Markos 7:4 - Ashiri Aeuitaknup Iyohaichish Yona 1897

⁴ orowa, nei utara ihok ushike orowa no araki ita yai-furaye shomoki chiki, ibe shomoki: samata, tuki hene, itangi hene, shiunin-kani op hene, furaye korachi an no okai moshima an buri koro wa shikkashima ruwe ne.

Markos 7:4 ပူးပေါင်းရင်းမြစ်များ

Iyohaichish 26:6

Turu sakbe ani ku tekehe ku furaye kusu ne; Ene ku an wa, aa Ehoba, E koro yange set orun ku oman kusu ne na:

Mattaios 23:25

Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, itangi newa orowa aibe sei soige echi ashkannere ruwe ne, koroka, onnaige anak ne ibeshikashure ambe newa eikaunu ambe ani eshik ruwe ne.

Mattaios 23:26

Shiknak Parisee un guru, itangi newa orowa aibe sei soige ne yakka aashkannere kuni ne hoshiki no nei onnaige ashkannere yan.

Mattaios 27:24

Orowa, ene akari ka isam kunak pirato eraman wa, ouse sakayo patek tane hopuni kusu ne sekoro nukara chiki, wakka uk wa, inne utara kotpokita koro tekehe furaye hine ene itak-hi :— Tan oupeka guru koro kemihi shomo ku ekottanu; echi okai utara ki yan, sekoro itak.

Markos 7:8

Echi utara anak ne Kamui sange kashpaotte emaka wa ainu kara oina shikkashima ruwe ne.

Yoannes 2:6

Nei ushiketa Yudea un utara ashkannere buri gusu an ine to hene ashikne to hene omare eashkai shuma shu iwan shu okai ruwe ne.

Yoannes 3:25

Orowa, Yoannes koikara utara anak ne ashkannere buri gusu shine Yudea un guru tura upahunara ruwe ne.

Hebraios 9:10

nei ambe anak ashin no aeashirikara kuni gusu an pakihi pakno aashte kam oma aesanniyop ne (aep hemhem, iku ambe hemhem, usa yashke ambe hemhem tura ikip ne ruwe ne).

Yakob 4:8

Kamui orun karange no araki yan, yakun, Shinuma echi orun karange no ek kusu ne. Katpak koro utara, echi koro teke ashkannere yan; tu keutum koro utara, echi koro sarabe turusakte yan.

I Yoannes 1:7

koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.