekoro chi nu ruwe ne gusu ne na.

II Tessaronike 3:6

Orowa, iriwak utara, un orowa no akoropare oina korachi shomoki wa uottumashi apkash pishno okai iriwak wano yai-shishire kuni, chikoro Utarapa ne Yesu Kiristo kon reihei ankushkerai echi kashpaotte ash na.