Markos 5:23 - Ashiri Aeuitaknup Iyohaichish Yona 1897

²³ Ku pon matkachi rai ehange ruwe ne: shinuma kashi-a-obiuki wa ashiknure kuni gusu ek wa kashiketa tekehe ande wa en kore, ari itak.

Markos 5:23 ပူးပေါင်းရင်းမြစ်များ

Iyohaichish 107:19

Nei ita nei utara anak ne yairamkoiki wa Ehoba konishuk, Awa, nei a yairamshitnere-i gusu Shinuma kashiobiuki nisa ruwe ne na.

Iyohaichish 50:15

Yairamhekomo ita En orun kohawe ashte yan, Orowa, Kuani e kashiobiuki kusu ne, aige, eani En ramye kusu ne na.

Mattaios 8:3

Orowa Yesu tekehe tun wa nei guru tomoshma hine ene itak-hi :— Ku ramuoshma na, e ashkannere ash na — sekoro itak: orowa, munin tashum anak ne nani isam nisa ruwe ne na.

Markos 16:18

Ku reihei ankushkeraipo nitne kamui oashinge, orowa, ashiri itak ani ye kusu ne; okokko kishima, orowa, raige kuni iku ambe iku yakka oara a wende shomoki; tashum utara kata teke ande chiki aiwangere kusu ne na, sekoro itak.

Markos 5:24

Orowa, nei guru tura Shinuma oman; aige, inne utara nei osh paye wa Shinuma eukonumba nisa ruwe ne.

Markos 6:13

Samata, inne nitne kamui oashinge, orowa, inne tashum ki utara kata shum ota wa iwangere nisa ruwe ne na.

Markos 7:32

Awa, utara anak ne itak eaikap ashpa uwopuk guru Shinen Shinuma otta tura wa araki; aine, shinuma kata tekehe ande kuni koramkoro.

Markos 8:23

Orowa, Shinuma nei shik-nak guru koro teke kishma wa kotan soige un itura; aige, shiki kata topsekara chiki kashiketa teke ande koro, nepka e nukara ya, ari uwepekennu.

Roukos 13:13

Orowa, kashiketa Shinuma anak ne tekehe ande: awa, nani, nei shiwentep ikkewe aturi wa Kamui ko-oripak nisa ruwe ne.

Roukos 4:38

Orowa Shinuma Uwekarapa chisei orowa no oman wa Simon kotʼchisei orun ahun nisa ruwe ne. Orowa, Simon koro shiuto-habo yupke seisek mau tashum ki wa an, awa, nei shiwentep gusu utara anak ne Shinuma koramkon ruwe ne.

Roukos 4:40

Orowa, chup ahun koro ita usa okai tashum ki utara koro guru anak ne Shinuma orota aani wa araki, aige, pishno okai utara kashiketa koro tekehe ande wa iwangere nisa ruwe ne.

Roukos 7:12

Awa, Shinuma nei machiya apa ko-ehange no ek ita anak ne, ingarʼan, rai guru machiya orowa no aani shiri an ruwe ne; koro habo anak shiyompiyara ne, rai guru anak ne shinuma shinen ne poho ne ruwe ne; orowa, nei machiya un inne utara nei shiwentep tura no okai ruwe ne na.

Yoannes 11:3

Tambe gusu, mat uiriwak utara Yesu orota teshkara wa ene itakte-hi :— Utarapa, E ikatairotke a guru tashum wa an ruwe ne, ari itakte.

Apostoro ikip oma kambi 28:8

Aige, Poprios koro michi anak ne seisek mau tashum newa oshke araka tashum ki wa hotke wa an ruwe ne: awa, otta Pauros ahun wa inonno-itak ki, orowa, kashita koro teke ande hine iwangere nisa ruwe ne.

Apostoro ikip oma kambi 6:6

tan okai utara Apostoro kotchaketa aroshkire: orowa, inonno-itak ki okere chiki, kashiketa koro teke ande nisa ruwe ne.

Apostoro ikip oma kambi 8:17

Orowa no, nei utara kata teke ande, aige, Ashkanne Ramat akore nisa ruwe ne na.

Apostoro ikip oma kambi 9:12

ingara, shinuma inonno-itak ki korʼan; samata, Ananias ani an reihei koro ainu nei chisei otta ahun wa shinuma ingare kuni ne kashiketa tekehe ande-hi nukan nisa ruwe ne.

Apostoro ikip oma kambi 9:17

Orowa, Ananias oman wa nei chisei otta ahun; aige, shinuma kata teke ande wa ene itak-hi :— Ku iriwak ne Sauros, eani ek ru hontomota e otta yainukare Utarapa ne Yesu anak ne aokai ingare kuni gusu, samata Ashkanne Ramat ani E aeshikte kuni gusu en teshkan nisa ruwe ne.