Markos 5:7 - Ashiri Aeuitaknup Iyohaichish Yona 1897

⁷ orowa, rui hau ani hawe ashte wa ene itak-hi :— Iyotta rik un Kamui Poho Yesu, E otta nep irengaʼku an a? Iteki Aokai en panakte kuni ne Kamui ani ku E ikashpaotte ash na, ari itak.

Markos 5:7 ပူးပေါင်းရင်းမြစ်များ

Mattaios 16:16

Simon Petros ese wa ene itak-hi :— Aokai anak ne Kiristo ne: Ishu Kamui koro poho E ne ruwe ne, ari itak.

Mattaios 26:63

Koroka, Yesu nep poka ye ka shomoki ruwe ne. Otta Kamui kora kenru esapane guru ese wa ene itak-hi :— Eani Kamui Poho ne Kiristo E ne ruwe he an? Shomo ruwe he an? ari an ambe En otta E ye kuni ne, Ishu Kamui koye wa E ikashpaotte ash ruwe ne, ari itak.

Mattaios 4:3

Aige ikoranmukarape Shinuma orota ek wa ene itakhi :— Aokai anak ne Kamui Poho E ne chiki, tan shuma aep ne akara kuni gusu kashpaotte yan, sekoro itak.

Mattaios 8:29

Orowa ingarʼan, nei utara hawe sange wa ene itak-hi :— Kamui Poho Yesu, un otta nep irenga an a? Naa etoko an aine teda ek wa un panakte shiri ruwe he an? sekoro itak.

Markos 1:24

Nazaret un Yesu un otta nep irenga an a? Un isamka gusu E ek a? Aokai nen ne ruwe sekorʼambe ku eramʼan, Kamui Ashkannep E ne ruwe ne, ari itak.

Markos 14:61

Koroka, Shinuma mo no an wa nep ka ye shomoki nisa ruwe ne. Orowa, shui, Kamui kora kenru esapane guru Shinuma otta nu wa ene itak-hi :— Anunukep koro Poho ne Kiristo E ne ruwe he an?

Markos 3:11

Orowa, Ichakkeri ramat anak ne hembara ne yakka Shinuma nukara chiki, kotpoketa hachiripa, orowa, hawe ashte hine ene itak-hi :— Aokai anak ne Kamui Poho E ne ruwe ne, ari itak.

Markos 5:6

Nei guru tuima no an ushike wano Yesu nukara, awa, hoyupu hine orota ko-ongami;

Markos 5:8

Inambe gusu ne yakun, — Ichakkere ramat, nei guru orowa no oashin yan, ani an itak ani Shinuma ye nisa ruwe ne gusu ne na.

Roukos 1:32

Shinuma anak ne pase guru ne kusu ne, Iyotta Rikumbe Koho ani aye kusu ne: Utarapa Kamui anak ne koro michi Dabid araset Shinuma otta kora:

Roukos 4:34

Aa Nazaret kotan un Yesu, un otta nep irenga an a? Un isamka kuni gusu E ek ya? Aokai anak ne nen ne ya ku eramʼan; Kamui koro Ashkannep E ne ruwe ne — ari itak.

Roukos 6:35

Koroka, echi pokba utara omap wa epirikare yan; echi korobe erusa wa iteki nei ambe gusu nishomap yan; yak anak ne echi pummaha porobe ne kusu ne; Iyotta Rikumbe poho echi ne kusu ne na; Shinuma anak ne wen utara otta ne yakka yaiiraige eramushkare utara otta ne yakka e ramu-hauge ruwe ne.

Roukos 8:28

Nei guru Yesu nukara chiki hawe ashte hine Shinuma kotchaketa hachiri wa oro mau soyoshma hine ene itak-hi :— Iyotta rikun Kamui Poho Yesu, E otta nep irenga ku an a? Iteki en panakte kuni ku koramkon na, ani itak.

Yoannes 20:31

koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.

Apostoro ikip oma kambi 16:17

Awa, shinuma anak ne Pauros newa un oshi ek wa hawe ashte hine ene itak-hi :— Tan utara anak ne Iyotta Rikun Kamui koro usshiune utara ne, echi utara gusu kashichiobiuki kuni ruhu assuru ashte utara ne ruwe

Apostoro ikip oma kambi 19:13

Koroka, okai keshirikari wa pon-itak-ki Yudea un utara ne yakka, wen ramat shikatkare utara kashi Utarapa ne Yesu reihei konishuk wa ene itak-hi :— Pauros eupaskuma Yesu ani kuani e ikashpaotte ash na, ari itak.

Apostoro ikip oma kambi 8:36

Payekai, aige, wakka an ushike orun araki; awa, nei Eunokos ene itak-hi :— Ingarʼan, teda wakka an; shomo baptisma a en kore kuni nep ahatto an a?

Roma 16:20

Orowa itomo irenga koro Kamui anak ne naa pon no shiran ko echi koro chikiri pokta Satan piriore kusu ne na, Chikoro Utarapa ne Yesu Kiristo korʼirenga echi tura no an kuni akoramkon na.

Hebraios 2:14

Poho utara anak ne kem newa kam utura kon ruwe ne gusu, Shinuma yaikota ne yakka shem korachi nei ambe kon ruwe ne; tambe anak Shinuma rai ambe ani nitne kamui ari aye rai-i kiroro korobe isamka kuni gusu ne na;

Hebraios 7:1

Tan Merukizedek anak ne Sarem esapane guru ne, Iyotta Rikun Kamui otta yaishieiwangere guru ne, awa, shinuma anak ne nei moshiri shikkashima utara ronnu-i orowa no hoshipi korʼan Abraham etunangara wa shinnunuke nisa,

Yakob 2:19

Kamui shinep ne sekoro eani eishokoro ki; nei ambe pirika ne: nitnep ne yakka eishokoro wa tusushke ruwe ne.

II Petros 2:4

Inambe gusu ne yakun, Kamui anak ne katpak ki hauturumbe honnere shomoki koroka, akoipishi kuni gusu ashikkasmimare wa Tartaros otta an kunne shui orun okeuba chiki,

I Yoannes 3:8

oupekap ne ruwe ne; katpak ki guru anak ne nitnep orowa no an ambe ne; atpake wano nitnep anak katpak ki ruwe ne gusu ne na. Tambe gusu, Kamui poho anukan ruwe ne, nitnep ki ikip isamka kuni gusu ne na.

Youdas 1:6

Samata, yaikota koro esapane kuni ushike shomo shikkashima, koroka, okai kuni oshiroma-i ande uitek utara, Shinuma nei poro toho koipishi an-hi pakno kunne-i otta ramma pakno an tupep ani

Ekambakbe 12:12

Tambe gusu, aa kando newa kando otta okai utara, nupetne yan. Moshiri newa atui newa yaisambepokash humi! Inambe gusu ne yakun, nitne kamui anak ne irukai patek okai kuni ambe eraman wa shi no irushka hine echi orota san wa an ruwe ne gusu ne na.