Markos 5:35 - Ashiri Aeuitaknup Iyohaichish Yona 1897

³⁵ Shinuma itak an aine Uwekarapa chisei esapane guru koro uni wano utara araki wa ene itak-hi :— E koro matne-po rai okere ruwe ne: nep gusu naa Epakashnu guru shingere ya?

Markos 5:35 ပူးပေါင်းရင်းမြစ်များ

Mattaios 26:10

Koroka, Yesu tambe eraman wa otta ene itak-hi :— Nep gusu, shiwentep echi ramusarakka ya? Shinuma En orun pirikap iki nisa ruwe ne gusu ne na.

Mattaios 26:18

Shinuma ene itak-hi :— Machiya orun paye wa nei an guru otta ene ye yan :— Epakashnu guru ene itak-hi :— Ku pakihi ehange no an; Kuani Ku koikara utara tura e kotʼchisei ta Kama-kush marapto Ku iki kusu ne, ari an itak ani ye yan.

Mattaios 9:18

Shinuma tan okai itak nei utara otta, ye rapoketa, ingarʼan, shine sapane guru ek wa ongami hine ene itak-hi :— Ku matnepo tane poka rai etokooiki wa an; koroka, Aokai ek wa kashiketa tekehe ande wa en kore, yak anak ne shiknu kusu ne, sekoro itak.

Markos 10:17

Orowa, Shinuma payekai korʼan ita, orota shine ainu hoyupu wa kotchaketa kokkaea hine ene itakhi :— Pirika epakashnu guru, kuani hembara pakno ne yakka shiokere shomoki inotu ku eikeshkoro kuni ne nekon a ku ki yak pirika ya? sekoro nu.

Markos 5:22

Aige, Yairos ani an reihei koro, Uwekarapa chisei esapane shine ainu ek hine Yesu nukara koro, kema samaketa hachiri, aine, koramkoro wa ene itak-hi :—

Roukos 8:49

Orowa, Shinuma itak rapoketa Uwekarapa chisei esapane guru koro uni wano shinen ek wa, E koro matne-po rai okere gusu, iteki Nishpa shungere yan, sekoro itak.

Yoannes 11:21

Orowa, Yesu otta Maruta ene itak-hi :— Utarapa, Aokai teda E an chiki ku iriwak rai a shomoki ruwe ne.

Yoannes 11:25

Orota, Yesu ene itak-hi :— Kuani anak ne hetopo-shiknu ambe Ku ne, inotu Ku ne ruwe ne: En eishokoro guru anak ne rai yakka ishu kusu ne:

Yoannes 11:28

Tan itak ye okere chiki shinuma oman wa arorokishne no koro saha Maria hotuyekara wa :— Epakashnu guru ek wa an hine e hotuyekara ruwe ne, sekoro itak.

Yoannes 11:32

Tambe gusu, Maria anak ne Yesu an ushi ta ek wa Shinuma nukara chiki, koro chikiri samaketa hachiri wa orota ene itak-hi :— Utarapa, Aokai teda E an chiki, ku ainu iriwak anak ne rai a shomoki ruwe ne, ari itak.

Yoannes 11:39

Rai guru koro mat iriwak Maruta Yesu otta ene itak-hi :— Utarapa, tane hura at: ine rere ko an ruwe gusu ne na.

Yoannes 5:25

Son no son no echi otta Ku ye :— Rai guru anak ne Kamui Poho hawe nu, orowa, un utara shiknu kusu ne pakihi ek, tane nei pakihi an ruwe ne.