Markos 6:3 - Ashiri Aeuitaknup Iyohaichish Yona 1897

³ Tambe anak ne bancho ne guru, Maria koro poho shomo ne ya? Yakob hene, Yoses hene, Youdas hene, Simon hene, koro okkai ainu uiriwak shomo ne he an? Samata, koro matne ainu uiriwak teda un tura no okai shomo ne mwe he an? ari itak. Orowa, nei utara Shinuma gusu epetchiu nisa ruwe ne.

Markos 6:3 ပူးပေါင်းရင်းမြစ်များ

Mattaios 11:6

Orowa, nen ne yakka En gusu epetchiu kuni ika nukara shomoki guru anak ne anunuke ne ruwe ne — sekoro itak.

Mattaios 12:46

Shinuma anak ne inne topaha utara orota itak rapoketa, ingarʼan, koro habo koro iriwak utara tura Shinuma otta itak rusui gusu soita roshki wa okai.

Markos 15:40

Orowa no, otuima shitta roshki wa okai ingara korʼan shiwentep utara ka okai: nei tumugeta Makdarene un Maria hemhem, Yakob newa pon Yoses koro habo Maria hemhem, Sarome hemhem okai ruwe ne;

Markos 3:18

orowa, Andreas hene, Piripos hene, Bartoromaios hene, Mattaios hene, Tomas hene,

Roukos 2:34

Simeon nei utara nunuke, orowa, koro habo Maria otta ene itak-hi :— Ingarʼan, tan aiai anak ne Israeru un inne utara hachiripa hemhem ki hopumba hemhem ki, samata, gusu sempirike-oitak shirosh ne kuni ne aande ruwe ne;

Roukos 7:23

Orowa, En gusu aureepetchiure shomoki gurʼanak ne anunuke ne ruwe ne, ari itak.

Roukos 8:20

Aige, E koro habo E koro ainu iriwak utara soita roshki wa E nukan rusui, ari an ambe Shinuma otta aye nisa ruwe ne.

Yoannes 14:22

Shinuma otta Youdas (Kariot kotan un guru shomo ne) ene itak-hi :— Utarapa, nep hetuku wa an gusu Aokai anak ne moshiri otta shomo ne no koroka un otta yainukara ya? sekoro itak.

Yoannes 6:42

Awa, ene itak-hi :— Tan guru anak ne koro ona koro unu chi eamkiri Yosep koro poho Yesu shomo ne ya? Hemanda gusu, Kuani anak ne kando orowa no Ku ran ruwe ne ani tane Shinuma itak ya? sekoro nei utara itak nisa ruwe ne.

Apostoro ikip oma kambi 1:13

Orowa ahup an chiki, otta okai shiri rikta an tumbu orun rikin nisa ruwe ne; nei ita Petros hemhem Yoannes hemhem Yakob hemhem Andreas hemhem okai, Piripos newa Tomas, Bartoromaios newa Mattaios, Arupeus koro Yakob, Zerotes ne Simon, orowa, Yakob koro Youdas okai ruwe ne.

Apostoro ikip oma kambi 12:17

Koroka, nei utara mo no okai kuni ne shinuma kotekparuparu, aige, ipakashnu chisei wano Utarapa anak ne isoinere orushpe nure nisa. Orowa, tap orushpe Yakob newa iriwak utara nure wa en kore, ari itak. Orowa shinuma arapa wa oya ushike un oman wa isam.

I Korintos 1:23

koroka, chi utara anak ne utasa chikuni otta akungi-kokikkik Kiristo eupaskuma ash, tambe anak Yudea un utara gusu aureepetchiurep ne, orowa, Oya utara gusu aeramusambe ne ruwe ne;

I Korintos 9:4

Ibe hene ki iku hene ki kuni rengaine an mondum shomo chikon ruwe he an?

Garatea 1:19

Koroka, Utarapa koro iriwak ne Yakob moshima ne chiki, moshima okai Apostoro shomo ku nukan nisa ruwe tapan na.

I Petros 2:4

utara orowa no aemaka yakka, Kamui numge shiknu wa an aeoripak an shuma ne Shinuma orota araki yan;

Youdas 1:1

Yesu Kiristo koro usshiune guru ne Yakob koro iriwak Youdas anak ne, ahotuyekara wa okai, Michi ne Kamui otta aomap, Yesu Kiristo gusu ashikkashima wa okai utara otta kambi omande na: