Markos 6:34 - Ashiri Aeuitaknup Iyohaichish Yona 1897

³⁴ Orowa, Shinuma ek wa poro inne utara nukara, aine, erampokiwen wa kore, nei utara reshpa guru sak hitsuji chikoikip korachi ne ruwe ne gusu ne na; orowa, Shinuma inne, orushpe epakashnu heashi nisa ruwe ne.

Markos 6:34 ပူးပေါင်းရင်းမြစ်များ

Mattaios 14:14

Aige, Shinuma ek wa poro ainu topaha nukara, awa, erampokiwen wa kore hine koro tashum ki utara iwangere nisa ruwe ne.

Mattaios 15:32

Orowa, Yesu anak ne koikara utara shihekote hotuyekara wa orota ene itak-hi :— Topaha utara tane rere-ko shomo ibe no En tura no okai gusu, Ku erampokiwen wa kore ruwe ne: orowa, ikineipeka ru hontomo ta ika sambe eshingi kuni ne, shomo ibere no Ku payere niukesh ruwe ne, sekoro itak.

Mattaios 9:36

Koroka, Shinuma inne utara nukara chiki, gusu erampokiwen wa kore na, oreshpa guru sak no an hitsuji chikoikip korachi yairamhekonro wa shitchari wa okai ruwe ne gusu ne na.

Markos 6:33

Paye shiri utara nukara koro inne no eamkiri gusu obitta no okai machiya orowa no hoyupu wa ya peka nei ushiketa etoko uwekarapa nisa ruwe ne.

Markos 6:35

Orowa, tane tokap okere ehange ita orota koikara utara araki wa ene itak-hi :— Tan ushike kimta ne,

Markos 8:1

Nei toho ta shui poro inne utara okai, awa, aep isama, nei ita orota Shinuma koikara utara shihekote hotuyekara wa ene itak-hi :—

Markos 8:2

Inne utara rampokiwen wa Ku kore na, tane rereko ta En tura no okai wa nep ne yakka ibe shomoki nisa ruwe ne gusu ne na:

Roukos 9:11

Koroka, inne topaha utara nei ambe nukara chiki Shinuma osh paye: orowa, Shinuma nei utara enupetne uk wa orota Kamui moshiri gusu an orushpe nure, samata, tashum aiwangere kuni okai utara iwangere nisa ruwe ne.

Hebraios 2:17

Tambe gusu, Shinuma anak ne nep ne yakka gusu koro iriwak utara nei no akara kuni oupakbe ne; tambe anak Shinuma utara koro katpak gusu imommuye kara kuni ne erampokiwen wa kore ikipniukesh Kamui korope gusu yaisbieiwangere esapane guru ne kuni gusu an ambe ne ruwe ne.

Hebraios 4:15

Inambe gusu ne yakun, chikoro katchakbe nu wa eramu eaikap Kamui otta yaishieiwangere guru un otta isam; koroka, nep ne yakka chi utara korachi akoramnukara nep a yakka chikokatpak isam ruwe ne.